أمهات عروس عامة، وامهات قطر خاصة.. افيدوني

ه

همس القـلوب

عروس رائعة

06-08-2007 | 10:14 PM

السلام عليكم

أتمنى تكونون جميعا يا كل الأمهات بأحسن حال..

بغيت أسألكم جميعا سؤال وأتمنى تفيدوني فيه لأنه وايد شاغل بالي..

ولدي الله يخليه لي عمره الحين 4 شهور.. في أول شهور لما أعطيه ماي ما كان يتقبله

لأن تعرفون طعمه مو حلو بالنسبة لطفل دايم يشرب حليب..

فكنت أضيف للماي أما نص ملعقة شاي ميلوبا أو ملعقة صغيرة ماي غريب أو إذا حسيت فيه إمساك

أحط ذرات من السكر البني.. منها إنه يشرب ماي ومنها أتفادى المغص اللي كان يعاني منه..

بس الحين قاعدة أشربه ماي بدون أي إضافات، بس بسألكم.. هل معدة ولدي تعودت على الإضافات؟؟ سواء

شاي ميلوبا أو ماي غريب أو غيره؟؟ هل بيضره إذا صرت الحين ما أعطيه وبس أعطيه ماي بدون أي شي؟؟

وسؤال ثاني لأمهات قطر، بغيت أعرف من أحسن طبيب أطفال في قطر؟؟

لأني بغيت دكتور زين أستشيره في بعض الأمور..

وجزاكم الله كل خير

:flower:

ن

نورالهدى

عروس نشيطة

06-08-2007 | 11:00 PM

عزيزتيالغاليه:9_33:
انا اعتقد انه ما في اي ضرر بالعكس اعطيه الماي بروحة افضل...
والله يحفظه لك يا رب..:wavey:
اما بالسبه للدكتور والله ما عندي فكرة..:no:

A

ALSHOG

عروس مشاركة

07-08-2007 | 10:46 AM

حبيبتي عندج دكتوره سحر والدكتور مهند

أ

أم أغلى فهد

عروس جديدة

07-08-2007 | 12:24 PM

عزيزتي عندج الدكتور هاني سويد في عيادات حمد والدكتور راضي عيادة خاصة في السد وانتي واللي ترتاحين معاهم

ا

السايده

عروس جديدة

07-08-2007 | 12:48 PM

حبيبتي على فكره الطفل في الستة شهور الاولى اذا كان يرضع طبيعي مايحتاج للماي اما اذا كان يرضع صناعي فلابد له من الماي...واما بالنسبه للدكتور انا افضل محمد علي في عيادات الكندي اسلوبه شوي قاسي بس ممتاز وان شالله ماتحتاجينه....اختك الساايده.

س

سحايب دبي

عروس فضية

07-08-2007 | 01:17 PM

لا عادي لا تعودينه على الماي بالاضافات بكره لو انتي برا البيت و كان عطشان ما بيرضى يشرب و بيظل يبكي و بتتبهدلين معاه

و معدته ما عليها شر الماي ما يضر

غ

غدران

عروس مشرقة

07-08-2007 | 02:24 PM

انا كنت احط اضافات للماي حق بنتي بعدين قمت اعطيها الماي بروحه وان شاء الله ماعليها شر

اما بالنسبه للدكاتره : عندج الدكتور مهند فؤاد عبدالقادر ،،بصراحه اسلوبه يعجبني يطمنج وينصحج

وعندج بعد الدكتور خالد في عيادة الدوحه

وان شاء الله البنات مابيقصرون معاج

ه

همس القـلوب

عروس رائعة

20-08-2007 | 05:22 AM

ما قصرتوا يا بنات قطر

هذا العشم فيكم والله..

كفيتوا ووفيتوا..

بس ممكن تقولون لي وين عيادة الدكتور مهند؟؟

وشكرا :flower: