افكاركم حق قريقيعان عيالكم

شدعوه وينكم ياعروسات وين ردودكم ومشاركاتكم؟؟؟؟

هلا أختى،،،

أنا ماسويت شي للقرقاعون،، بس ناوية أشتري بنص شعبان لأن عندنا ناس بالبحرين يحتلفون به بشعبان مو برمضان فتشوفي المحلات عارضو ايد أشساء وأنا أشتغل هالشي وأجهزهم قبل رمضان ولما يقرب النص امليهم بالمكسرات وأسكرهم..
اول قرقاعون لولدي سويت سلال وحطيت فيهم مكسرات وحلويات وشبس، كانوا كبار وايد وأضطريت أحط فيهم أشياء كثيرة..
ثاني مرة شريت شكل دلو من خشب وثالث مرة شريت أكياس من الخيش عليهم وجه رجل لابس غترة...

بس السنة للحين ماشفت شي، وخاطري بفوانيس بس مادري وين أحصلهم.. أنا أحب أشتغل عليهم بروحي ماتكلفني القطعة نصف دينار بس المحلات أسعارهم خيالية ومايحطون حتى مكسرات زينة او كافية....

الله يبلغج في ولدج معرس إن شاء الله...

السلام عليكم و رحمة الله تعالى و بركاته،

أختي رانيا إذا للحين ما سويتين شي فروحي مركز الأنوار في الطابق الثاني ... بتحتارين ويش تاخذين إا للحين ما خلصوهم الأوادم أني رحت أول يوم في رمضان و خذيت أكياس مثل الشنط الصغيرة مسوية من القماش الجاينيز Chinese و بعد شفت عندهم أكياس مع كل كيس لعبة صغيرة بحجم إصبع اليد عرايس و ملبسينهم اللباس الشعبي و في منهم أولاد و في منهم بنات و ما أتوقع إن أسعارهم غالية

شكرا أم سلمان،، أنا شريت من حديقة الأزهار أكياس أورجنزا والحمدلله وزعتهم اليوم على أطفال الروضة...