الفطام

خيوه حاولي معاها بالنهار أول واذا نجحتي حاولي معاها بالليل
بالنهار حاولي اتكرهينها بالمرضعة حطي عليها مثلاً آيدين أحمر على الحلمة او ابتكري اي شئ يخليها تكره المرضعة وبعدين بدي ليها بالليل

لفطام اختي مش سهل ابداً..

تخيلي شيء متعودة عليه يومياً .. لمدة سنتين.. ومرة وحدة تقطعيه.. شيء اكيد راح يكون صعب جداً حتى على الكبير.. شلون الاطفال الصغار واللي يميزهم التعلق الشديد جداَ بمتعلقاتهم؟


لذا اقولج اذا تبين تفطمينها لازم تخلين في بالج الاصرار على هذا الشيء وما تخلينها تغلبج في النهاية..
محتاج الامر صبر، وحتى سهر مثل ايام بداية عمر الطفل اذا مو اكثر..
اختاري ليلة اجازة بحيث لو ظلت تبكي طول الليل ما تزعج زوجج ويقدر ينام معاها لو نامت على الصبح...

الشيء الاساسي في بداية الفطام هو اشباع الطفل زين ما زين قبل النوم بساعة..
عشان لو بكت بالليل تبي رضعتها تعرفين انه مجرد دلع وانها شبعانة بالفعل..

وجبة العشاء ضروري يتلوها عصير او حليب في كوب او ماء .. المهم انها تشرب كمية كافية لتجنب العطش ..
اذا قعدت عطيها الماي.. راح ترميه عليك مرة ومرتين والف.. لا تستلمي.. ارجعي قوليلها مافي حليب.. ما عندك الا الماي...

اذا رفضت.. نوميها بدون ماي .. مو مشكلة.. وقت اللي بتعطش فيه من جد.. راح تشربه...
اخذيها بحضنك ونوميها راح تزن وتبكي وتصارخ.. لا تستلمين..

الموضوع لو بيطول ما راح يستمر لأكثر من 5 ايام.. واذا كان مثل حالتي .. الحمدلله فطمته في ليلتين والثالثة واصل نوم الىا لفجر... بس للأمانة كان عمر ولدي صغير .. اصغر بكثير من بنتك.. يمكن لهالشيء كان الفطام اسهل..

ويستحسن تفطميها النهار والليل... عشان تنفتح شهيتها للاكل... خلاص كملت السنتين وصار لازم تعتمد على الاكل اكثر من الحليب.. اللي للأسف بهالعمر يسد شهيتهم ويخرب وجباتهم..
ما اقولك تقطعينه.. بس اعطيها بكوب تشربه على الافطار.. ومرة ثانية عند وجبة العشاء.. وبكذا يكون اخذت احتياجها من الحليب يومياً...


لا تنسين تعطينا تجربتك معااها وحاضرين لأي استفسار

جمانة

بنتي في النهار ما تشرب الحليب من المرضعة أبدا.. بس وقت النوم ولما تكون نايمة

بالنهار عودتها لى شرب حليب المراعي " حليب بالبيب " زي العصاير مع الماصة

و المشكلة الثانية اني ما أقدر انام بغرفة لوحدي معاها لأنه عندي بنت ثانية عمرها 8 شهور

و لما تبكي الكبيرة لازم اتصحيلي الصغيرة

و أصلا الصغيرة نومها كل نص ساعة ولا ساعه تصحى تبكي