كل العرايس ممكن تتفضلون، وبنات البحرين لا تبخلون علي

ما عندي خبره والله ان شاء الله البنات يساعدونج
بس انا دايماً اروح الحواي اخذ الحنه واحط معاه لون طبيعي بني او دم الغزال يستوي احمر من عند الحواي
واروح الصالون اخليهم يحطونه لي
والحنه زينه تعطي الشعر لمعه وليونه واتحسين ان شعرج فررررش

حبيبتي نصيحتي لج انج تاخذين حنه ورق و تطحنينها بروووحج

و تحطين معاها روب او لبن تصير رووووعه

و تحطينها ممكن كل 20 يوم مره =)

موفقه =)

و اهي تحل كثير مشاكل بالشعر

حطي كل 20 يوم حنا + كل اسوبع مرتين زيت خروع

تلاحظين تغيير واضح بشعرج =)

[GLINT]السلام عليكم ورحمة الله وبركاته[/GLINT]

يا هلا بالطش.. والرش..
والعطر الي بالغرش..



هلا حبيبتي..
حد علمي ان الحنه لعلاج مشاكل الفروه من التساقط والقشره والحكه والحبوب..
توكلي على الله واستخدميه واخلطي معاه الروب+ الييمون ان شاء الله بيعطيج نتيجه طيبه باذن الله..
وجربي الي صنعه من الهند افضل انواع الحنى من عندهم وبتحصلينه عندكم عن العطارين والا الاسواق الجديمه..
وتستخدمينه كل اسبوع مره يكفي..

وشكرا..

جربي صالون رشنا.. انا ما جربت عندهم سوالف العناية بالشعر بس هم عندهم زيوت وحنة ونفس ما تعرفين هم هنود وهذي حركاتهم...

ان شاء الله تستفيدين.. وتخبرينا عن تجربتج... احنا في الهوا سوا..


وبالتوفيق...

في كثير صالونات يعملون الحنه للشعر بس انا اخذه من رامز في عنده انواع خذي الحنه اليمني دم الغزال ب1 دينار
وعنده قفازات خذيلك وعجني الحنه وضعيها على شعرك كل اسبوع
وفي وحده تبيعه معجون وجاهز ومخلوط مع الزيوت بس انا ماجربته وسعره دينارين

انا الحنه آخذه بروحي واخلطه واحطه في شعري مايحتاج صالون ولا شي
والطريقة تحطين كمية من الحنه على حسب طول شعرج انا شعري تحت الكتف ومايوصل لنص الظهر واحط خمس قفاش حنه
وعقب احط نص علبة روب
وبعدين احط بابونج في كمية ماي واغليه لحد مايغلي واصب ماي البابونج عقب ما اصفيه على الحنه بحيث ان ماتصير الحنه سائله ولا كريم وايد يعني بين وبين وتقدرين تحطين ماي عادي او كركديه وفي ناس يحطون شاي
واغطيه واخليه جم ساعه وعقب اعصر فيه نص ليمونة واخلطه عدل واحطه على شعري والفه واغطيه بجيس واخليه تقريبا 6 ساعات او يوم
وعقب اغسله ، وبس :bigsmile:

واتحنى مره في الاسبوع
وهي الحنه مفيده لكل مشاكل الشعر