شعري طووووويل

كان ودي أفيدك بس ماعندي خبره أبدا بالشعر الجاف
بس شوفي نصيحه أخويه اذا استشورتي شعرك تدمنين على الاستشوار (^_^) ويصير شعرك مايطلع حلو غير بالاستشوار وهذي مشكله كبييييره
أنا أتمنى ان شعري جاف عشان أحط زيوت بس للأسف ماأقدر أحط زيوت أبدا يكفيه اللي فيه (^_^) فحطي زيت اللوز أو أي نوع ثاني ترتاحين له أو مايونيز <<< يعطي لمعه للشعر بس أنا ماأحبه عشان ريحته تخنقني (^_^)
وبعد الشاور لاتستشورينه قااااومي اغراء الاستشوار أول فتره راح تتعبين لأن شعرك بيصير شكله مو حلو بس مع مرور الوقت صدقيني بتلاحظين الفرق أول ماتاخذين الشاور مشطي الشعر على خفييييف وبعدين حطي على أطراف شعرك garnier fructis leave_in anti_coarse dull,dry,stressed_out hair كريم ضد الخشونه يترك على الشعر للشعر الباهت والجاف والمتعب يرمم الشعر في العمق ملمس حريري

حطي هالكريم على أطراف شعرك وبايدك حاولي تجعدين خصلات شعرك وبيصير شكلها ويفي فيه لفه مرره حلو
وخليك فخوره بشعرك ولاترفعينه ولاتربطينه وافتخري بشكل شعرك مهما كان كيرلي أو ويفي مين اللي قال ان الشعر الناعم هو الحلو ؟؟؟؟؟ صح ان شعري ناعم (^_^) بس لأ ثقة البنت بنفسها واهتمامها بنوعية شعرها مهما كانت وأهم شي تقبلها لنوعية شعرها وانها ماتحاول اذا كان خشن غصب تخليه ناعم واذا كان ناعم غصب تخليه خشن هذا هو السر في جمال شعر المرأه



ودوري كوندشنر (بلسم) يناسب نوعية شعرك أنا استخدم بانتين أكثر كثافه بس كل شعر له اللي يناسبه كل اسبوع جربي نوع وبلتقين اللي ترتاحين له ان شاء الله وياااااااااااااااااارب أكون أفدتك وتدعين لي ان الله يعطيني اللي في بالي باي ياقمر (^_^)

تسلمين غادة والله علا المرور اشكرج من قلبي على الافادة ويارب يعطيج اللي في بالج

انا مشكلتي شو التسريحات اللي اسويها بس ها سؤالي واتمنا حد يفيدني اكثر يعني كل وحده شو تسوي فالبيت

وينكم بنات ساعدوني بليز ليش محد يعطيني ويه

والله نفس حالتج؟؟؟...التسريحات ماعرف أسويها في شعري..ياليت أقدر ألعب فيه شوي...بس بعدني مب معرسة ..خخخخخ...اممممم جربي اول شي تعتنين فيه ..زيوووووت كل يوم وأهم شي الحمام زيت مع البخار ..هذا بيسهل شوي,عليج,,اما عن التسريحات....امممم مرات لفي كامل ..مرات افتحييييييه..مرات خليها مجعد...مرات ..سويه فير..
يعني ..من هالأشيا....ياليت عندي الخبرة ولا كنت بقولج>>>والله يسهل عليج يارب...

بما أن شعرج جاف استخدمي (زيت زيتون) بإستمرااااااااااار .. دهني شعرج كله بزيت زيتون واتركيه أقل شي ساعتين وبعدي غسليه بالشامبو واستمري على الشي بتلاحظين إن شعرج ملمسه ناااااعم .. أنا سويت هالطريقة رغم إن شعري دهني بس صبغت شعري وصار جاااااااااااف واتبعت طريقة زيت الزيتون والحين اوووووكي..ومايحتاج استشوار يومي.. وحتى لو استخدمتي استشوار يطلع حلووو مو الشعر منفوووووش ..

وشعري أنا بعد طوووويل والتسريحات المناسبة له أنج ترفعينه فووووف وتجيبين العضاضه من تحت وتـثـبتينها وبعدين تنزلين الشعر يجي كنه نافورة >> أمحق شرح ههههه

وفيه بعد تاخذين خصلة من اليمين ومن اليسار وتجمعينهم ورى في المنتصف وتحطين العضـــاضة وباقي الشعر مفتووووح يطلع حلووو بس يضااايق إذا بتشتغلين أو تسوين شغله...

أقول قصي شعرج مدرجااات بس على طوله لاتقصرينه بس على الجوانب مدرج يطلع روعه ...


ســــــــــلامـ

تسلمين اماراتيه حيل على المرور بخبرج طريقه انا شفت وحده سوتها بالقصدير خصل تسوين بس ها اللي اعرفه ويطلع روعه الشعر وانشالله اكون فدتج شوي

هههههه اشكرج غزال ما يصيدونه على الشرح تخيلت كيف يعني فوق شرات الصاروخ بجربها انشالله

حبيبتي استخدمي مجنوعة لوريال اللي لونها برتقالي للشعر الجاف و معاها سيرم يحمي من السيشوار

و تسريحات الشعر عندج :

ممكن تسوين مرفوع كله على شكل ذيل

او ممكن تسويك كبه =) (( مادري شنو تسمونها ))

ممكن تفلينه + تاج ( يصير الشكل نعوووم )

ممكن تسوين عجفه ( ضفيره ) و بعدين تلفينه لفوق مثل الكبه

ممكن ترفعين نص الشعر و تحطين له اكسسوار حلو و ناعم

ممكن تخلينه مفلول ككله لورا

و مره حطيه كله على جنب معين


يعني دوري لك حركات بالاستعانه بالاكسسوارتت =)

يعطيج العافيةms.bantootai على المشاركه الحلوه انشالله بحاول اجرب تسلمين والله

والله حبيبتي حالي من حالج...وانا كتبت موضوع بس مافي مشاركات من البنات...

الكل يقول الشعر الطويل صعب تسوين فيه حركات..ومثل ما قلنا مافي غير الاكسسوارات..بس الواحد يمل..