صج من قال حاميها حراميها

نعناعة البحرين 29-07-2007 7 رد 963 مشاهدة
ن
قصيدة ساخرة باللهجة البحرينية الصدديه
>>
>>للشاعر الاستاذ حسن القرمزي
>>
>>
>>
>>غزاله من صدد مرّت وأنا مسمّـر بواديها
>>خذت قلبي بمشيتها وتمنيت إني أتقرّب واحاجيها
>>وخفت من الفضيحه تصير في الديره وتغربلني بلاويها
>>وأحصّل ليّه جم طراق وجم رفسـه ويعادوني أهاليها
>>وتميّت أخزي الشيطان وأتعوّذ .. لكن خاطري فيها
>>غلبني ابليس ووسوس لي وقللي يالمدمغ لا تخليها
>>مثلها وين بتحصّل خســاره .. وإذا فاتت ما تلاقيها
>>جرّب واقترب منها وتنحنح وابتسـم ليها
>>إشـاره عطها بعيونك ومو لازم تحاجيهــا
>>
>>وهيه تفهم إذا تبغيك وتدري بيـك شاريها
>>ترد ليك الإشاره بنوب وإذا تبسمت حاجيها
>>واذا ما ليها خاطر فيك وما تبغيك خليّها
>>وتباعد عنها لا تبليك بلوى وانته تبليها
>>خزى ابليس شجعني وخلاني اجاريها
>>ومن زرنوق الى زرنوق ألاحقها واماشيها
>>وصممت إني أواصل واشوف شلون تاليها
>>أما فوز بالتفاح والجنـــــــّه وما فيها
>>ولاّ شتم وطراقات ومعادى أهاليها
>>وتم ابليس يشجّعني ويخليني أدانيها
>>***
>>ويقل لي من ورا الغشوه حلاوه ما احلمت بيها
>>ولو تكشف الغشوايه حشاك اليوم ترويها
>>تشوف عيون خضراوات والكحلة أصل فيها
>>تشوف خدود تتلامع وسن الذهب حاويها
>>تشوف الخشم سلّة سيف والبسمه بمحاجيها
>>تشوف الشعر عرف الخيل يتمايل حواليها
>>وأتردد وأخزي ابليس وأذكر غضب باريها
>>ويرد ابليس يوصف لي محاسنها ومحاويها
>>ويوم إنه ترس مخي وذابت مهجتي فيها
>>صرت مجبور ألاطفها ومجبور القلب فيها
>>ويومٍ وصلت الخبّاز وعيوني تباريها
>>وناديت بضعيف الصوت قصدي بس أحاجيها
>>عطينا وجه يالبدره ولا جني أحاجيها
>>قلت وشدعوى يالقاسي فداك الروح جرحيها
>>**
>>
>>ولو هيه طوف جاوبني وأنا اللي لاصقٍ فيها
>>ولا أسمع غير مشيتها وتهزهـز تراكيها
>>وقلت يمكن ضعيفة سمع أتقرّب وأناديها
>>دنيت منها وأنا مرعوب خايف ويش تاليها
>>ولا قالت لي تباعد وانا اللي لاصقٍ فيها
>>حاجيني وردي الصوت وروحي لا تعذبيها
>>ينجم سهيل في ظلمه وفي عتمة دياجيها
>>سحرتيني ذبحتيني وهذي الروح ناغيها
>>ورفعت لي الغشوايه قلت بنظر محاجيها
>>أثاريها أم لعيال وانا طايح غزل فيها
>>صدق من قال في الأمثال حاميها حراميها
>>
>>

وسلامتكم:9_28:
m
الصراحه نص الكلمات ما فهمتهم....

بــــــــــــــس يسلموووووو
ن
هههههههههههههههههههه

الكلمات بحرينية بحته بس عسة فهمتي المقصود

شكرا على المرور
ع
>>سحرتيني ذبحتيني وهذي الروح ناغيها
أخخخخخخخخخخخ مريت بها الشعور
روعة القصيدة والكلمات البحرينية سهلة ومفهومة ما أدري يمكن لأني عشت فيها خمس سنين من أحلى السنوات عندي
ا
>>أثاريها أم لعيال وانا طايح غزل فيها
[GLOW="FF0000"]هههههههههههههههههه
صج راحت عليه[/GLOW]
ف
مشكوووووووووة حبيبتي نعناعة البحرين

القصيدة رووووووووووووووووووووووعه

وكلماتها حلوه بس

في كلمات ماعرفتها :poster_kewlpics::2_106::2_106:

نترقب جديدك0000
m
هههههههههههههههههههههههه

نااااااااااااااااااااااااااااااايس

مشكووووووووووووورة

يسلم راااااااااااااسج
ن
هلا فيكم وهلا باهل الخليج

شكرا على المرور

وحمدلله انها اعجبتكم
X