لا عادي الغالية
مب شرط يكون نموها نفس اختها
انا بنتي حبت وي عمرها عشر شهور
وبنت اختي حبت وهي عمرها سنه وشهر
عادي حبيبتي
الا بسألج انتي الفرق بيننهم سنه ونص تقريبا نفس اعيالي
بس انا الوضع جديد علي ولدي توه عمره 15 يوم وبنتي عمرها سنه و7 شهور
واحس مب قادره اوفق وبنتي صايره صياحه كله متملله؟؟؟انصحيني من تجربتج؟؟
عادي حبوبه .. انا بعد بنتي 9 شهور وللحين ماحبت بس ترفع نفسها وتزحف ...
واليهال قدراتهم متفاوته وغير عن بعض ... في يهال مايحبون يمشون على طول ...
الله يخليها لج ياربي
الله يحفظج بنتج وتفرحي فيها يارب
انا بنتي توها 7 شهور ومشتاقه أشوفها تحبي
البنات ردوا ع سوالج ما قصروا وأعذريني ما عندي خلفيه فهالموضوع
رووووووز
اي والله الغالية
الله بيعين
عادي اختي
فيه اطفال ما يحبون سيدة يمشون
هلا فيج رووز اشلونج يالغاليه وبوسيلي بنااتج الله يحفضهم من الشر والعين
يالغاليه لاتحاتين وتخاافين موكل اليهال اللي بتجبينهم نفس الشي حماتي جابت 3 بنت وولدين تقول بنت وولد نفس الشي حبوا بسرعه ومشوا وطلع لهم ضروس تخيلي الولد ال3 مومثلهم وكانت خاايفه لما صار سنه بدي يحبي ولما صار سنه ونص مشي خطوات وتخيلي لما صار سنه وشهرين طلعله اول ضرس فكلش غيرر عن اخوانه
وصديقتي عندها بنتين بينهم سنتين الفرق سارة الكبيرة مشت وحبت بسرعه ونورة الصغيرة غير كلش عنهااااا تخيلي لما صار عمرها سنتين مشت
فلاتخاافين هالشي طبيعي مو كل الاطفال اللي راح تجبينهم راح يكونون نفس الشي لازم اختلاف بينهم من ناحيه قدرات والمهارات
والله يخليج لهم ياارب
لا اختي كلش عادي
آنه بنتي حب بعد نهاية التسعة شهور
بس قامت تتخطى
وبعد ماتخطت باسبوع قامت تحبي ههههه
وظلت اسبوع او اسبوعين كله تحبي نادرا ماتتخطى العيارة
ولا مادخلت ال 11 الا هي تمشي ماشاء الله عليها
هلا أختي
الاخوات ما قصرن معاج مثل ما ذكرن انه يختلف من طفل لثاني
بس بخبرج عن ولدي ما حبى الا وعمره سنه وشهرين وكنت وايد متروعه عليه بس الحمد لله مشى والحينه ما فيه شي
بس انه يختلف من طفل لثاني
الله يفرحج ابها جريب وتشوفينها واهي تمشي
:9_33:
:
مشكورين يالغاليات ماقصرتوا .. :9_33:
طمنتوا قلبي
بس معقولة لين سنه واكثر فيه اطفال مايحبون .. سبحان الله .. فعلا قدرات
في حفظ الله ورعايته
مرحبا
اختي: لما كان ولدي عمره 11 شهر حبى ،، تتتخيلين العياره و الجمبزه كان وهو قاعد يتحرك يمين شمال و شوي ينسدح ع بطنه و شوي يمسك الاشياء و يبى يوقف ،، حبى بس شهر واحد بعدين ما شفته الا يمشي الصلاة على النبي !
وكنت متضايقه منه لأنه ما حبى بسرعه ،، ويم الاحبى استغربت منه ،، لا و حبى عشان يلحق شي تافهه!
تخيلوا: كان يحبي ورى حافظة الحليب كانت تتدحرج من ايده فيحبي وراها ،، عاد اني قلت في خاطري جان زين مطلعه هالحافظة من لما كان عمرك 7 اشهر !
لا تحاتين و لا تفكرين ! كل شي بوقته حلووو
اختي عادي انا بنتي البكر ماحبت والا هي بتكمل 11شهر تخيلي شنو شعوووري ذاك الوقت وماشاءالله الكل بعيلتنا حبى ومشي هي الوحيدة غير وماكملت سنه وشهرين والا هي تركض الله يحفضهااا
وبنتي الثانيه حبت من 9شهور
ولاتخاافين وتحاااتين
الله يحفظ اعيالنا يااارب
انا بنتي قريب وتدش 9 شهور لا حبت ولا سننت
وانا يبتها في الثامن..وعلى قولة الوالده يمكن ليش انها قاصره
الله يحفظ اعيالنا ونفرح فيهم ان شاء الله
