تجمع لبنات جامعة الملك سعود بالرياض ..

يابنات من فضلكم اللي ماعندها علم تكتفي برفع الموضوع الله يجزاها خير

عشان اذا صحيت ألقى الموضوع

مو زي دايم في مواضيعي القديمه ..

ارجو من المشرفات حذف الموضوع لعدم وجود اي ردود

وعدم الإستفاده من الموضوع

ليش ما تدخلين على منتدى جامعه الملك سعود وتستفيدين اكثر

وهذا هو الموقع

http://go.3roos.com/qf4PYbzGb32

ارجو ان ما يكون فيه مخالفه للادراه لانه موقع للجامعه ... واذا ما طلع لك اللنك ارسلي لي على الخاص اعطيك اياه ..

انا كان ودي اساعدك اكثر بس انا ادرس طب ما ادرس علوم ادرايه ... وبالتوفيق

:flower:

ميسي;4129155:

صباح الخير ؟


بنات

انا إن شاء الله هالسنه أول سنه لي بالجامعه وحابه تفيدوني

بشوية أسئله عنها

كيف نظام التدريس ؟

ماهي جنسية الأساتذه في قسم العلوم الإداريه ؟

مواعيد أغلب المحاضرات ؟

لأني سمعت إن هالقسم عندهم محاضرات بعد الظهر صحيح والالا؟

الزي

لازم التزم بزي معين والا على راحتي ؟

طريقة تعامل الإداره مع البنات ؟

المستوى الدراسي لأغلب البنات ؟

وكل شي تحسون إنه بيفيدنا حنا المستجدين ياليت تحطونه هنا

والله يجزاكم ألف خير..:flower::flower:

::



::


أول شيء مبروووك قبولك بجامعة الملك سعود :flower:

شدّي حيلك .. وإثبتي نفسك بشطارتك



الدكتورات يحبون البنات المتميززات


::



::


بالنسبه لنظام التدريس .. أكيد يختلف عن المدرسه !!


كل شي يعتمد عليك وعلى حضوورك للمحاضره


كل ما فهمتي المحاضره مع الدكتوره كل ما سهل عليك المذاكره


وأكيد لكل ماده بيكون ملازم وكتب يطلبونها منكم الدكتورات



::


::



بالنسبة لجنسية الدكاتره .. بصراحه لقسمك ماادري


لكن فيه جميع الجنسيات وفيه سعوديات بعد


::


::
مواعيد المحاضرات على حسب جدولك اللي يحطونه لك


فيه ناس تجلس لخمس العصر !! :(


::


::



كثير بنات يسألون عن الزي


فيه موضووع بمنتدى الجامعه يتكلم بهالشي


بالنسبه للي شفته من البنات


يلبسووووون أي شي


لكن اول اسبووع إلبسي أبيض وأسود علشان تشوفين البنات كيف طريقة لبسهم

أحيانا يصير تفتيش بس من شهر لشهر مو يوميا !!



باختصار ::: خذي رااااحتكـ باللبس ..


أفضّل تكون عندك تنوره سوداء لطول الترم < مثلي


لكن البلايز اللي يريحك . بشرط ماتكون كت بقووه

يعني لاتتعدى ان تكون تي شيرت




::


::


::


عندي لكـ كم نصيحه


جامعة الملك سعود ما هي فلّه مثل ما يظنون البنات !!

بعض البنات داخلين للوناسه بس !!

لكن هي غير كذا

شدي حيييييييلك من اول الترررررم ولاتتهاونين بأي ماده

ما في شيء إسمه هذي الماده سهله ما يبيلها مذاكره .. وهذي الماده صعبه يبيلها شد حيل

لأ


كلها سوى


وكل ما أعطيتي مجهوود من بداية التررم .. كل ما ارتحتي بنهاية الترررم



وحاولي يعرفونك الدكتورات وياخذون عنك فكره حلووه



::

::




أتمنى أفتدك وأي سؤال أنا حاضره :flower:


الله يووفقك
:flower:

سمااء

شكرا لك حبيبتي والله العظيم ماقصرتي والله يوفقك ..

بس معليش عندي سؤال ثااني بس مستحيه شوي اقوله هنا

عاادي ارسلك على الخاص اذا ماعنك مانع ..

ميسي;4155070:
سمااء

شكرا لك حبيبتي والله العظيم ماقصرتي والله يوفقك ..

بس معليش عندي سؤال ثااني بس مستحيه شوي اقوله هنا

عاادي ارسلك على الخاص اذا ماعنك مانع ..

العفوو ولوو ماسوينا الا الواجب :flower:


ويوفقك ياااارب :flower:




اوكيه ارسلي ع الخاص انا بانتظارك :flower:

أهلين بنات (^_^) اممممم ماعندي شي أضيفه بس عشان أحرك الموضوع شوي
مأدري عن العلوم الادرايه بس اللي أعرفه ان ساعاتهم ومحاضراتهم أخفففف مننا بكثيييييييير أنا لغات وترجمه واختي علوم اداريه بس ماشاء الله عليها عندها أوف يوم في الأسبوع وتخلص محاضرات بدري وأحيانا مايكون عندها في اليوم غير محاضره وحده
بس أنا الله يخلف 20 ساعه في الأسبوع يعني قمة الضغط وبالنسبه لقسمي فيه دكتورات روسيات وهنديات وسعوديات ومصريات ولبنانيات ومغربيات وأردنيات وبريطانيات ..... الخ
وعن تجربتي الشخصيه أحسن تعامل وأكثر ناس يعطونك حقك ومايظلمون ومجتهدات وحبوبات السعوديات !!! والله انصدمت لأن في المدرسه العكس المدرسات السعوديات غالبا يصيرون أسوأ شي بس الجامعه والله العكس تماما الدكتورات السعوديات رائــــــــعات رائعات والهنديات كيووووووووووووووووووووووت

وعن العلوم الاداريه اختي غالبية موادها شبكه يدرسونها دكاتره كلهم سعوديين ماعدا واحد مصري والدكتورات سودانيات ومصريات وسعوديات واكيد فيه جنسيات ثانيه


واممممممممم بالنسبه ل اللبس البسي اللي يريحك حتى لو كت لأن اللي عند البوابه مايدققون يخلونك تكتبين اسمك اكتبي اي اسم مثلا ساره احمد مو شرط يصير اسمك وحطي أي رقم جامعي وادخلي بس اختي عشان ماتحب أحد يمسكها عند البوابه تلبس قميص ابيض وأول ماتتعدى البوابه تحطه في شنطتها

واللي عند البوابه ترا عادي حبوبات مايدققون يعني مره صار لي هالموقف وصلت للجامعه وطلعت العطر بتعطر جت وحده قعدت جنبي وابتسمت (^_^) ابتسمت لها (^_^) قالت لي لو سمحتي صديقتي دخلت بقميصي الأبيض ممكن توصلينه لي عشان مايمسكوني لاأنا ولا هي اللي عند البوابه قلت ايه مو مشكله
رحت للبوابه مدت لي صديقتها القميص أخذته ومررته للبنت اللي طلبته مني قدام اللي في البوابه شافونا وقعدوا يضحكون علينا وخلوا البنات يمرون عادي ......




ونسيت أقولك على البــــــــــــــــــــــــــــــركه القبول أحلىىىىىى حركـــات صرتي في الجامعه :p

وتعامل الادراه شوفي انا سمعت انه تعامل سئ والي آخره من الكلام المعروف عن جامعة الملك سعود بس والله انا ماعانيت الحمدالله وترا الموظفات في الجامعه مع كثرة الاحتكاك مع البنات صاروا يفرقون بين البنات الراقيات وبين بنات البيئه الشعبيه كل وحده أخلاقها تبين واذا انتي انسانه محترمه صدقيني الكل بيحترمك وانا ماشفت منهم إلا كل خييير .............................................................


وثانكس على المبادره الحلوه منك ياقمر (^_^)

غدوش يالغلا

الله يوفقك ويطمن قلبك زي ماطمنتيني ..

شكرا لك

أهلين بالطالبة المستجدة <<<<<<<< كنت اكره الكلمة هاذي ,, انا حاليا ادرس بجامعة الملك سعود مستوى سادس , في كلية العلوم الادارية وقسمي اقتصاد ,,, ببساطة الجامعة فللللللللللللللة مايراقبون على اللبس ابدا بس الدراسة صعبة خصوصا الاقصاد والمحاسبة غيره في كليتنا سهل والقانون يبيله حفظ بس !! انتي شدي حيلك عشان معدلك ماينزل ,, لانه اذا نزل صعب ترفعينة !! ,, واحسن شئ تلبسين لبس مريح بس حلو وراقي يعني مثل
shirt lacoste او shirt Ralph Lauren انا احب هاذا الستايل !! ,, وانتبهي تحطي مكيااااااااج ترى مره يع على الصباح ,, حطي sun block , وكحل خفييييف او مسكرة واحد منهم وشوي بلاشر و gloos مو تحطين روج !!

وعلى فكرة الادارة مو مهمه وماتحتاجينهم ,,انا عمري مادخلت على الادارة ولا اعرف شكل عميدتنا الين يومك هاذا ,, والى الحين ماحس اني انتمي للجامعة لسى قلبي وحياتي في مدارس الرياض !!

انا مع الاخت d33m33

الله يخليك لا تسوين لنا تسريحات و نفخات و اشياء طايرة و لا تحطين مكياج سهرة تراك جاية تدرسين

و بالنسبة للفترة الاولى لا تخالفين عشان تعرفين الوضع و تتعلمين متى الاوقات اللي ما يكون فيها مراقبة

حاولي ان الدكتورة او الاستاذة تعرفك و تعرف اسمك و شاركي كثير عشان تحبك << ترى الحب مهم
شدي حيلك ترى معدلك اذا بدى منخفض صعب يعلى و زي ما قالت الاخت ((الاقتصاد)) و ((المحاسبة)) يحتاجون دراااااااااااااااااسة خاصة ((المحاسبة))

الادارة (مبنى 15) بتدخلينه عشان جدولك او عشان استاذاتك او عشان تاخذين معدلك

اخر شي حسك عينك تدخلين الحمام لحالك << شي مهم جدا جدا جدا جدا حفاظا على السلامة


اي شي ثاني انا بالخدمة

33شكرا لك اختي نورتي صفحتي ..


بدور الليل

تراك مرره خوفتيني

طب اذا احتجته ضروري وش اسوي ؟

شكرالك على الإفااده ..

خلي وحدة من صاحباتك تدخل معك

و نسيت اقول لك اذا تبين رجولك تكون نظيفة لا تلبسين صنادل او شباشب الا مرة في القرن و انتبهي و انتي تمشين ترى الجامعة ترحب بالمستجدات بطريقة عجيبة ((لازم على الاقل 30 مستجدة تطيح خلال اول اسبوع)) خخخخ

انا عندي تمزق اربطة و من التضاريس اللي بالارض لويت رجلي و اضطريت اربطها لمدة شهر فانتبهي

خخخخخخخ

مرحباا حبيباتي


انا معاكم في الجامعة

بس انا علوم طبيه

بدور الليل

الله يجزاك خيير حبيبتي

وشكرا لك

قسم بالله حسيت انك مرره طيبه ..

واعتبرتك مثل وحده من خواتي ..



عسسل

حيالله الدكتوره منوره ..

الله يخليك يا قلبي مشكورة

و اذا بغيتي اي شي انا بالخدمة

انا معكم ^^

لغات وترجمه

واللي عندها استفسار تقولي ^^

شكرا لك حبيبتي تشرفنا بمعرفتك

السلام عليكم

أنا سجلت في الملك سعود بس في المجتمع ((الإنتقالية))

قسم لغة انجليزية-ترجمة

وشكله صعب مررره ويبيله شدة حيل


اللبس يبنات قصدكم عادي لو ألبس كم قصير وبلوزة وتنورة أي لون ما يقولون لي شي<<<مسوية خوافة ومو راعية سوابق

والميدي يقولون عااادي مسموح فيه صح ولا لا؟

ياريت تجاوبوني سريييع

كل الثانكس لالكم

والله ماعندي علم بس حبيت ارفع موضوعنا

كود احد يفيدك ..