شوفوا وش سويت ببنتي

مسكينة وعلى قلبي

وش اسوي فيها ذبحتني واهي اتمص بالمرضعة

مسكينه,, الله يعينج عليها

الحمد لله :) اللي تخلصتي من المرضعة
مزبوط اولها بيكون صعب بس لمصلحتهم

مشكورين خواتي رفعتوا روحي المعنويه

الله يساعدج ويساعدها

ادري قلبج بيعورج

مريت في نفس الموقف وكنت اتراجع واعطيها المرضعه لين ما اخذت القرار وفطمتها

فعلا ماكو الا هالطريقه

ربي يبلغج فيها وتشوفينها عروس

لازم يكسرون الخاطر بس لمصلحتهم

عادي الغاليه مع الأيام بتنسى المرضاعه

أحسن يا همسات لأن المرضعة تغربل
وخصوصاً لين بتعلمينها على الحمام من كثر ما يشربون المرضعة يتبولون واجد ولا تلحقين في تعليمهم الحمام
وثانياً أني كان ولدي بوزه كله يبغي من المرضعة

وهدي حياة الأم ويا التربية كلها كفاح وصبر ربي يساعدش ويساعدنا

ذكرتيييني بمعاناتي مع ولدي .. بس ولدي فطته على كبر شوي خخخخخخخ كان عمره سنتين وشهرين وفطمته لاني كنت حامل وكنا ناويين نسافر وما حبيت اغربل روحي بحمال عدة الرضاعة غير ان كانت بتصيدنا تنقلات في سفرنا وزحمممممة ان كل شوي نسوي له رضاعة ..

وانا كنت ناوية افطمه بعد ما اخلص امتحانات الجامعة يعني قبل سفرنا ب3 اسابيع ، لكن في يوم من الايام <<< بتقول قصة

كنا نايمين العصر وكالعاده سويت له مرضعة حق النوم شربها ونام وبعدين انا قعدت المغرب قبله وقررت ارتكب الجريمة :2_106:

قمت وشلت كل شي يخص اغراض الرضاعة من الرضاعات ومن الحليب وحتى من فرشاة تنظيف الرضاعات وكل شييييي يخص الرضاعة ..

وهو كان وقتها ما يشرب الا وقت النوم .. ولما قعد عادي ما انتبه ولا سأل ،، لكن يوم صارت حزة النوم ابتدت المعاناة ..

خخخخخ المسكين تفاجأ باني احطه في سريره وابوسه واقوله يالله ماما تصبح على خير .. الا يقول لي ماما ابغي حليبه :qaq: قلت له حليبه بح ما في ،، ما صدق وقام كل شوي يسأل ..

ولما شاف اني ما بعطيه اياها قام يصيييح .. اتذكره قعد يصيح من 11 الى 2ونص بشكل متواصل وما فادت وياه اي طريقة للتنويم حتى ابوه ما قدر يتحمل صياحه وقام طلع برا ينام وانا صرت بروحي معاه وقلبي يتقطع من صياحه " كان يصيح ويقول ابغي حليبه " لكن صمدت وقررت اني ما استسلم .. المهم على الساعه 2 ونص استسلم هو وقال ابغي ماااااي قمت وشربته ماي وبعدها حط راسه على مخدته ونام للصبح :poster_dev:

ويوم ثاني الظهر يوم بغينا ننام قالي ماما ابغي حليبه ،، سكت انا عنه .. بعدين نام من غير ما يسأل ..

وبعدها قام كل ما يسأل عن الحليبه نسكت عنه ولا كأننا سمعنا شي والحمدلله فادت الطريقة وافتكينا من الرضاعة ..


هي فعلا في البداية صعبة لكن الشي لمصلحتهم وبعدين هو بينسى الرضاعة والام بتنسى معاناتها ..

اشلونج فديتج اكيد قلبج بيعورج لاكن معا الايام بتنسى ان شاء الله واحسن لج وايد لانه اسنانها بتسوس من كثر المرضعه وعشان تاكل وياكم لانه المرضعه اتسد الجبد اختى والله ايخليها لج فديتج

همسااااااااااااااات حراااااااااام عليج ..كسرتي خاطري عليها شكلها بتتعقد البنت الله يسامحك..


اني بنتي جبتها بنهاية اربعة كملت السنتين وقبل لاتكمل كانت تشرب طبيعي وشوي شوي خففته لها لما



صارت تشرب بس في الليل ..تدرين طريقتي معها كانت شلون كل ما جيت بنيمها في الليل اتقولي ماما ابي حليب


اقولها خلاااااااااااص الحليب بح ما في شىء وكنت كل اراويها فيديو في التلفون صورها وشلون كانت تلعب وتستانس


وتنسى الحليب مرة ومرتين ..اول مرة بالغصب نامت ثاني مرة خففت من البكاء ثالث ورابع مرة خلاااااااااص


تعودت وهكذا فطمتها في اقل من خمسة ايام والحمدلله ما تعبتني بس مشكلتي معاها على الحمام الحين


الله يعيني عليها ..حتى الكل مستغرب مني اني فطمتها بسررررعة ..وكل واحد ايقول لي شلون وشلون


اني قبل لا افطمها اقول ما ابي اسوي لها شىء تتعقد منه والحمدلله تحقت امنيتي باااااااااااااقي لحمام



ادعوا لي تتعلم بسرعة ..بصراحة حمل وثقل ابيها تتعلم قبل لا اولد باااقي واجد على ما اولد ..فعندي فرصة كبيرة..

لا وكسرت خاطري اكثر ملعقة حليب والباقي ماااااااااااااي وييييييي عليهم هاليهالوا ولا يدرووون ههههههههه



بس صج كسرت خاطري..

فديتها ...........مصيرها تنسى المرضعه

الحمدلله انها نست المرضعه
الله يساعدني ويساعد جميع الامهات على التربيه صجج صعبه

مشكورين خواتي
لآزم نتحمل هذا لمصلحتهم

والله اختي ذكرتيني يوم افطم ولدي
كسر خاطري حتى قعدت اصيح عليه
وهو كان يرضع طبيعي بعد وفطمته من عمره سنة ونص

هههههههههههه

طريقتج في سرد القصة فلّة

مردها تنساها واحسن لها .. احس كل ما يكبر الياهل وهو ماسك المرضعة انه مثل المرض او الادمان..

الحمدلله افتكيتي منها ..

وا عليه كسرت خاطري بس ما عليه تكبر وتنسى ان شاء الله