الأمهاااات العاملاااااااات تعالو ندردش شوي...

والله انك صادقة..
انا عندي ولد عمرة سنتين ولما حملت فية ما كنت متوظفة وللاسف وكسل مني وبسبب الاوجاع الي حسيت فيها وقت الرضاعه ما رضعته الا الاربعين..
الحين انا حامل للمرة الثانية وموضفه واخلص الساعه ثلاث ومهملة في ولدي وزوجي كثييييييييييييييييييير للاسف واعترف بهاذا الشئ انا جبت لولدي مربية والحمد لله توفقت طيبة معاه بس بعد ولدي يقضي معاها وقت اكثر من الوقت الي معاي لكن ايش نسوي ..

بالنسبة للبيبي الثاني انا اذا الله اراد ناويه ارضعة على الاقل الثلاث الشهور الاولى والله يساعدني واقدر على هالشئ لانو جد حرام والله وادي الاكاسر خاطري..
بس ايش نسوي الحياة صعبة وعز الوحدة براتبها ووضيفتها لكن الله يعين الجميع انشا الله..
انا اتعودت على الراتب ولا اقدر اعيش من دونة والله يقدم الي فيه الخير..

[SIZE="3"][/SIZE
صح كلامك اختي الراتب جدا جدا جدا مهم
بس لاني انا ناوية اغير مجال شغلي
فقلت برتاح لي 6 شهور في البيت ان شاء الله
مع توفير مبلغ محترم من المال من الشهور السابقة لاستفيد منها في هذه الست شهور
وبعدين ادور لي على شغله جديدة
بس مرات اقول لو الدوام يوافقون يعطوني اجازة من غير راتب لمدة شهر او شهرين
ما راح استقيل
شو رايك

آه وآه من كلمة الأمهات العاملات... أصعب شي على الأم لما تعمل وبنفس الوقت وراها مسئولية بيت وطفل وزوج...

بس الأم الشاطرة تقدر تعادل بين كل هالمتطلبات.. صحيح تعب في البداية بس مع الأيام تقدر توازن بينهم...

عن تجربتي الشخصية بعد ولادة إبني جلست بالبيت لمدة 3 شهور وبعدها رجعت للعمل وكنت أخليه عند أمي وماكن بذاك الوقت عندي شغالة وبعدها حسيت أني فعلا أتعب ومالحق على زوجي ، وزوجي كم مرة لمح بهالشي..
أستقدمت خدامة وكنت آخذها كل يوم بيت أمي مع إبني، وكانت مسئوليتها التنظيف والغسيل والكوي، بعدين شفتها طيبة مع إبني وخليتها تأكلها، بس عمرها ماسبحته وإلى هذا اليوم محد يسبحه الا آنه..
بخصوص الرضاعة ماقطعتها وأستمريت عليها فترة طويلة على الرغم من أني أدخلت الصناعي منذ بداية دخولي العمل..

لما حملت للمرة الثانية كانت معاناة كبيرة، كنت أشيل ولدي كل يوم الصبح بيت أمي (وهذا أصعب شي إلى يومنا هذا خصوصا في عز البرد او الحر والشمس طالعة)ولما أرجع كنت أقوم بكل الأعمال لوحدي لأن وقتها الخدامة سافرت وكانت الفترة من أصعب الفترات في حياتي ولكن ماستمر الحمل وبعدها كانت حياتي والحمدلله متوازنة لأن إبني كبر وماصارت المسئولية مثل السابق وصار عندي وقت لزوجي لأني أنوم ولدي مبكراً...

بالنسبة لك أختى أشوف ماله داعي للإستقالة إذا إدارة العمل تسمح لك بإجازة لمدة 5 او ست شهور حتى لو بدون راتب وأنت في هذا الوقت أبحثي عن عمل بساعات أقل..

بخصوص الرضاعة مانصحك توقفيها، أستمري عليها حتى لو رجعت للعمل او أدخلت الصناعي...وطبعا لما ترجعين بيكون له ست شهور يعني بدأ يأكل أغذية غير الحليب....

ودام والحمدلله أم زوجك موجودة أكيد بتخلي بالها عليه، ولو تقدري على مصاريف الخدامة أختاري واحدة ممتازة يكون تراعي إبنك طبعا تحت نظر والدة زوجك وتقوم بباقي أعمال المنزل بعد عودتك يكون تستغلين الوقت كله مع طفلك..

الله يسهل عليك وتقومي بالسلامة....

انا بنضم لكم بعد ..

لكن انا مو ام عامله .. انا طالبة ..

بتكلم عن تجربتي بابني الكبير لان بابني الصغير انا اخذت قدمت انسحاب من الدراسة وللحين ما جربت شلون بيكون الوضع لين بواصل دراستي عقب ..

بولادتي بابني الكبير ما سويت اسنحبا من الجامعة وولدت في نص الكورس وايام امتحانات المدتيرم ،، تعبت وايد في الولادةواضطريت ان اقعد عن الجامعة لمدة 3 اسابيع وبعدها رجعت للدوام وطبعا كانت الامتحانات تنتظرني ..
في البداية قمت اخلي ولدي عند امي لاني قعدت شهر عند امي والحمدلله كان ولدي يرضع طبيعي + صناعي ولما رجعت شقتي " انا ساكنة بعيد عن اهلي " قمت اخلي اخوات زوجي يمسكون ولديوالحمدلله عدت الامور على خير الين خلص الكورس وكان عمره شهرين ونص ..
بعدها ولظروف خاصة انقطعت عن الرضاعة الطبيعية وتم بس على الصناعي لكنه كان ياكل وبعدها ابتدت الجامعة وكان عمره 5 شهور ونص لكنه كان ياكل ويرضع صناعي والحمدلله بعد عدت على خير ..
ولما وصل قريب السنتين قررت ان اوديه حضانة اطفال على اساس يغير جو هناك ويتعود على الروضةوفي نفس الوقت كنت محرجة من اخوات زوجي ومن امي غير انه كان مشتت المسكين كل يوم عند احد لان ما كان في احد يقدر يلتزم يمسكه بشكل يومي .. والحمدلله رغم ان في البداية استعصب ولدي فكرة الحضانة لكنه بعدين تعود عليها وكان يحبها حتى اني لما اخلص جامعة وارح استلمه من هناك كان ما يرضى يجي معاي ويبغي يقعد هناك بعد ههههههههه ..

وعن البيت طبعا اعتقد ان الطالبة نوعا ما تكون ظروفها اصعب من العالمة لان العاملة بس ترجع البيت تنسى مسؤوليات شغلها وتتفرغ للبيت والزوج والاولاد لكن الطالبة يكون وراها دراسة وتحضير واسايمنتات وغيره فكان الوضع جدا صعب خصوصا اني اتذكر في ايام الامتحانات لما يمرض ولدي شلون اتأذى واروح الامتحان بدون مادرس زين او حتى انام الليل عدل ..
المهم اني كنت احاول قد ما اقدر ان اعطي البيت وزوجي وولدي حقهم وما اقصر في ايا شي لكن اعترف ان لا بد من وجود تقصير لكن الواحد كان يعمل اللي قدر عليه والحمدلله على كل حال .. واحسن شي ان زوجي كان يساعدني شوي في دراستي وخصوصا في الاسايمنتات وكنا علشان نشغل ولدي نعطيه ورقة وقلم ونخليه يكتب :2_106:
واما عن دراستي بعد قدوم المولود الثاني فمو عارفة شلون بيكون الوضع لكن اتمنى ان الله يهونها وتتيسر الامور .. بس الاكيد ان ولدي الكبير بيكون في الروضة وولدي الصغير احتمال اخليه عند اي احد لغاية ما يوصل قريب السنتين واوديه حضانه تمهيدا للروضة ان شا الله ..

كنت اتمنى ان ما انجب بعد الزواج مباشرة وان اخليها لقريب تخرجي من الجامعه لكن ما الله كتب لي هالشي .. وبعدها قلت ان شا الله اوقف لغاية ما اتخرج واتوظف بعدها افكر في الطفل الثاني لكن قدر الله وما شاء فعل وله الحمد ..
والحين اتمنى من كل قلبي ان اتوقف عن الانجاب لغاية ما اكمل درساتي واتوظف وتستقر حياتي بعدها جيب بنوتة حلوة تكون اخت لعيالي ..


:flower:

شكرا عزيزاتي على تواصلكن معي
تدرون انا فكرت فيها عددددددددددددددل وقلت لنفسي العمر يخلص والشغل مااااااااااااااا يخلص
يعني اذا الدوام وافقوا يعطوني اجازة من دون راتب شهر او شهرين ممتاااااااااااااااز ما راح استقيل
ولكن لو ما وافقوااااااااااااااااا فانني وبالتاكييييييييييييييد سوف اقدم استقالتي لعدة اسباااااااااااااااااااااااااااااب
اولا: اريد ان اناااااااااااام وارتااااح على كيفي
ثانيا: اريد ان اشترك في نادي رياضي واروح العب ريااااااااااااضة على مزاجي ساعه ساعتين وارجع رشيقه وجميلة زي ما كنت ايام الخطوبة والملجة
وعلى هالاسااااااااااااس زوجي كان ميييييت علي ههههههه
ثالثا: اريد ان اعتني بالبيبي صصصصصصصصصصصصصصح وبمعنى الكلمة على الاقل اهتمااااااااااام كاااامل لمدة 6 شهور
رابعا: انا من النوع اللي ما استحممل الضغط النفسي والعصبي نهااااااااائيا وهذا اول بيبي لي وما ادري كيف راح يكون الوضع
خامسا: اريد اسافر مع زوجي واهتم فيه واهتم في نفسي لاني في بداية زواجي واحسه محتاج اهتمام وحنااااااااااااااان وابصراحة انا حملت على طوووووووووووووووووووووووووول بعد الزواج يعني حتى شهر العسل ما رحته

والشغل لاحقه عليه وعلى التعب والارهاااااااق
هذا كان تفكيري
شو رايكم يا بنات
اخاف اهمل في نفسي وبيتي وبعدين زوجي عيونه تطلع لبرع يدور على الحب والحنان

أحب اشارك معاكم في هالموضوع

انا لمن الحين ادرس
في ولادتي بولدي ولدت قبل ما يبتدي الكورس بعشر أيام و داومت على طول
بس وااايد كنت متأذيه ماعندي شغاله و ولدي عسر ما ينام بالليل و دراسه و امتحانات

الصبح كنت أخليه عند خالتي ام زوجي بس المشكله انها تبي تسوي الي في بالها حتى لو انا ما كنت موافقه
وهالشي كان وايد يضايقني و يأثر على نفسيتي و دراستي

خلص الكورس و نتيجه للضغوطات الي مو طبيعيه من كل مكان سقطت في ثلاث مواد من أصل خمسه قدر الله و ما شاء فعل

كان عمر ولدي وقتها 4 شهور فقررت اني اوقف قيدي الكورس الثاني و اجابل ولدي وهذا الي صار قمت اهتم اكثر بولدي و زوجي و بيتي مع اني ما كنت اقصر وياهم قبل

لكن مع الوقت بديت احس بالملل من قعدة البيت و اشتغلت دوام جزئي في بنك من البنوك و مشا الحال

رديت الجامعه مرة ثانيه في الكورس الصيفي و كنت اخلي ولدي ينام مع زوجي على ما اروح و ارجع
و ان شاء الله ناويه ادخله حضانه على بداية الكورس الأول

الحين الوضع اليديد اني طلعت حامل مرة ثانية و الحمدلله طلبت لي شغاله راح اخليها تسوي شغل البيت بس المشكله اني احاتي لمن اولد وين راح اخلي البيبي اليديد خصوصا ان ولادتي راح تكن ان شاء الله شهر 3

هل راح اخليه عند خالتي و ارجع للصراع القديم مرة ثانيه والا شنو راح اسوي بالضبط ما أدري
المشكله اني مابي اوقف قيدي مرة ثانيه لان اساسا باقي لي 3 سنين مابي ازيدهم

ادري اني طولت عليكم و قصيت قصة حياتي سامحوني

لاااا حبيبتي ما انصحج تستقيلين ترى والله الشغل واااااايد مهم مو بس علشان الراتب..حتى علشانج انتي نفسج..ترى الشغل يخلي الوحده تحس ان لها دور ووقيمه ..صدقيني لو جربتي قعدة البيت بتملييين وبتطفشييينوااايد..
بالنسبة لي ولدي عمره الحين 8 اشهر..من اول ما جبته رفض الرضاعة الطبيعية..قعدت معاه في البيت لمدة 45 يوم فقط عقبها رديت الشغل.و طبعا كنت اعطيه امي لان ام زوجي تشتغل بعد..والحمد لله ما احس اني مضغوطه وعاطيه زوجي ولدي كل وقتي ومو مقصرة مع اي واحد منهم..والحمد لله ولدي متعلق فيني موووت وعلى طول من ارجع من الدوام هو في حضني وما يبغي اي احد..وبالنسبة للرياضة هم الحمد لله جسمي ماتغير مع الحمل بالعكس صار احلى لاني قبل الحمل ضعيفة والحمل عطاني وزن معقول وصرت مليانه عن قبل..

عالعموم الله يقومج بالسلامة وتحملي بروحج ززززين..وبالنونو بعد..

السلام عليكم و رحمة الله و بركاته

هلا بك أختي

عن نفسي في بنتي...أخذت شهر الإجازة....ثم ال 45 يوم إجازة وضع....ثم قدمت على شهرين بدون راتب...

رجعت الشغل و لله الحمد و بنتي تمّت 4 شهور...لذلك كنت أقدر أدخل لها وجبة سيريلاك خلال غيابي عنها

إدعي الله من قلبك ييسّر لك و لإبنك الخير ان شاء الله...

هلا يابنات

انا اشتغل في بنك من البنوك والدوام لين 3

بعد ماولت ببنتي ظليت شهرين في البيت بعدها داومت طبعا انا من البداية بس اسبوعين رضعت كتنت تعبانة وايد بالاربعين ومرضت ماكان فيني حيل رضاعة كنت بيت اهلي وطلبت لي شغالة داومت بعد ماوصلت بسبوعين ظليت معاها عند بيت اهلي عشان يعلمونها لان شغالة امي مثل الجنسية ومن يومها انا اداوم وارد 4 تقريبا البيت وهي مع الشغالة بس اوديهم كل يوم الصبح بيت اهلي لانه مو وايد بعيد على طريق الشغل

طبعا الشغل مافكرت ولا افكر اتركه لعدة اسباب منها الراتب والظروف صعبة في هالزمن لو شنو راتبج ماتلحقين واحنا بعد مخبولين عالتشري والتلبس وخاصة ويا البيبي وثانيا ماتخيل روحي قاعدة في البيت لاشغلة ولامشغلة هدفي كان اكمل الجامعة ةاشتغل عشان ذاتي بعد...

بسسسس طبعا مقابل هذا كله اهماااااااااااااال مو طبيعي للبيت والزوج والاعتماد على الشغالة في كل شي

صج لين ارد من الدوام اخد بنتي منها وهي تشتغل بس بعد وايد مهملة روحي وزوجي وبنتي بعد ماعندي وقت حتى للجم..

شسوي الحين بنتي 9 اشهر واحناعالحال...والازيد من ذي كله الشغالة زينة ويا بنتي وتحبها بس هبلة ومفيه وغبية بكل معنى الكلمة يعني كل يوم اهاوشها والكل يقول لي خافي على بنتح منها مادري شسوي؟

انا حامل و لسة مجربتش الشغل بعد الولادة بس انتوا ممكن تفيدونى هل الحمل صعب مع الشغل ولا عادى بيعدى و ربنا يسهل بعد الولادة اقدر اشتغل لانى بحب شغلى جدا و مش ممكن اتخيل انى تاسيبه

خواتي الغالياااااااااااااات شكرا على تواصلكن معي
واعطائي افكاركن وارائكن
بس والله لو وافقوا من طرف الشغل انه يعطوني شهر او شهرين اجازة من دون راتب
ان شاء الله ما راح افكر بالاستقاله ابداااااااااااااااااااااا
وان شاء الله راح احاول اني اوفق بي الشغل والبيت
بس والله ما افكر اني اشتغل على طول كلها 5 او 7 سنوات
اجمع لي مبلغ معقول وبعدين ادلع نفسي اجلس في البيت
اتدلل وارتااااااااااااااح
قولوا يااااااااااا رب
تتحقق احلامي يا رب

حبيت اشارككم..

انا هذا اول بيبي..
كنت حامل بيه وانا باخر سنة دراسة..
وولدت في نص الفصل الاخير..
يعني تخيلو خذيت بس اسبوعين اجازة ورديت الجامعة :(
بس.. داومت شهر واحد وخلص الفصل..
والحين انا في اجازة لمدة 3 شهور :)
جالسة فيها مع ولدي ومستااااااانسة..
عندي خدامة تساعدني في شغل البيت..
بس مستحيييييييييييييييل اخلي ولدي عندها.. او اخليها
غيرله او تلبسه او تاكله او تسبحه...
باختصار ( هي عليها شغل البيت وبس!!!)
ولما ابغى اطلع مكان احطه عند والدتي الله يحفظها...

اجازتي قربت تخلص :( يعني نهاية 8 ببدأ اشتغل لاول مرة..
وطبعا بحطه عند الماما لين اخلص الدوام واجي اخذه..

وبس :)

السلام عليكم
انا ولدت وقعدت 60 يوم اجازة وضع وبعدها داومت وتركت ولدي عند امي الله يخليها ويحفظها طبعاً عطيته حلييب صناعي
بس كنت وايد تعبانة في البداية من السهر وشغل البيت مع ان امي تعطيني خدامتها بس بعد شغل البيت ما يخلص
بس الا يتعبني اكثر اني اداوم وانا مو راقدة

السلاااااااام عليكم
انا بعد ما اتخرجت من الجامعة بثلاث شهور اتزوجت وبعد الزواج بثلاث شهور
بدات احس بالطفش ونزلت ادور علي عمل ،،، مع اني هذاك الوقت كنت حامل في الشهر الثالث
وبعدين حصلت عمل وانا في الخامس ،،،، واصلت شغل الي ان ولدت ،،، بس طبعا علشان انا جديدة
رفضو اعطائي اكثر من شهرين اجازة وولدت الحمد لله وشهرين ونزلت العمل وتركت ابني مع الشغالة
وهي بنت كويسة الحمد لله تعتني بابني كثير ،،، من ولدت ابني وانا ارضعه طبيعي بس ادخله رضعة في اليوم حليب صناعي لاني اعرف اني بانزل العمل وبايكون يرضع صناعي فترة غيابي ........

الكويس ان عندي ست شهور رضاعة يعني اخرج بدل الساعة 3 العصر اخرج الساعة 1 الظهر ،،،، لهذا قدرت اواصل في الرضاعة وبعد ماعدت الست شهور كان ابني خلاص قد عمره 8 شهور ،،، وبعدها اخذت اذن اني اخرج الساعة 2 الظهر الي ان يتم ابني السنه لاني لسه ارضعه ووافقو ،،، والحمد لله الي الان وهو عمره 11 شهر انا ارضعة طبيعي بس كمان يرضع صناعي وياكل ،،، بس اكيد الحليب عندي قل مش زي اول ،،،
اول ما ارجع من الدوام استلم ابني اغير له ارضعه اهتم فيه من والي ...... واجهز له غداه من باليل ،،،

ومع اهتمامي ايضا بالبيت ،،، اكيد كان في جانب اهملته وقصرت فيه وهو نفســـــــــــي
وصار زوجي يشتكي مني اني ما اهتم في نفسي ولا اهتم فيه يعيني تعرفو من هذاك الجانب ،،،
الواحد يكون تعبان وهدود من العمل والاعتناء بالبيت والطفل طول اليوم ،،، وخلاص علي اخر الليل وانتي تريدي تنامي
لا في واجبات اخري ضروري تاديها وهي زوجك ،،، مرة اتهرب مرة اوافق واجلس اساهر ،،، يعني تعـــــــب

هذي المشكلة ان المرأة مش مكينة تشتغل هي انسان و ضوروري مع كثر المسؤليات ،،، اكيد باتهمل جانب ،،، والمشكلة يكون الجانب هذا نفسها

[GLOW="FF3366"]بس تاكدو لو جبت طفل اخر ،،، سارفع الراية البيضاء واستسلم ،،، واجلس في البيت واكون ربه منزل .......[/GLOW]

حلو المووووووضوع وحبيت اشارك فيه..


اني من تزوجت على طول حمل توكت في هذيك الفترة اول كورس لي وخلصت الكورس وقلت بنسحب الفصل



الثاني وانسحبت قبل لايبدأ الفصل وما بيصير لي ارجع الا عقب سنة كاملة لان نظام الدراسة كل سنة بسنتها



مو بالفصول وحتى السنة اللي بعدها ما رجعت حقالدراسة ما كان لي نية وبععدين تمللت من قعدة البيت



وبنتي كبرت صار عمرها سنة وعشرة شهور رديت للدراسة مرة ثانية وكنت اوديها للوالدة الله يحفظها والحمدلله



مشى الحال وكملت الكورس الثاني يعني كملت سنة دراسية بس وقلت ياربي ان شاء الله مااحمل



الا ااذا كملت وفي شهر اربعة كنت انتظر الدورة وقلت خلاص هذه آخرر مرة وبعدها بشرب حبوب



الحلوة ما شرفت ما شفت نفسي الا واني اكرهة ريحة العطور قلت اي خلاص حمل بعد شنو



وبعد شهرين رحت المستشفى للدكتورة الا اتقول لي توأم ....ياااااااااخرابي اني اول خلني اقدر على واحد عشان ادر



على اثنين حتى واني اقول في خاطري لا لا استغفر الله توام شلوووووووون يعني اترك الدراسة..



واني الحين متحيرة امي قالت لي بتهتم في اولادي اتقول اني بهتم في البيبي والكبيرة وديها روضة او حضانة



لأنها حركية وما بتقدر عليها ومعها واحد ثاني وهي اصلا ما تدري انهم تووووووووم ياربي .......



الحين ابي آرائكم اواصل دراسة والله اقعد للعلم اني ما عندي خدامة ولا عندنا ميزانية لمصاريفها ..



شوروا علي ..بيصيرون ثلاثة اهتم في من واخلي من لو ما كنت متفرغة لا وزوجي بينشال من القائمة غير ان نفسي



اكيد بهملها وش رايكم ؟؟

أختي قطرات الندى نصيحتي انك تكملي دراستك على الاقل إلى ان تولدي بتكون السنه خلصت وصدقيني الوقت راح يمر ابسرعة
وما راح اتحسي فيه لانك بتكوني مشغوله بالحمل والدراسة بس لو تركتي الدراسه راح تركزي على حملك وراح تفكري طول الوقت
فيه وتتعبي اكثر عشان جي اشغلي نفسك باي شي الى ان تولدي ويا رب تقومي بالسلامة
بس والله انا واحد في بطني واشتغل وموووووووووووو قادرة واحس اني هاملة نفسي وبيتي وزوجي
انتي 3 كيف راح تتحملي؟ بس ما عليه هذه نعمة من رب العالمين
يمكن هذولي الاطفال يكونوا سبب دخولك الجنة وتذكري دايما انك ماجورة على كل هذا التعب
بس يالله اتشجعي وكملي دراسة وبعد الولادة وقفي سنه وثم ارجعي للدراسة
وعلى فكرة شي جميل انه امك تكون معاااااك وتساعدك هذه نعمة من رب العالمين الناس محرومة منها
فاستغلي الفرصة واتركي عيالك عند امك صدقيني اماااااااااااااان
واتوكلي على الله

انا اشتغل بعد
وكل يووم اودي ولدي الصبح عند اختي واخليه لين الساعه 1:30 لان الحين الحمدالله طبقوا عدنا ساعتين رضاعه لمدة 4 شهور ارد البيت وبتدي بشغل البيت اغسل الملابس واكوي وانظف ومرات زوجي يساعدني وما افكرا ابدا ايب خدامه ولا بيب انشالله...
بس الله يعين في رمضان مب عارفه شو اسوي اخاف ريلي يقولي اطبخي.

مرحبا اختي عروس الموج
طيب عندي فكرة ليش ما تطبخين في الليل واليوم الثاني مجرد تسخنين الاكل قبل الفطور بشوي
او اتسوين الاكلات اللي ممكن تحفظينها في الثلاجة ومجرد ما تبينها تطلعينها وتطبخينها على السريع
مثلا الخدامة عندنا اتسوي سمبوسة بكمياااااااااااااااااااات كبيرة وتحفظه في الفريزر وفي رمضان مجرد اتطلع اللي تريده وتقليه في الزيت
يعني شغل ربع ساعه
يعني في افكار للطبخ بس حبيت افيدك

انامل مشكووره اختي..

والله انا مالي بااارض للطبخ يدوواب ولدي واايد اخاف عليه لدرجه مرات انسى انه هوو على ريلي يعني اخليه فتره هو نايم على ريلي انسى اني احطه تحت والله احس راسي دااير بس انا ان شالله في رمضان بيخلص دوامي الساعه 12:30 فا في وقت ارد واسوي شي..