عرسي قرب ولا خلصت تجهيزاتي :(

[GRADE="00008B FF6347 008000 4B0082"]ردو علي الله يخليكم انا الساعة 3 طالعة رايحة الدوام وماراح ادخل النت الا الساعة 7 المغرب لاتهملون موضوعي الله يخليكم[/GRADE]

أختي الغاليه ريحانة قطر

ألف مبروك والله يتمم لج على خير ان شاء الله

وتفضلي دخلي هالموضوع واكيد خواتي مابقصرون معاج

الجزء الــ43 من تجهيزات عرايس قطــ2007ــــر

والله يوفقج ويسر لج أمورج ان شاء الله

أختج الدانــه

ويييييييييييييييييييييينكم يا هل الديرة

باقي فستان العرس أبي تأجير ورخيص مااعرف من وين ؟
عندك المحلات اللي مقابله صالون حنان فيها محل ياجر فساتين الاعراس
باقي التنانير ؟
انا من رايي لاتكثرين اشتري الالوان الاساسيه اسود وبيج وبني وفصليها عند النورس اللي في النصر خيااااااال خياطه ورخيص
باقي البلوزات الكشخة ؟
والله ماعرف وووووين تنباع بلايز كشخه
باقي المعطرات ؟
عندك وحده حلووووو دخونها وعطورات المفارش برسلك رقمها واسمها عالخاص
باقي المفارش للسرير ؟
اذا عندك احد بيروح الرياض فيه محل قمممممممه عندهم واسعاره من 2500 الى 3000<<<<كنت رايحه له وقت تنزيلات...واسمه هوم سويت هوم وهو في الحياة مول
باقي قميص النوم حق ليلة العرس؟
والله ماعندي فكره ..
باقي جوتي العرس؟
بعد ماعندي فكره
باقي الحنة؟
عندك صالون فنون حلو حناهم وفي حدود 700 الى 1000
باقي الدي جي .... لأن عرسي اسلامي؟
عندك المنى لتجهيز الافراح
باقي السشوار ومكينة الحف؟
ماكينه بروان يمدحونها بس انا صراحه ماستخدمتها والاستشوار مادري اتذكر البنات يمدحون ماركه بس ماتذكر اسمها
باقي معطرات وكريمات الجسم؟
اشوف اللي شريتيه كفااااااااااااااااااايه واكثر بعد لانك بسرعه بتملين منها
باقي الحمااااااام المغربي؟
الحمام المغربي ماظن يكلف كثير


واتمنى اني افدتك

وووووانتي حاولي تقسمين الفلوس اللي معك وووووووصدقيني بتكفي وزياده واشتري بس حق شهر لانك عقب بتروحين شهر العسل وبتشترين بعد...

ريحانة قطر;4118868:

مررررحبا لكل الغاليات والحلوات والعرايس
حبيت أشاوركم وأتمنى تساعدوني !!:sad:
عرسي في شهر 10 بس بالضبط كم 10 مادري لحد ألحين خطيبي ما حجز القاعة
وأنا متعطلة أبي أحجز مكياج وشعر مب عارفة شاسوي :(
لازم أنكم تحددون موعد العرس لأن حجز المكياج والشعر يطير بسرعة ..

المهم الصراحة باقيلي من المهر 26 ألف :21_195:
ولحد ألحين جهزت 6 جلابيات
عرسج بعد العيد ؟ إذا أيه لاتزيدين إلا في حالة أنج بتسكنين مع أهل الزوج وهم يكثرون من لبسها ..

و5 بلوزات عادية جداً حق التنانير
يبيلج تدورين أشياء كشخة ..
وجهزت قمصان نوم 7 ملونين
طبعا مابين طويل وقصير وشفاف وبروب ومن غير روب .. شوفي لازم يعني تزيدين 6 على الأقل بس لاتأخذينهم غالين .. لأن بس زوجج اللي بيشوف
وجهزت عطور مع كريمات حوالي 10
وااايد كفاية .. وجهزت ذهب حوالي 3 أطقم و4 ساعات و4 خواتم واسوارتين (الذهب ناااار)
خلاص كفاية .. وجهزت 4 أحذية ،
مادري : أهم شي يكون فيه عملية ، وكشخة وتناسب اللبس .. يعني أهم شي الألوان الأساسية أسود ، بني بيج ..يبيلج كم واحد
وجهزت 8 شنط .
وااايد كفااااية ..باقي فستان العرس أبي تأجير ورخيص مااعرف من وين ؟
شوفي "دار لارا" ..إذا مقاسج سمول رفيجتي توها مفصله هناك وخلته حق التأجير فستانها حلو .. وناعم ..
باقي التنانير ؟
روحي خياط صادق عنده موديلات حلوه وشارع النصر فيه محلات خيايط حلوه أهم شي الألوان الأساسية الأسود والبني ..

باقي المعطرات ؟
إن شاء الله البنات يساعدونج ..

باقي المفارش للسرير ؟
هوم سنتر ، زارا هوم ( فيلاجيو ) ، ذا ون

باقي قميص النوم حق ليلة العرس
شوفي ( نعومي أو الصالون الأزرق )

باقي جوتي العرس؟
إن شاء الله البنات يساعدونج ..

باقي الحنة؟
عندج صالون فنون
أو زبيدة ..

باقي الدي جي .... لأن عرسي اسلامي
المنى لتجهيز الأفراح
باقي السشوار ومكينة الحف
النزية وإلا سوليز .. وفي صيدلية تايلوس منزلين مكينة حف براون جديدة لها ثلاث شفرات " للوجة والجسم والمناطق الحساسة مع جل .. شوفيها يمكن تناسبج "

باقي معطرات وكريمات الجسم
خلاص وااايد خذتي ..
باقي الحمااااااام المغربي
الصالون العالمي للتجميل أحسن شي ..
باقي وباقي وباقي وانا محتااااااااااااااااارة مب عارفة أبدأشلون ،، والباقي 26 ألف تكفي والا لا ؟؟؟؟
ساااااااااااااااااااااااااعدوني الله يخليكم:21_131:

إن شاء الله تكفي .. بس أنتي أهم شي تحجزين الدي جي والفستان ، والحنا ، وبتقديرج حجز المكياج والشعر ..
[COLOR="RoyalBlue"]وتخصمينهم من المهر وماتين صوبهم أوكي ..

بعدين أشتري الأولى فالأولى
التنانير
وبعدين المفارش مفرشين ع الأقل ..
وممكن تخصمين مبلغ لقميص ليلة العرس ..
هذيلن أهم شي أن خلصتي شوفي الأولى فالأولى إذا زادت الفلوس زيدي قمصان النوم و الجواتي .. إلخ ..

ونصيحة لا تشترين جوتي العرس قبل لتشوفين طول الفستان

فيه أشياء ماذكرتيها مثل " البخور + البدل الكشخة + فستان الصباحية + ملابس الدلع " [COLOR="Indigo"]البناطلين + التنانير القصيرة + البرمودات + البديات " + تنظيف البشرة + تنظيف الأسنان"..

أنصحج تطلعين على هالموضوعين حق بنت الغالي فديت روحها :
رتبي تجهيزاتك وقسمي مهرك مع بنت الغالي

جميع قوائم وأحتياجات العروس

[/COLOR]

[/COLOR]

ريحانة قطر;4118868:


باقي فستان العرس أبي تأجير ورخيص مااعرف من وين ؟
باقي التنانير ؟
باقي البلوزات الكشخة ؟
باقي المعطرات ؟
باقي المفارش للسرير ؟
باقي قميص النوم حق ليلة العرس
باقي جوتي العرس؟
باقي الحنة؟
باقي الدي جي .... لأن عرسي اسلامي
باقي السشوار ومكينة الحف
باقي معطرات وكريمات الجسم
باقي الحمااااااام المغربي

أولا لاتتوترين .. باقي على عرسج شهرين اذا مب اكثر لأنكم للحين ماحجزتوا

أنا كان بين ملجتي وعرسي شهرين والحمدلله خلصت كل شي قبل العرس

فستان العرس

المحلات اللي تأجر وايد .. لفي على كل المحلات اللي تفصل بتحصلين عندهم أجار او شوفي البنات اللي في المنتدى اذا يبون يأجرون او يبيعون فساتينهم

تنانير

لا تفصلين وايد ولا تكثرين من الكشخه لأنج مابتلبسين الا العملي ..

والعملي تحصلين جاهز ونوعي مابين البناطلين والتنانير والكشخه فصلي كم ووحده في المنتزه او في النصر بس بعد لا تبالغين عشان تكفيج فلوسج

وبخصوص القمصان الكشخه فيه محل في في النصر اسمه سارافيا يبيع بدل كشخه واسعارهم اتوقع اوكي شوفيهم

معطرات روحي متجر حميد اللي في سوق فالح بتحصلين مخلط رحاب ، بخور ، معطرات غرف حلوه ورخيصه بـ 12 ريال الواحد واخذي من عنده بالمره بخور راقيه حق ثيابج وبخور المجلس حق غرفتج

مفرش سرير روحي النمر الذهبي اللي في السوق بتحصلين عنده من الكشخه والعملي

لا تكثرين اخذي واحد كشخه وواحد عملي وعقب اشتري مع بو الشباب بعد العرس

قميص نوم اول ليله بتحصلين في محل كشخه نفس ستايل نعومي بس بدون شك وبنفس ميتوى الدانتيل وعلى 400 او 500

مافيه داعي تشترين شي بـ2000 واكثر حق ليله وحده واخذي لج كم من قميص نوم زياده عاللي عندج ولاتنسين التنويع مهم

وبعد البيجامات العمليه مهمه .. روحي محل اويشو في فيلاجيو .. بيجامته عمليه ومريحه وتنفع للدلع بعد

جوتي العرس روحي سوق الجبر مب لازم تشترين شي غالي المهم يكون مريح

وباقي الاشيا تعتمد على حجز تاريخ العرس لازم تحددون التاريخ عشان تحجزين مكياج وشعر

عبير ودينا يمكيجون بـ2500 والشعر احجزي نجوى بـ 1500 تسوي وخلي فلوسهم في ظرف على جنب وسكريه

::

اي مساعده احنا حاضرين

وبالتوفيق يارب

ريحانة قطر;4118868:

مررررحبا لكل الغاليات والحلوات والعرايس
حبيت أشاوركم وأتمنى تساعدوني !!:sad:
عرسي في شهر 10 بس بالضبط كم 10 مادري لحد ألحين خطيبي ما حجز القاعة
وأنا متعطلة أبي أحجز مكياج وشعر مب عارفة شاسوي :(
المهم الصراحة باقيلي من المهر 26 ألف :21_195:
ولحد ألحين جهزت 6 جلابيات و5 بلوزات عادية جداً حق التنانير وجهزت قمصان نوم 7 ملونين وجهزت عطور مع كريمات حوالي 10 وجهزت ذهب حوالي 3 أطقم و4 ساعات و4 خواتم واسوارتين (الذهب ناااار)
وجهزت 4 أحذية ، وجهزت 8 شنط .
باقي فستان العرس أبي تأجير ورخيص مااعرف من وين ؟

حبيبتي انا عندي فستان عرسي وحللوو مسويته بالخبر اذا وودج تشوفينه او وودي ابيعه بس ممشكله بأجره لج لانج متوهقه اذا حابه قولي لي شنو مقاسج وراسليني علىالخاص

باقي التنانير ؟

فصلي لي ووحده سووده تكون كشخه فيها دانتيل شي جذي فصوص يعني يبين انج عرووس ووحده بنيه عمليه وخذي لج جاهزز مثلا تنوره جينز جذي

باقي البلوزات الكشخة ؟

انا من رايي تروحين الحسا تخلصين باقي اغراضج من بلاييز وتنايير لان هناك ارخص منه هني واحلى وميزانيتج صدقيني لوتروحين هناك بتكفي وبتزيد بعد

باقي المعطرات ؟

اخذي لج عطر فراش ودخون وعود معطر واخذي لج 3 عطورات عربيه من اجمل ودهن عوود روحي اجمل او جنيد وخلصي اغراضج

باقي المفارش للسرير ؟

في الحسا اشياء حلووه وارخص

باقي قميص النوم حق ليلة العرس

باقي جوتي العرس؟

لاتهتمين حق هالشي واايد يعني حتى لوصندل عادي لون ابيض من اي مكان لانه تحت الفستان ومايبيين

باقي الحنة؟

طبعا ميزانيتج ماتسمح انج تسوي حفله حنه بس اهم شي احجزي الحنه وانا انصحج بفنون حناهم للعروس رووعه ولاتقولين لهم انج عروس عشان مايخذون عليج واايد

باقي الدي جي .... لأن عرسي اسلامي

ماعندي فكره الصراحه

باقي السشوار ومكينة الحف

روحي النزيه واخذي لج السشوار مع المكينه

باقي معطرات وكريمات الجسم
اخذي لج طقميين عطر مع كريمه والباقي خليه عقب اخذي بعد العرس
باقي الحمااااااام المغربي
باقي وباقي وباقي وانا محتااااااااااااااااارة مب عارفة أبدأشلون ،، والباقي 26 ألف تكفي والا لا ؟؟؟؟
ساااااااااااااااااااااااااعدوني الله يخليكم:21_131:

انا اشووف انه ميزانيج شووي اذا بتجهزين هني روحي الخبر او الحسى ارخص واحلى ولاتكثرين واايد من كل شي اخذي 2 او 3 والباقي خليه عقب العرس لاتنسين انه بشهر العسل بتقعدين بعد تتشرين مع بوالشباب

انا رايي من راي غاليه ياقطر

وشوفي الاخت مرام عندها فستان حلو وكم طويل اعتقد لالايجار او البيع:gum:

شوفي حبيبتي بالنسبة حق الفستان طرشي لي مقاسج على الخاص لان عندي فستان اختي للبيع او الايجار وسعره واااايد زين
وهي اكيد بعد بتقدر ظرفج وبتنزل زيادة وبالنسبة لتحديد موعد العرس لازم تحددونه بسرعة لانه يمكن ما تلقون قاعة
وما تحصلين حجز حق المكياج والشعر
والاشياء الثانية البنات ما قصروا ومثل ما قالوا لج عن موضوع بنت الغالي اللي وايد بيفيدج

والله يوفقج

تسلموووووووووووون لي حبايبي الله يجزيكم كل خير
انا امس بديت اشتري الأشياء الباقية وان شاء الله بخلص


تسلمون حبايبي وبالنسبة للفستان برد عليكم قريب لأني رايحة بكرة مجمع الغرافة يقولون في فساتين حلوة

حبيبتي انا رديت عليج عالخاص وبحاول اتابع الموضوع هني قد ما اقدر

بس لو مارديت اتمنى تراسليني عالخاص لاني مادخل هالركن وايد

تلقيني دووووم في ركني هع هع

لا تخافين ياقلبي

قسمي فلوسك على متطلباتك ولا تصرفين وايد

الله يكون بعونك ويوفقك .

ياقلبي لاتخافين ولا تتوترين أنا أختي جهزت نفسها في شهررررررررر واحد فقط ,,,,, وحتى كان مهرها على قدها بس قدرت تجهز نفسها بكل شي وكفاها الوقت و المهر,,,,,,,,,,

لاتخافين ياقلبي بس نصيحة لاتكثيرين من التنانير والبلوزات والفساتين والجواتي والمكياج اللي شريتيهم كفاية لأن الموضه تتغير والتنانير والبلايز بإستمرار الوحده تشتريها ,,,, هذا غير شهر العسل أكيد بتشترين وبعدها بيجي العيد وتشترين يعني لاتخافين إن الملابس تنقصج,,,, أنتي بس ركزي على الشي المهم اللي يخصج أنتي و زوجج مثل قمصان النوم و تنانير قصيرة دلع و بناطلين ومعطرات الفراش والمفارش والبخور وكريمات ومعطرات للجسم وهالأشياء ياقلبي ,,,,

ولاتنسين (اكسسوارات و عبايات ) بس لاتكثيرين ,,, عندج الروووونق اشتري اكسسوارات رخيصة و حلوة من عنده ,, وعبايتين أو ثلاث كفاية لاتزيدين,,,,,,,,,,,,,,

بس انتبهي لاتصرفين فلوسج وأنتي مو حاسه خلي على جنب فلوس المكياج والشعر والدي جي والفستان ,, أما الحنه أو استشوار أو أشياااء بسيطة تقدرين تدبرينها ,, بس المهم لاتشترين بدون ماتحسين وتخلص فلوسج,,,,,, ,,

بس نصيحتي بعد مثل الأخت اللي قالت روحي الاحساء أشيااااء روووعه و رخيصة خاصة التنانير والبلايز وقمصان كشخة أما العطور وباقي الشغلات أشتريهم من الدوحه ,,

والله أنا أعرف نااااااس على قد حاااااالهم لكن في كل مناسبة أو حفلة أو عرس أشوف بناتهم كششششخة باللبس والجواتي والإكسسوارت لأن كل شي يشترونه من الأحساء ,,,,,, هناك في الأحساء 500 ريال تشترين فيها أشياء كثيرة لكن في قطر تشترين فيها حاجة وحده ,,,,,,,,,,,,


لكن بأفيدج بالمحلات اللي أعرفهم :
التنانير ؟
فصلي تنانير لاتشترين أحلى وأرخص,,,,وإذا لازم تبين جاهز عندج الجبر.

البلوزات الكشخة ؟
الجبر فيه لكن أحيان تحصلين وأحيان لا , ولأن الحين قريب رمضان والعيد أكيد يجيبون شي جديد.

المعطرات ؟ مفارش للسرير ؟
معطرات للمفارش تحصلينها بمحلات كثيرة وعندج بسوق فالح مثل ماذكرت الأخت محل حميد رخيصة و حلوة الناس يمدحونه ,, مفارش السرير عندج (العروس) كااااااان في سوق الأحمد بس عندهم فرع في الخميس والجمعة,,,وعندج (بروفيسور) في الخميس والجمعة عنده مفارش رووووعه .

قميص النوم حق ليلة العرس؟
نعوووومي بس غالي تقدرين تحصلين قمصان نوم روعه في الجبر وفيه بالغرافة مو شرط غااااااالي ترى بتلبسينه ليلة العرس بس.

جوتي العرس؟
من الجبر أخذي لج جوتي أبيض بس انتبهي مايكون الكعب (ضعييييف) مثل الأصبع لأن الفستان بيكون ثقيل ويمكن تهتز مشيتج ماتضبطين توازنج في المشي ويضاااايقج أخذي جوتي كعبه عرررريض .

الحنة؟
عندج صالون رحاب وأسعارهم أوكي وعندج صالون فنون .

الدي جي ؟
محلااااااات تجهيز الأفراااااح كثيرررة وكلهم عندهم دي جي ,,, روحي (التاون سنتر) فيه أكثر من محل جنب بعضها لتجهيز الأفراح عندج (الصفوة) روووعة.

السشوار ومكينة الحف ؟
أنا شريت استشوار من سنتين من الجبر والله رووووووووعه وللحين استخدمه واللي يشوف شعري يقول استشوار صالون,,,مو شرط ماركة ياقلبي أخذي الحين اللي يكفيج وبعدين اشتري لو تبين كل شي ماركة,,,

مكينة الحف عندج براون في الصيدليات تحصلينها.


معطرات وكريمات الجسم؟
بودي شوب و عندج محل في الاند مارك على ماأظن اسمه (وجوه).

الحمااااااام المغربي؟
ماعندي خبرة في هالشي.

والباقي 26 ألف تكفي والا لا ؟؟؟؟

تكفي ياقلبي بس لاتكثرين من الشي الغير مهم واللي كشخته للناس ,,, خلي اهتمامج وتركيزج للأشياء الكشخه اللي قدام زوجج,,,,

بالتوفيق أختي وأهم شي لاتتوترين ولا تخافين,, وأي خدمة كل البناااااات حاضرين :welcometo3roos:.

ما شاء الله عليج يا لامار تقسيمج رووووووووووعة وعملي وشملتي كل الاغراض اللي محتاجتها

انا بس حبيت اضيف شي بخصوص الديجي انا اعرف وحدة اتيي على 1500 اذا ما غيرت سعرها وبتربش لج العرس اذا تبين رقمها بدزه لج

الله يساعدش ويتتم ليش على خير قلبنا وياش

الله يوفقج اختي ان شاء الله والصراحه البنات ماقصرو وياج