حياتي .......بعد التساقط

حبيبتي سوي حق شعرج حمام زيت اسبوعيا وان شاء الله بيتحسن بس اهم شي النفسيه حبيبتي ....... انا مثلج شعري يطيح وووووووايد من عقب الولاده ونفسيتي تعبت لانه اتغير شعري وايد عن قبل بس الحمدلله وايد بنات رفعو من معنوياتي وطنشت السالفه ....... يوم بتمشطين شعرج ادعي وسمي بسم الله وان شاء الله بتين عقب فتره وبتقولين انه شعرج استوى احسن عن قبل بس لالالالالالالا تفكرين :) وخلج واثقه من نفسج حتى لو شعرج خف شو يعني عادي فديتج هاي فتره وبتعدي :)

حبيبتي ولاتتعب نفسيتك ولاشي ترى الشعر والبشره على كثر ماتفكرين فيها وتعبين نفسك بالتفكير فيها هذا هو الي يخليهم يندمرون
والله اعرف وحده سوت ريجيم قاسي ونفس الشي بشرتها شحبت وشعرها والله شي يحزن قليييييييييييييييييييل
بس هي بعد الريجيم صارت ماتفكر فيهم وتركز على الاكل المفيد وتعتني بشعرها عليك بالجرجير حيل مفيد بالسلطه وفيه خلطه والله كثير سمعت سووها وشعرهم بدى ينبت بس خليني اسالك شلون الطريقه بالبط وبردلك خبر بكره
بس حطي في بالك النفسيه اساس كل شي يعني التفكير اكثر شي يحت الشعر
ولاهم انك اذا قررتي تحطين زيت معين او خلطه لازم تكونين مقتنعه فيها ومقتنعه بان نتايجه راح تظهر باذن الله لان سبحان الله الجسم يتفاعل مع اي خلطه سواء للبشره او الشعر

اسفه على الاطاله واتمنى اني افدتك بشي


انطريني بردلك بخصوص الخلطه حبيبتي ولاتضيقين صدرك ترى مافي شي يسوى الحمدلله على كل حال

مشكورين حبايبي على الرد على الاقل ترفعون من معنوياتي ولو مؤقت

لاني الى الان الساعه السابعه لم ترى عيني النوم هم شعري ثاقل على صدري وماني عارفه شنو اسوي فيه على الاقل

يوقف التساقطوتبقى لي كم هالشعرة اللي بقت والحمد لله

اختي لمحه غروب .........جان زين لو تردينلي فاقرب وقت

وقبل كل شي دعواتكم

رووحي لطبيب جلدي

انصحج تروحين حق طبيب مختص

يسلمووووووووووووووووووووووو

انا رحت حق طبيبه جلديه ووصفت لي فيتامينات وشامبو ولوشن وللحين التساقط يوم ورا الثاني يزيد صار شكل شعري يفشل من الفراغات

نصيحتي لج لا تغيرين الشامبو اللي تستخدمينه في هالفترة واخذي فيتامين اسمه سبرادين
والله يشفيج ويشفيني ويشفي جميع أمة محمد عليه الصلاة والسلام

بس ليش ما اغير الشامبو ؟

انا استخدم شامبو للتساقط اسمه فيتان وااصفتنه لي الدكتورة

هلا و غلا حبيبتي

حبيبتي انصحج باستخدام انبولات للشعر

او استخدمي زيت الخروع كل 4 ايام مره و خلطيه مع زيت فجل ..

و زيت الخروع اخذيه من شركة معاصر الأحلام

حطيه هالخلطه كل 4 ايام و خليها لمدة 6 ساعات + التدليك لربع ساعه

و بتلاحظين نتايج مع الصبر طبعا =)

موفقه حبيبتي و لاتترددين بالسؤال عن أي شي =)

* دمتي بمحبه *

مشكورة اختي على الرد ما قصرتي

الوردة الحلوة

مدام رحتي حق طبيب جلدي، استمري على العلاج لان الشعر مو شي مثل اي مرض، الشعر علاجه يطول وبعد 3 أو 4 أشهر يصير تمام، بس أهم شي النفسية، النفسية تكون اوكي..

مشكورة اختي على الرد

هلا اختي انا من فترة قريت فالمنتديات عن خلطة تكثر الشعر خلال اسبوع وتطوله
انا شراتج شعري استوى تااااالف لدرجة اني ما اروم ابطله قدام ريلي بس انا اسوي رجيم وارضع بنفس الوقت وقررت اني اسوي هالخلطة ورحت للعطار وخذيت الاغراض وان شاء الله ببدأ فيها باجر او عقبه

منقول

الوصفة عبارة عن:
اولا:مكوناتها هي:
نواة التمر + عين الجمل( نوع من انواع المكسرات تسمى بهذا الاسم) بمقدارين متساويين
( والمقدار تقريبا : 2 كأس بلاستيك لكل منهما )
بيالة حلبة
بصلة مقطعة قطع كبيرة
2فص ثوم مقطع قطع كبيرة
بصلة مفرومة فرم ناعم نعصر مائها باليد
2فص ثوم مفروم نعصر مائه باليد
كمية كافية من الجرجير(نعصره) مقدار كأس واحد (بلاستيك) معصور
علبة كاملة كبيرة زيت جوزالهند
علبة كاملة كبيرة زيت دابر املا الاصلي (الاخضر) مش الاصفر
علبة كاملة زيت الأس(من العطار)
كمية قليلة جدا من دهن الورد(من العطار)

ثانيا:طريقة عمل الوصفة هي :
1- نأخذ (نواة التمر+ عين الجمل) ويحرق على النار ثم يطحن جيدا ثم يعجن بدهن الورد
الى ان يصبح مثل المرهم ((وتستخدم هذه الوصفة ايضا لتغزير شعر الحواجب))
2 – نطحن الحلبة
3- نخلط الزيوت (زيت جوزالهند + زيت دابر املا + زيت الاس) في علبة كبيرة
4 – نضيف ماء البصل والثوم المعصور بواسطة اليد +ماء الجرجير (المعصور)
5 – نضيف على الزيوت ( في نفس العلبة الكبيرة الي خلطنا فيها الزيوت) نضيف(نواة التمر+عين الجمل)المطحون+الحلبة المطحونة
6 – نضيف على الزيوت قطع البصل والثوم في نفس العلبة الكبيرة (( ويمكن اضافة الفلفل الاخضر الحار بعد تقطيعه ))
7 – نرج العلبة حتى تختلط الزيوت والحلبة و..و..و..مع بعض.
8-تترك ليلة كاملة قبل الاستخدام حتى يأخذ البصل والثوم مفعوله على الزيوت


ثالثا : طريقة الاستخدام هي :
1- تدلك فروة الرأس جييييييدا مع الاطراف
2- يغطى الشعر بالغلاف البلاستيك الخاص بالأطعمة ( حتى تأخذ الوصفة مفعولها جيدا)
3- يترك على الشعر مدة تترواح بين ( ساعتين الى ثمان ساعات )
اقل مدة :ساعتين لتأخذ الوصفة مفعولها
وأكثر مدة : ثمان ساعات
(انا عن نفسي اتركه بشعري ثمان ساعات والحمد الله مافي أي اثر للتساقط او اجهاد الشعر او فروة الرأس)
4- يستخدم يوميا لكن يجب اعطاء الشعر فترة راحة كافية.( يعني بعد ماتغسلينه بالشامبو تخليه بدون وضع أي كريم او زيت علشان ماتجهدين فروة شعرك لأنك راح تحطين زيت يومياًً)

(اما اذا كان شعرك يحتاج للكريم او الزيت بعد ماتغسلينه بشامبو يفضل انك تستخدمين شامبو مرطب مثل شامبو دوف 2في1 لجميع انواع الشعر،عشان مايخليه جاااف،او أي شامبو ثاني مرطب،واذا كنتي ماتقدرين تستغنين عن الكريم بعد ماتغسلينه يفضل انك ماتكثرين من الكريم بس مسحات خفيفة على الشعر،عشان مايتطاير هذا اذا كان شعرك جاف)

وعلى فكرةترى هذي الوصفة زيادة على انها تطول وتكثف الشعر بعد تنعمه،ومع المداومة تشوفين شعرك صار مايحتاج أي كريم،بس غسليه بشامبو ومشطيه وخليه يجف على الراحة وبتلاحظين نعومته صارت طبيعية وماتحتاجين لشي..(خصوصا اذا كنتي تغطين شعرك بالغلاف البلاستيك الخاص للأطعمة،لأن الشعر يتشبع من الزيت اخيرا...
راح اختصر لكم مميزات هذه الوصفة :
1- تطول الشعر
2- تزيد من كثافة الشعر
3- تنعم الشعر
4- تزيل القشرة تماما...
5- تنفع للأطفال

مشكورة اختي على الرد

وترى اخصائيه الجلد منعتني منعا باتا استخدم دهن على فروة راسي تقول مب زين حق اللي يعانون من التساقط لان الدهن يرطب بصيله الشعرة وياعد على اقتلاعها وهذا ما لاحظته عند تصفحي المنتدى ان اغلب اللي شعرهم دهني يعانون من التساقط

اولا _ هذا رابط يتكلم عن الجرجير والله الخوات بالمنتدى ماقصرو بالموضوع كفو ووفو اتمنى تستفيدين منه

http://www.3roos.com/forums/showthread.php?t=227058&referrerid=121103


ثانيا_ هذا موضوع اذكرته اختي## لهفة الخاطر 1## وهذا الرابط لو حبيتي تشوفين التجربه الي نقلتها
http://www.3roos.com/forums/showthread.php?t=183666&referrerid=121103

وسوت عليه تعديل ##دندنه امل## عشان اذا نفع معك تدعين لهم لانهم يستاهلون انا ببتدي فيه باذن الله

الطريقه يا حبايبى

كما الاتى

تجبين بصله وتقطعينها الى اربع اقسام تحطينه فى وعاء وتضيفين له

اربع ملاعق حنه واللى ما تحب حنه تحط سدر وتضيفين له الماء

وتركيه لليوم الثانى

واخذى الماء يعنى صفيه من البصل والحنه واغسلى شعرك فيه ودلكيه فيها

وخليها ساعه ساعتين على قد ما تحبين وبعدين اغسلى شعرك بشامبو

وعطريه او بخريه


بصراحه هذه الخلطه انا قريتها بعالم حوا للاخت نوض وسويتها

بصراحه حلوه كثير للتساقط وايد فادتنى من هذه الناحيه

انا كنت اخليها بشعرى يوم كامل يعنى احطها اليوم واليوم الثانى ادهن شعرى واغسله

بس انا بصراحه اشم الريحه ريحه البصل على خفيف

وان شالله تجربونها وتنفعكم


((((تذكير ))))وهذا التعديل سوته الاخت دندنه امل للامانه

الله يجزاهم خير الثنتين
ويجزى جميع من سعى بنقل موضوع اوتجربه للافاده

مشكورين على الرد

استخدمي فيتامين بنتوقار ممتااااااااااااز