سؤال مهم لكل عضوه؟؟؟؟

بريق الانوار 03-08-2007 18 رد 1,767 مشاهدة
ب

:welcometo3roos:

اولا حيا الله الكل والجميع


طبعا موضوعي هو اني ملاحظه ماشاء الله كثره الصوالين النسائية

في مدن السعوديه ويكاد انك ماتمشي شبر الا تلاقي كم صالون


طبعا الصالون الممتاز في خدماته هو اللى يثبت وجوده ويقدم نفسه


ولكن هناك بعض الصوالين تغالي وبعضها يرخص في اسعار الميك اب


وتصنفه الى مكياج سهره مكياج اميره مكياج برنسيسه وومكياج مميز

ومكياج نواعم........الخ .

السؤال اللى بدي اسئله كل وحده هو هل تفضلين الكوفير ا اللى تعمل الميك اب بسعر غالي او اللى تعمله بسعر رخيص؟؟؟

ودي ردودكم واجابتكم عشان اتابع معاكم الموضوع

:SOFA:
ولكم خالص تحياتي


س
يقلون كل رخيص بخيس

وهذا اللي اشوفه عندنا يعني فيه مشفل يسوي مكياج ب59 بس ابدا ما اشوفه انه حلووو
وحتى المكياج الي يسون المكياج غالي احس بعد ماله داعي لانه ان تمكيجت عندهم كلها اربع ساعات بالكثير وسط الزواج وغير كذا فيه مشاغل ثانيه ممكن يكون بنفس المستوى بس انه ارخص
يعني خير الامور الوسط مكياج ابو 100 ولا 150 ولا 200 ولا 250 ما عليه كلام
واذا زاد عن كذا يعني بيكون دفش وانا احب المكياج الخفيف النعوم
ا
السلام عليكم

والله يا اختي اسعار الميك اب كل ومالها تزيد ناااااااااااار والله يعني عندنا بالكويت مكياج مع رموش وكريم جسم 45

وغير التسريحه يمكن يطلع 80 دينار ، شدعوه قلنا مكياج بس مو جذيه 0

انا افضل المكياج الناعم صراااحه ، والاحسن انا احنا نتعلم نحط مكياج ونحط لروحنا بعد -0

نوفر على روحنا احسن 0

شكرا لج على الموضع حبيبتي
ج
والله من كثر الصوالين بالكويت
فيه منافسات كبيرة وعروض
يعني في صالونات ميك آب بـ 8 دنانير كااامل
أو 10 دنانير ... وفيه بـ 30 ,45 , 65 ..وأحيان أكثر بعد ع حسب المكان

والأفضل أكيد سعره فيه ..
يعني أفضّل أروح مكان حلو ومرتاحه له لو أقط فلوس عليه
احسن من إني أروح صالون عادي بس لأن سعره رخيص !!

أدري قلتي مدن السعودية
ودخلت عرض :D
ا
انا افضل الرخيص والغالي معا احيانا المكياج الرخيص يطلع مب اوكيه والغالي طبعا كله مكياج ماركات عالميه واسفنجه توزيع الاساس خاصه فيج يعني يخلصون منج عقوها بالزباله

اما الرخيص مره لقيت صالون رخيص وووحلو مكياجه ومرتب في بوظبي اسمه عروس الخليج رووووعه
ب
شكرا للاخوات الفاضلات على التفاعل

واحب اضيف لكم وجهة نظري صح ان الرخيص يريح النفس من الناحيه الماديه

بس الغالي سعره فيه

احيانا بينطبق على الرخيص المثل الشعبي اللى عندنا (يا مترخص يا متنغص)

لما تددققي في الامر تلاقيهم بيستخدمو ماركات رخيصه و وكلها يوم وبعد المناسبه البشره بتتهيج

وبعض الغالي غالي على الفاضي وبعضه سعره فيه

في وحده من صديقاتي راحت لكوفير مشهوره وحطت لها المكياج لمارجعت للبيت لسه ماوصلت للمناسبه اكتشفت

ان الكوفير بس حاطه خافي العيوب وموزعه بعض من نقاط كريم الاساس حول منطقه العين وباقي الوجه بودره مضغوطه
ب
وقيد انها اتفقت معاها على انه مكياج سهره 150 ريال وسلمتها فلوسها كامله طبعا اضطرت لوضع كريم اساس في

البيت وقامت تساوي وتوحد لون بشرتها بصعوبه

ومره احد صديقاتي كان فرح اخوها راحت عند كوفير تعمل المكياج والشعر 300 ريال

واخواتها رحو لكوفير في منطقه ثانيه عشان مكياج ونسريح 100 ريال

طبعا اتقابلو في الفرح اهل الرخيص كانهم يبكو لان المكياج والتسريح ماينفع ولا بقرش

واختهم كانت اميره الحفل واللي قهرهم اكثر صورهم اللى اخذوها للذكره مع الاهل والعروسين

ياحلاتهم كانهم مهرجين في وسط الصور


اما اختي الكاسكو دوري لي صالون بالكويت ترا انا كوفير ممتازه :poster_dev:

المكياج عندكم ابو 80 دينار يسويلي مكياج وتسريح 4 مرات في السعوديه

الله يعينكم على غلاكم

وشكرا مره اخري للجميع واللى ودها تشاركنا الموضوع تتفضل
ر
مرحبا وموضوع حلو
انا بالنسبه لي على حسب
اذا كانت مثلا عندنا مناسبة عرس واللي عرسه او عرسها قريب ليوراح اوقف طول العرس فيه لاااااااااا اروح صالون فندق
او صالون درجه اولى بالكويت
اما اذا عشاء او عرس عادي اوزياره (بما اني لي محاولات متواضعه بالمكياج) احط مكياجي بنفسي لكن شعري لا مااقدر عليه احطه بصالون متوسط
ها شرايكم منوووووو يأيدني
وتسلموووووووووووون ياحبايبي:clap::clap::clap::poster_war:
م
انا اشوف ان السعر ماله علاقة كثير مو كل غالي حلوووووووووو ولا كل رخيص شين

بس اغلب الاماكن تكون واثقة من شغلها فيكون سعرهم غااااااااالي

وعلى العكس فيه صالونات مو مشهورة وصغيرة مررررة وتلاقين عندهم كوفيرات شغلهم حلوواسعارهم رخيصة وهكذا

ومشكورة على طرح الموضوع .
س
اهم شي يكون ميك اب حلو ومناسبني وخلاص ... ما همني كان رخيص او غيره
م
أهم حاجه المكياج يناسبني ويطلعني نعومه وحلوه مو جيكره
بعدين مستغربه ليش يرفعوا سعر ميك اب


يعني ما بستغرب قدام بينافسوا سعر الميك اب مع سعر الذهب بجد ظلم وحرام عاد بيمسخوها بس ما مستبعده هذا الشي


وكرستلات العروس للعين مش الماس عشان يرفعوا السعر


يعني بعض الكوافيرات بجد مسخينها السالفه
وبعضهم اوكي

بس مثل ما قالوا الاخوات كل رخيص بخيس
ومو كل غالي الثمن رهيــــــب
والرجال او الازواج معظمهم ما يعجبوهم المكياج

مشكوره على موضوعك الغالي
ا
صراحه الصراحه اشوف اول اذا ارخيص حلو بسوي واذا لا بروح الغالي الحلو
عدنا في غالي بس مب حلو
أ
انا الصراحه مايهمني السعر اذا كان رخيص ولا غالي أهم شي يكون المكياج حلو
وانا شخضيا رحت لكذا مناسبة عند احسن الماكييرات عندنا بس الصج الصج ماعجبني قد مكياجي والكل يقول لي نفس الشي انا مكياجي علي وااايد احلى :shy:
واذا عن الماركات اذا الوحده تعرف تحط مكياج تخلي الفلوس اللي بترميها للصالون وتشتري بهم مكياج ينفعها :bigsmile:
أما الشعر فما اروح لصالونات غالية لاني اعرف صالونات رخيصه اروح لها ونفس الشغل اذا مو احسن بعد
س
[GRADE="FF7F50 FF6347 008000 FF1493 DC143C"]صــــــــــــراحه مب مهم غالي ولارخيصصصصصص أهم شي يكوون خفيف وحلوٍوٍوٍ ياما صواليييييييين يسوون مكياج وبااسعار خياليه وبالاخيييييييير مب شي يطلعج جنج جنيييييييه خخخخخخخخخخخخ وياما صالوالييييين مكييييييجايهم حلو وخفيف واسعارهم رووووووووعه

وبس>> شكرآ خيتؤؤ علاموضووع[/GRADE]
أ
[GRADE="00008B FF6347 32CD32 FFA500"] مرحبا حبايبي.....:9_33:

انا برأيي الغالي سعره فيه......


والوحده فينا مو كل يوم في الصالون....بس يوم افكر اعمل ميك اب احب


يكون مميز جدا؟؟؟؟



ولكن على كثره صوالين جده مو كلها بمستوى واحد...... يعني اشكال [/GRADE]
^
عن نفسي اهم شي مكياجهم حلو مو اي كلام ومومهم السعر غالي ولا رخيص واهم شي شكلي والعرس اذا قريب

مني ولابعيد اذا قريب اهتم اكثر بشكلي وووووووووووووووووبس؟؟؟؟؟
ا
يسلموا اختي وعساج ع القوة
د
بالنسبة لي افضل السعر المتوسط
لكن اذا كانت المناسبة قريبة مني وايد يعني مثلا عرس اخوي او اختي او عمي ........الخ افضل الصالونات المعروفة اكثر .

لكن اللي اسعارها وايد رخيصة اخاف منها ومااثق بشغلها

هذا رايي
l
حبيبتي انا من راي ان الشغل الحلو والمضبوط اهم شي مع الاخذ بالاعتبار المواد المستخدمه وممكن تلاقين نفس المواد في صالون ثاني وبكفله اعلى وفي كثير من الصالونات سمعتهم عاليه عن طريق الناس والدعايه وفي صالونات شغلهم روعه واسعارهم معقوله بس للاسف مو معروفين فلا يغرج السعر الغالي وهذا راي الخاص اتمنى افدتج
X