بنتي عمرها سنتين..ما تااااااكل

في مرة استشرت طبيب وقال خلي الطفل على راحته

بس ما اقتنعت

حاولي تغرينه

اشتري لها مجموعه من الاطباق الملونه اللي تجذب

اجعلى الاكل منافسه او مسابقه مع غيرها

.... الخ من الطرق التشجيعية

غيري لها مكان الاكل والاجواء

خذي لها فتح الشهية من الصيدلية

وشكرا ً لج

يعتمد اختي اذا كانت بنتج هالفتره بس رافضه الاكل او اهي دوووم جذي , يعني شهيتها ضعيفه للأكل ...
اذا كانت بس هالفتره يمكن تسنن ( ظهور اسنان لبنيه :qaq: ), اما اذا كانت ترفض الاكل بشكل عام حاولي انج تستشيرين طبيب وبنفس الوقت حاولي تنوعين لها بأنواع واشكال الاكل ( من حيث اللون والطعم والنكهات وطرق التقديم )
ومثل ما قالت الاخت وهج ممكن تشترين لها اطباق واكواب وملاعق ملونه او على شخصيات اهي تحبها ( فلة, سنووايت, ستروبري شورت كيك , بارني .....)
اذا كانت تحب نوع معين من الفواكه او من الخضروات حاولي انج تدخلين معاه نوع ثاني من الاكل علشان تتعود على طعمه واهم شي طريقة التقديم ( يعني اذا كانت تحب الفراوله مثلا : روب\زبادي + فرواله + عسل +كورن فلكس)
معظم الاطفال يحبون المعكرونه , اختاري الاشكال اللي على حروف , فراشات , سباغيتي (يستانسون واهم ياكلونها بأيدهم ) ممكن تخلطين المعكرونه مع قليل من الجبن او الباشميل بالبدايه اذا كانت مو متعوده تاكلها وبالتدريج ضيفي خضروات وبروتينات.
واهم شئ انها تشاركم بوقت الاكل علشان تتشجع ولا تعطينها سناك بين الوجبات ( شيبس وغيره من هالخرابيط) عطيها فواكه , زبادي, بسكويت مخصص للأطفال المهم شئ ما يخليها تشبع وتمتنع عن اكل الوجبه الرئيسيه.
في وصفات وايد بالمنتدى ممكن تفيدج وتساعدج بخصوص اكل الاطفال وطريقة تزين اكلهم
الله يخلي لج بنتج ويحفظها ان شاءالله

عمر السنتين تقدرين تعطينها كل شي تقريبا
وعادي تاكل من اكل البيت وياكم
انا ولدي عمره ثلاث سنوات وما يراضى ياكل كلش
بس انا على طول احاول وياه والهيه باي شي
وياكل وهو ما يدري
يعني يكون قاعدة على الكمبيوتر مندمج وانا اغديه
واحيانا وية حوض السمج او قفص العصافير
واحيانا وهو يسبح يلعب في الماي وااكله
سوي مثلي وان شاء الله هالطريقة اجيب نتيجة

عادي حبيبتي في هالعمر كل الاطفال يرفضون الاكل ..

انا ولدي تخيلي من الصبح الين فليل يالله يكمل وجبه وحده ..

قبل السنه كان مغزز ومليان اما الحين لو تشوفينه صاير هيكل عظمي لا فواكهه ولا خضروات غير العيش الابيض والدياي او اللحم ما ياكل 3 او 4 ملاعق وخلاص ..

لكن العصير والكاكاو ما يشبع منه ..

ما فاد معاه المشهي والفيتامينات ... احس صار اخس عن قبل ..

حاولي تشكليلها الاكلات على اشكال ورود ولا شخصيات كرتونيه يمكن تاكل ...؟؟؟

عاااااادي هالعمر

بس انا اتبعت طريقة الاخت حبيبة جيمي ونفعت جربيها

وهج المحبة;4119316:
في مرة استشرت طبيب وقال خلي الطفل على راحته

بس ما اقتنعت

حاولي تغرينه

اشتري لها مجموعه من الاطباق الملونه اللي تجذب

اجعلى الاكل منافسه او مسابقه مع غيرها

.... الخ من الطرق التشجيعية

غيري لها مكان الاكل والاجواء

خذي لها فتح الشهية من الصيدلية

وشكرا ً لج

أختى كل الأطفال بهالسن جذي ،، آنه ولدي كان ماشاء الله بعافية بس من بدأ يمشي وهو منكمش ولا يكبر بسرعة،، قبل كنا نعطيه أي شي وياكله الحين قام يتمرد ويرفض الأكل بس نحاول معاه كل فترة بأشكال صحون جديدة،، المعكرونة المفيوحة مع الجبن يموت عليها فكل مرة أسوي له تشكيلة من المعكرونة وياكلها،، روب الدانينو يحبه او المراعي كل مرة نوع وبكذا ممكن ياكل...

أختى أنت بعد أتبعي نفس الطريقة أشتري لها أشكال صحون وحلو لو تحصلين المقسمين يكون في كل قسم شي، يعني لو دجاج نجت معاه شبس على الوجوه الضاحكة وحهة خيار وكاتشب ومن هالقببيل.....

حطي جدامها الكورن فليكس مع علبته هالأيام خو هابين بالأشكال مرة شرك ومرة سبايدرمان ومرة فله وقولي لها بتصيرين حلوة مثل فلة وقوية،، لأن أنا ولدي أشترى اللي على سبايردمان ومن نفسه كل يقول باكل الكوكو بوبس يكون أصير قوي مثل سبايدرمان.....

أخذي فاتح الشهية عاد هذا إذا تقبلته لأن الأطفال بالعادة يكرهونه....