هل من أي نصيحه أخرى تقدمونها لي غير السكوت؟؟؟

هلا بالعرايس...


عندي مشكله كبيره والمشكله هي بيني وبين أمي :sad:


لا تستغربون :qaq:


في سنة 2006م وبشهر 3 بالضبط يا ولد ربيعت أمي يعني أعتبره ولد خالتي

يانا عقب غيبة 8 إلى 7 سنوات تقريبا ماقمنا نشوفه من سنة 1997 لأنه صار كبير

ويستحي يي بيتنا ويلعب معانا...>>> أقولكم قصة حياتي :gum:


المهم فأمه إتصلت في أمي وقالتلها إنها تبيني وأو تبي إختي حق ولدها

فأمي قالتلها بناتي بناتج....

المهم فولد خالتي كان يحبني من 4 سنوات وأنا مادري المهم فإختارني أنا...:21_207:

وقال حق أمي بملج السنه إللي عقبها لأن إيدي قاصره فأمي وافقت <<<< ركزو أوكي

وعلى فكره هو عمره 21 سنه يبي يتزوج عشان مايطيح فالحرام

المهم في شهر 5 / 2006م طلع إسم أبوي لأنه كان مقدم فالإسكان والحمدلله

فامي من هاك اليوم بدت شوي شوي تحط عينها عليه وبدت تضاربني من خلصت

الثانويه العامه 2006م وولد خالتي قال حق أمي ماتشتغل وأنا وافقت طبعا هالشي راجع لي أنا

والحين بدت المشاكل من شهر 7 / 2006م وهي كل يوم تضاربني هيه إنت بغيتي تزوجين

وإنت وإنت ...... المهم عشان أسكتها قدمت فالتنميه ومازقروني على العموم كل هالمشاكل

على شو على إني ماساعدتهم في دفع البيزات حق البيت اليديد...

وكل مره تقولي إنت مامنج فايده أصلا إنتي ماتحبينا وإنت ماصدقتي على الله إني وافقت

ماتعرفين تقولين أنا أبي أشتغل يعني تباني أقول الرمسه إللي هي تبيها

المهم وكل مره تظهر بسالفه مع حماتي وتضارب وحماتي فيها السكري

وأنا أحبها واااااااايد حتى يوم تأخرو بالملجه قالت قولي حق خطيبج لو ماملج عليج بشهر 2 / 2007م

ماتكلمينه وبسحب عنج التيلفون ياناس أنا حره برمس إللي أبيه هي مو من حقها تسحب

عني التيلفون أنا ماقاعده أسوي شي غلط >>> فاهمين عليه خطيبي إيده قاصره يعني لين الحين ماكان عنده

المهر يوم أقوللها هالرمسه تقول عيل ليش يا وخطبج من الأول إنزين أنا راضيه

أول شي توافق عقب يوم ظهرت سالفة البيت تبي تتراجع عن قرارها والله إنها أنانيه

ولا تقوليلي لا حرام لاتقولين جي لأنها فعلا أنانيه وكل مره تقولي إنت أصلا حراميه مافيج

خير حنا ماكبرناج ولا صرفنا عليج إبلاش >>>> هي مصلحجيه تبيني أشتغل عشان أدفع حق البيت

والمصيبه الكبرى>>>> تقولي إن يتي عقب العرس البيت بحش ريلج حش وبعتبرج ميه بالنسبه لي

بالله شو الرمسه ترى هالرمسه ياما سمعتها منها سنه كامله وأنا على هالحال والبارحه بعد ضربتني

تقول رمسه تخلي الواحد يطلع عن طوره فأنا أرد عليها غصبا عني مثلا تعيب

على زوجي <<< ترى ملج عليه بشهر 2 / 2007 المهم وتقول هذا ريلج ماصدق على الله خذاج

وين إنت وين هو تعرفون ليش (( بس لأني سويديه وهو بلوشي )) ياناس أنا راضيه هي شو دخلها

والله قهر وتسبني وتقولي أشياء المفروض ماتنكتب إهني إفهمو قصدي تقولي هيه

إنت فيج دوده وإنت تبين ريال والله عمري ماشفت أم مثلها :angry:

وتقولي أنا أصلا أكرهج لأني قلتي كذا وكذا >>>> تحاسبني على زلة لسان لما

كان عمري 5 سنوات فقلت حق أهلي خواتي من أبوي إن أمي كذا >>> هالشي سر ما أقدر

أقوله تقولي لاتعزمين ربعج فالعرس بس والله إني بعزمهم وإللي فيها فيها..

ولا تقولولي راضي أمج وإسكتي عنها لو إنتو مكاني جان حسيتوا..

باللي قاعد يصير لي والله كرهت هالعيشه.. ومحد مونسني غير زوجي هو يداوم إسبوعين

بإسبوعين هالإسبوعين إللي ينزل فيهم إجازه ييني 4 مرات لأن بيتهم براس الخيمه فديت راك

فتقولي هيه إنت بس إنخشي مع زوجج بالغرفه ماتعرفين تسوين شي..

كلام غلط بغلط والله حرام عليها أنا تعبت هي مايخصها بحياتي أيام تسكت عني

عقب ترجع ألعنتين عن قبل وتقولي إنتي مصلحجيه الشخص إللي بييبلج هدايا بتلحقين وراه

وبتمين إدافعين عنه والله هالكلام غلط أنا يوم وافقت على زوجي مو عشان فلوسه أو عشان

يداوم فالبترول بالعكس انا حبيته وأنا متعلقه بزوجي لأنه يبادلني الحب والحنان إللي أنا كنت

فاقدتنه من أمي للأسف...

وتقولي أنا مصلحجيه طلعت هي المصلحجيه دفعي حق البيت بعطيج الحب إللي تبينه هذا هو قصدها

ولا تقولولي لا لأن إللي قاعده أقوله صدق قولو كيف>>>

أنا أقوللكم إختي إداوم فتحبها وايد أنها تدفع حق البيت اليديد وتحب خواتي الباجيات

وتحب أخوي وماتضاربهم وايد أما أنا ففي وجه المدفع على قولتهم

كله أنا ياربي شو أسوي والله ماعرف حتى البيت ماتباني أطبه إذا عرست ماصارت :(


تكفون شو الحل رجيتكم.... :cry: