منو حد من عيالها انولد قاصر

اختي للاسف ماعندي فكره
لكن امس سمعت دكتوره سعوديه في برنامج تقول ان حليب الام وايد مفيد للخدج خاصة في اوائل الايام
يعني الام تشفط له الحليب وتشربه عن طريق الزجاجات

مشكوره درب المحبه..

هي فعلا انا فالبدايه كنت اسوي جي بس الحين ما ارضعه وايد الفقير ههههه اكثر شي صناعي..

اختي من قاالج قاصر فيه شي لا سمح الله بالعكس امي جابتنا انا واخواني ال7 كلنا قاصرين بسابع و8 ووحده ب6ونص

وبسم الله كلنا كبرنا وصار عندنا اعيال

واختي ماشاءالله جابت بنتها 8شهور ووانا بنتي 9شهور لكن شوفيها وشوفي بنتي نمله عندها

هو على حسب طفل يمتن او مايمتن ياكل او ماياكل ماله خص قاصر او كامل

عروسة الدوحه
مشكووره اختي والله وايد كنت احاتي هذا الشي لان يوم اسير المستشفى احس يعاملوونه معامله غير وايد يحاتوونه عاد انا ما احب جي يكووون غير عن اليهال

شوفي اختي هو طبيعي تحسينه اصغر شوي لانه مولود قبل ...بس اذا مافيه شي و صحته زينه و الحمد الله لا تخافين و لا تحاتين ...صح ان الجنين كل يوم ايتم بالرحم زياده يكون احسن له ..

انا يبت بنتي بالثامن ...و نفس الوقت اختي يابت ولدها بالتاسع و كان صغيييير و كتكوووت...و صح كانوا نفس الوزن ... لكن يوم تشيلين ولدها تحسينه ايبس و متماسك اكثر من بنتي .. و بنتي تحسينها رخوه و لييينه ...و هذا شي طبيعي لانه تم بالرحم اكثر من بنتي ...

و حتى بالحركات و انها تيلس او تنجلب ...كل تتاخر شهر يعني الي اليهال يسونه بالشهر الرابع هي تسويه بالشهر الخامس من عمرها

بس لا تخافين و لا تحاتين عادي ممكن يكون حجمه صغير ... و خاصه كل الي حولينه يقارنونه بالي مولود بتسع شهور و يحسون بالفرق ...

لكن ما عليج بس يوم يكون عمرهم بالشهور تحسين بالفرق لكن يوم يكمل السنه ان شاء الله بيكون خلاص عادي و بنمو مثل اي طفل بو تسع شهور

و لازم يهتمون فيه المستشفى ...بس هذا مب يعني شي يخوف او انه غير ...و خل يهتمون فيه احسن ...انا كان يعيبني كل اقول للممرضات اني يبتها بالثامن و اسوي عمري مسكينه استانس يوم يهتمون فيها و قبل لا يسون لها شي كل يشاورون الدكتوره ...و حتى التطعيمات كل يشاورون الدكتوره و المسؤول مال التطعيمات ... استانس

لا تخافين اختي و ما عليه شر ... و ان شاء الله تشوفينه معرس ان شاء الله

ولد اختي انولد وهو يادوب كمل السابع ودش الثامن..

اول ما انولد لاقينا صعوبة كلنا في التعامل معاه.. كان حجمه صغيييييييير مرة مرة..

بس الحمدلله اقدر اقولج انه بس الستة الشهور الاولى يبين الفرق في حجمه.. بينه وبين اللي انولدوا معاه..

بس بعد الستة شهور خلاص يصير حجمه طبيعي..

اهم شيء انتي التزمي بارشادات الطبيب حول معاملة طفلج الخاصة ولا تبينين خوفج للناس لأن النسوان فينا طبع غريب وشين وهو اننا نحب نخوف بعضنا ؟!!!!!!

الحمدلله على سلامتج وسلامته.. على ما اتذكر اني قريت قصتج ولدتيه بشهر 4 مو؟؟ يعني الحين عمره 3 او 4 شهور ؟؟

:2_106: يا الخوافه ،، عادي مافيه شي ،، بس انتي يمكن لان اول واحد تخافين عليه ،،

انا مولوده قاصره ماكملت 7 شهور واختي الي اكبر مني بعد نفس الشي

لاتخافين هم دايما يعاملون اليهال الصغار جذي

وبنت اختي ماشاء الله عليها بعد نفس الشي الحين بتكمل سنه فديتها ،، للحين نلبسها مال 3 شهور تخيلي ههههههه والله نشيلها بيد وحده ،، وللحين مامشت بس ولا طلعت لها اسنان ،، بس في اعراض انه قريب بتسنن وتحاول توقف .. صح متأخره بس اوكي

بس الشي الي اذكره ان الدكتوره قالت حق اختي تعطيها من الحليب الصناعي عشان تزيد وزنها شوي ،، لانها عصقوووله

لاتخافين يالغاليه انا ولدت بنتي بالسابع وكاان وزنها كيلو و800 غرام والحين ماشالله عمرها 6 سنوات

بس ضعيفة :) لاتخافين انشالله بيكبر ويصير اطول منج :)

صوريه وااايد عشان تتذكرينه واهوا صغير

السلام عليكم ورحمة الله وبركاته

انا ولدت بالشهر الثامن ... و كان تعبان بالولادة ودقات قلبه هيه السبب بالعملية ... بس الحمد لله احين تبارك الرحمن لا اله الا الله الصلاة ع النبي ولدي تكتك وحليووووووووووو مع ان اول ما يبته كل من يات لي يابت لي احباط يقولون لي نتفة ما يباااااااااان ... وكنت اصيح عليه ...

الفضل لله اولا سبحانه بعدين لعنايتج انتي فيه ... الرضاعة الطبيعية لا بد منهااااااا لزومااااااااااا... حتى لو قطراااااات في اليوم .. وحليب سيميلاك ما شاء الله ينفخ البيبيات ...

لا تخافييييييييييييييييين ... عسى الله يطول بعمره لج ويخليه

في أمان الله

حبيبتي أنا جاني الطلق بالثامن بأخر يومين بالثامن وبعدين اعطوني ادوية بروفين اعتقد وبعدين ما استحملت وولدت في اخر يوم في الثامن و ولدته وكان صغيييييييييير جدا يا دوب اثنان كيلو و250 غرام وكنت حاسة بالأكتئاب جدا لانه كل يوم اوديه للحضانة الي للخدج كان عنده ابو صفار بشكل كبير و حتى لما كنت احممه كنت اخاف ينزلق مني لانه جدا صغير و كان مين يشوفه يقول صغير جدا وكنت ارضعه طبيعي لحد الثلاث شهور ثم اشتغلت فقل الحليب ونشف فحزنت اكثر والولد بحاجة لحليب الام لانه ما فيه احسن منه .......لذلك علمته على الاكل مبكر و مع ذلك كان صغير و فعلا الي يشوفه يفتكر انه بالثالث على الرغم من انه يكون بالسادس ......لاحظت انه بطئ وفعلا يتاخر بشهر او شهرين عن الباقين في كل شيء و عصبي ونومه في الليل معذبنا يعني ينام ساعة وبعدن يصحا ويمرض بسرعة وهكذا والحين ماشاء الله عمره احد عشر شهرا صح تحسيه انه تسع شهور من ضعفه بس دمه زين و يلعب ويتكلم ويلعب بالالعاب ويمشي بالمشاية و تحسيه طبيعي واحس انه يفهم علي اكثر من الي في سنه لكن نموه متأخر عن غيره وكنت اموت من القهر لما اشوف في الحضانة بنت اتخن منه بكثير واكبر منه على الرغم من انها اصغر عنه بشهرين !! بس الحمد لله على كل شيء وما تخافي ابدا هو مثل الاطفال الثانين ولكن بتجربتي صراحة يحتاج عناية مضاعفة جدا لانه مولود قبل وقته ويحتاج عناية ورعاية اكثر عن الباقين ولكن اعتقد بعد السنة يصروا زي غيرهم واحسن ...........توكلي على الله

وأنا جبت عبودي في نهاية السادس ولله الحمد واشكر ما شاء الله عمره الان10 سنوات وطيب مافيه شي في البداية كان مرة نحيف وشهيته مسدودة بس لما جبت فيصل ما شاء الله تعدل0

اممممممم ،،

انا امي تقول تميت 3 شهور فالحضانه ..

الضعف تم يلازمني لغاية ماتخرجت من الثانويه ..

بس الحين من سنه تقريبا انا اشتغلت على جسمي وزدته .. والحمدلله بديت اوصل للوزث المثالي ،، كلها 4 كيلوات واسويها :)

مشكورين على ردودكم

انا ولدي احس بعد انه وايد عصبي من عصبيته ما طلع شعره على يمب هههههههه فديته اموت فيه هالمخلوق واخاف عليه واااااايد

بس انا الحين داومت والصبح اوديه عند اختي وبعدين اسير الدوام