اخت زوجي بتجلطني

العيــون الذباحــة;4109907:

هلا اختي

اسمحي لي اقول لج انج مكبره الموضوع شوي يعني انا اشوف شي طبيعي اهل الزوج يتدخلون في حياة الكنة خاصة الاطفال لانهم يحبونهم و ما يعرفون شلون يعبرون عن رايهم و تلاقين القلة الي هم متفاهمين و ما يتدخلون و انا اشوف هذا شي عادي انها تقول لج ليش ملبسته هذا و المفروض ما تلبسينه و انا ادري ان هالشي يضايق والله بس خذي المسألة ببساطة و افرضي رايج و لا تشغلي بالج و بالنسبة لروحاتها اشوفها وايد 3 مرات باليوم و لكن تحملي مب مشكلة و صدقيني اذا ريلج شاف انج تعزين اهله و تحترميهم و تسوين لهم قدر راح يحترمج و يحبج و يسوي لج قدر اكثر و مثل ما قلت لج حبيبتي اذا انتي مقتنعة بشي الي تسوينه يعني طريقة اللبس و تربية ولدج افرضي رايج بطريقة حلوة ما تحرجي نفسج فيها و لا تحرجيهم و اذا شفتي انهم صح بكلامهم ما فيها شي تاخذين بنصيحتهم ...

و في مراات الواحد يتنازل عشان يرضي غيره

يعني بذكر لج موقف مريت فيه .. في مره اشتريت لي مجموعة قطع يديدة عشان افصلهم و كنت يالسة اراويهم حق عمتي يعني ام زوجي ( وانا دايما لما اشتري شي يديد اخليهم يشوفونه عشان يحسون اني اشاركهم بكل شي ) المهم عمتي علقت على قطعتين قالت هذي الوان مب حلوة و كثير جريئة و كانوا بالفعل الوان جريئة يعني اصفر و اخضر الفاتح جدا و انا حسيت انهم ما عجبوها و بعدين ما فصلتهم عشان خاطرها و عشان اسايرها لاني اراعي ان بيئتهم غير عن بيئتي و ذوقهم غير عن ذوقي بس هذا مو معناته اني اتنازل عن كل شي ..

شكلي طولت عليج اسمحي لي و اتمنى ان الفكرة وصلت و اكون افدتج و لو بشي بسيط

^ريميه^;4109952:
لا تعطينها وجه ولي قعدت تقولج ليش مسويه جذي وجذي عطيها نظره واسكتي خليها تأدب وتحاشيها ولي جت بيتج لا تعطينها وجه خليها تحس انك ماتبينها لوووول :) الله يعينك

روح ملكية;4110402:
والله ياختي انا اقول تعاملينها باسلوب يعني مو تتهاوشين معها بس تردين عليها بسلوب يسكتها ومايخليها تتدخل زياده عن اللزوم
اوكي مهتمه هي بس مو بهالطريقه شكلها فاضيه وماوراها شغل ولا غيرانه منك
انا فهمت من كلامك انك اذا قلتي لها كلمه تسكت ولا عاد تدخل
خلي كلامك لها دايما يعني فيه اسلوب مو تضحكين وكيذا يعني اجابه تفحمها عشان ماعاد تدخل مره ثانيه
وصدقيني بعدين بتمل ومابتقولك شي لانها تدري انك مراح تسمعين لها



شكرا

بيبي لوشن;4111517:
وااااااي ذكرتيني باللي عندي ...اكيد خوات زوجج مو متزوجات
الله يعينج والله
انا خوات زوجي نفس الشئ ملعوزيني ويأثروون حتى على امهم واهي بعد تقلب على ومرات يستفزوون زوجي ويسألونه اسأله غبيه عني بس علشان يقهرونه (يعني ليش تروح بيت اهلها كل يوم ؟؟؟ عيل بالذمه وين اروح اطيح عندكم وانتوا ما تشتهوني وعيونكم بس علي انا وريلي ) ... الغيره وما تسوي
لكن شنو نقدر نقوووول حسبي الله ونعم الوكيل والوحده فينا تتحمل علشان زوجها .. والله اني ادعي لهم يتزوجوون علشان نفتك من حنتهم ومن عيونهم اعوذ بالله
الله يكون في عون الجميع

الشـــامخه;4111734:
اختي العزيزه بنت النواعم .. انا ماراح انصحج ولا اقولج على طريقه سحريه في انج تعالجين الموضوع ..
اتوقع اخت زوجك تعزج وتعز زوجك وطريقتها في اظهار هالمعزه هو عن طريق انها تجيك 3 مرات في اليوم .. انتي ما تعرفين عن شعورها يمكن هالشي يسعدها انها تكون معاكم .. انا مب ادافع عنها بس اتفهم شعورها .. يعني هي مب غيرانه منج ولا تكرهج .. بس هي تحاول تقرب منج .. انا اقول تعوذي من الشيطان وحاولي انج اتقربين منها يعني اكسبيها هي يمكن ما كنت تعاملج زين قبل لان ماتعرفج .. وترى مب عيب الوحده تساعد في تربيه ولدج وهي مب غريبه هي اخت زوجك يعني مثل اختج .. ومالج بد منها .. تحملي على نفسج وبيتج وابعدي عنج هالافكار انج تناظرينها بنظره تسكتها ومادري وشو .. يعني فكري بعقلانيه وبهدوء ولا تاخذين الشي على انه بيظرج ماتدرين يمكن هاذي الاخت تنفعج في المستقبل اكثر من نفسج ..
ولااا تحطين في خاطرج شي .. كل شي ينحل باذن الله ..

والله يحفظكم من كل شر ويخليكم حق بعض..

four_seasons;4111767:
شوفي يا اختي كله كلام وبس اللي لازم تعرفيه انو ادا كسبتي عائلة زوجك كسبتي زوجك وحتى لو زوجك يحبك ويسوي اللي تبينه هدي اخته يجي يوم يسمع كلامها ومش عيب يعني ادا ادخلت في عبادي لانو ابن اخوها وتحبه انتي مكبرة الموضوع شوي ولاتردين عليها بكلام ولا شي لازم تحسسيها انك انت ما عندك مشكلة معاها وتعاملي معاها بلطف واحترام ادا تعاملتي معاها بهده الطريقة تحسسيها انها هي الغلطانة وبيجي يوم يا اختي وتعتدر لكي كوني متؤكدة ولكن ادا اتبعتي طرق اخرى تجلبي لنفسك مشاكل مع زوجك واهله وعلى كل حال هم اهله انتي اللي تكوني الخسرانة ولاتعطيهم هده الفرصة اصبري واللي بيصبر بينال والصبر مفتاح الفرج ومعلش طولت عليكي والله يوفقش

أحلى شهد;4112378:
بين مؤيد ومعارض

اقولك حاولى تكسبينها وكوني جاده معاها بنفس الوقت


واي شي ما يعجبك قوليلها ولا تستحين كوني صريحه


وشيلي هالنظرات اللي بعيونك وطلعي كل اللي بقلبك


وخلي عبادي يتعود على عمااااته ويحبهم

سماء الحياة;4113140:
أختي لأنها ما متزوجة متفرغة حقج ... ويحليلها تحب عبادي
خليها تنبسط معاه ... وإذا ظلت تفرض رايها قوليلها ياختي
الأذواق تختلف بين الناس .. وحاولي مرة تاخذي برايها
ومرة لا علشان يكون هناك شوية توازن؟

وردة قطر;4111713:
لاحول ولاقوة الا بالله

شنو هاي .. ليش تسوي جذي عاااااااااااد ؟؟

الله يسامحها :(

الله يعينج اختي .. ويبعدج عن مشاكل الاهل :(

الشـــامخه;4111734:
اختي العزيزه بنت النواعم .. انا ماراح انصحج ولا اقولج على طريقه سحريه في انج تعالجين الموضوع ..
اتوقع اخت زوجك تعزج وتعز زوجك وطريقتها في اظهار هالمعزه هو عن طريق انها تجيك 3 مرات في اليوم .. انتي ما تعرفين عن شعورها يمكن هالشي يسعدها انها تكون معاكم .. انا مب ادافع عنها بس اتفهم شعورها .. يعني هي مب غيرانه منج ولا تكرهج .. بس هي تحاول تقرب منج .. انا اقول تعوذي من الشيطان وحاولي انج اتقربين منها يعني اكسبيها هي يمكن ما كنت تعاملج زين قبل لان ماتعرفج .. وترى مب عيب الوحده تساعد في تربيه ولدج وهي مب غريبه هي اخت زوجك يعني مثل اختج .. ومالج بد منها .. تحملي على نفسج وبيتج وابعدي عنج هالافكار انج تناظرينها بنظره تسكتها ومادري وشو .. يعني فكري بعقلانيه وبهدوء ولا تاخذين الشي على انه بيظرج ماتدرين يمكن هاذي الاخت تنفعج في المستقبل اكثر من نفسج ..
ولااا تحطين في خاطرج شي .. كل شي ينحل باذن الله ..

والله يحفظكم من كل شر ويخليكم حق بعض..