قصة ولادتي بولدي الغالي(ميمو)

اول شي الحمدالله على سلامتي وسلامت ولدي..

طبعا انا كنت من رابطة امهات يوليو موعد ولاتي المفروض تاريخ 18-6-2007

كان عندي موعد مراجعه بشهر 4 المهم رحت الموعد واكتشفت ان الملف مب موجود طبعا عصبت وااااايد لاني موظفه فا ما يبون ملفي يكون عندهم يبون الملف يكون في نفس المستشفى الي اداوم فيه..واصلن الموعد كانوا عاطيني ارجينت يعني لازم الدكتوره اتشوفني..انا عصبت وطلعت من المستشفى ورحت البيت على طول..

ونمت الظهر نشيت العصر جان ارجع معني مب ماكله شي..صحيت زوجي وقلتله تعبانه ورجعت..رحت العيادة القريبه من البيت وكان الضغط عندي مرتفع وايد وعلى طول قالولوي روحي المستفشى..

طبعا زوجي ما صدق على طول وداني مستشفى الوصل..وقاسوو الضغط كان مرتفع وعلى طوول دخلوني المسشفى تميت فالمسشفى 3 ايااام وشافتني الدكتوره قالت اذا كلشي اوكي خلاص بنرخصج بكره قلت اوكي وطبعا بدوا معايه حبوب الضغط.تاريخ 30-4-2007 الفليل نشيت الساعه 4 على ويع مو طبيعي في اعلى البطن وااايد تعبت من الويع مب قادره استحمله قلت يمكن غازات فا يلست اتمشى فالغرفه بس ما قدرت..


اتصلت بالممرضه ويوني هنتين وقاسوا الضغط كان مرتفع فاا عطوني حبوب الضغط وتريوو عليه بس ما نفع بعده مرتفع وبديت ارجع فتصلوا ابسرعه بالدكتوره وقالت على طوووول حولها غرفة الولاده واتصل بزوجي ما يرد وتصلت باختي وخبرتها وبعدين خبرت زوجي..

وودوني غرفه ما قبل الولاده بس كانت غرفة العنايه وشفت زوجي وبعدين اختي وانا اصيح من التعب...ويلسوا يفحصوني وحطولي 3 ابر في ايدي اليمنى ووحده فاليسرى تتخيلوون والله تعبت وبعدين قاموا يعطوني ادويه بالوريد يشفون اذا اضغط بينزل ما في فايده تعب زااايده وكله صيااااح في صياااح الدمووع ما توقف...لان اشووف لاير ومال تخطيط القلب ويميع الويرات عليه احس جنه فلم..

وبعد كل هذا قالو لازم بسرعه قيصريه يمكن 6 دكاتره عليه ومليون ممرضه..وبسرعه بسرعه يسولي كلشي..ووقعونا اوراق وياتي دكتور التخدير..وقبل لا ادخل غرفة العمليات كنت فعلا وووايد خايفه وكانوا مقررين يسولوي تخدير كامل او يوم عرفت اتقبض ابكندوووورة ريلي واصيح اقوووله ادخل وياااايه ما اباا ساير روحي وهووو ما يعرف شووو يسوي وخواتي يصيحون اقولهم ابا بنج موضعي ما ابا كامل قالوا اوكي..

دخل ويايه دكتور البنج وضربني ابره في ظهري وسوالي جراحه في ركبتي لان كانوا خايفين ادخل في غيببوه بس مليووون واير وابره فيه تعبت والله تعبت المهم طبعا بدووا فيه ما شالله اقل عن ربع ساعه واسمع صوووت ولدي يصيح جان اصيح على طووووووول وقالوا الحمدالله بخير تبين اتشوفينه اقوله لا ما بااااااا اشوووفه ما ادري ليش خفت.بعد ما خلصواا كلشي..

ودوني على طوووول العانيه المركزه الفائقه تميت فيه 4 ايااام ورلي ويايه يسهر لان ما يدخلووون حد وما اروم اتكلم حطيلي مال الاكسجين ..

بعدها قالوا لازم تمشين واااااااااااااااااااااااااااااااااااااااااه مت مت وانا احاول امشي اصيح صيااح والله وفكر في امي الله يرحمها اقوول ياريت كانت موجووده بس زوجي ما قصر كان ملازمني كل الوقت.

وبعد اربع اياام حولوني على قسم 8 بعد في عنايه بس مب العنايه الفائقه وكنت ابا اشووف ولدي وودنوي بالكسري يوم شفته فديييته والله صغير وايد اتخيلوااااااااااا 1.500 يعني لقمه وتم فالعنايه اسبوعين..وطلعواا فديت رووحه..

وسميته مـــــــروان

اكيد مليتوااا من القصه ههه بس صدق تعبت وما افكر اني احمل بالمره الصراحه بعد تعب الوحام والربى