للامهات اللي عندها طفلين

الله يساعدج اختي
يعني آنه بكون مثل حالتج
بنتي عمرها سنة وشهر والحين انا بالشهر السابع
يعني على مااولد بنتي بيكون عمرها سنة وثلاثة شهور
الله يعيينا

بس اختي ليش ماتخلين ابوها يطلعها
او احد من اخوانج او خواتج
وآنه نصحوني قالوا لي اخذي لها لعبة فيها مرضعة وثياب
عشان تضيع وقت الفراغ في انها تقلد عليج
وماتحس بالغيرة

ان شاء الله اكون افدتج اختي

تحياتي: العــــاشقة

الله يكون بالعون أختي

وهذا حالي و هذاني أحاول أتأقلم مع الوضع وللحين مو قادره


بالرغم ولدي الكبير الحين بأول شهر من سن الخامسه وبنوتتي عمرها شهر واحد وحاسه


بأن الوضع معاهم جدا جدا صعب والله



راح اتابع موضوعك عشان يمكن أستفيد من بعض الاخوات

العاشقة

مشكورة ع ردج
بس طلعوها وااايد وبعدين هم بيطلعونها بس مو كل يوم..فشله
وجبت لها اللعبه ومعاها اغراضها لاتنسين انها صغيره ماتعرف تلبس او اي شيصغيره وتتملل
احسها تبي اطفال تلعب معاهم


احلى شهد

هلا الغالية مشكورة على ردج

وننتظر المجربات يقولون لنا


والله يعيننا

والله حالي ممن حالكم بس انا عندي ثلاث مثل ما ابين بالتوقيع
الله ايكون بالعون

همسات

عيل انا يقولون لي 3 احسن من 2 لانهم ينشغلون ببعض

بس لو 2 مثل اللي عندي بنتي الكبيره مشغوله باخوها الصغير




يلا نبي خبراااات ياعراااااااااااايس

أحلى أم;4094627:
همسات

عيل انا يقولون لي 3 احسن من 2 لانهم ينشغلون ببعض

بس لو 2 مثل اللي عندي بنتي الكبيره مشغوله باخوها الصغير




يلا نبي خبراااات ياعراااااااااااايس

خيوه فعلاً بناتي سنهم مقارب لبعض يعني الفرق بينهم سنة وشهرين يلعبون مع بعض لكن اذا بغوا يتعاونون على اختهم تعالي شوفيهم وحدة اتحوس برجلها والثانية في اعيونها
ويتهاوشون يبغونها على ارجولهم ويبغون البسونها واللي تبغي اتمشطها
يعني اريح في شئ وصعب في اشياء

اي والله معاج حق

بس من تجربتج حلو ان اعمارهم متقاربه ؟؟؟والا تقولين لو باعدت افضل؟؟؟؟

نفس وضعي قبل سنه و الله

وهقه بجد
انا شو كنت اسوي اخذها عند امي لانه هناك تستانس اكثر مع بنات اختي و اخوي
و احيانا اخلي اخت زوجي تاخذها توديها الالعاب
واحيانا بس ينام ولدي اقعد معاها و نفرش بالارض و اقعد دنبها و العب معاها بالعابها
او اجيب لها اوراق و قلم و اخليها تلعب بيهم تحت مراقبتي

واذا كان ولدي صاحي اقولها تعالي نلعب اخوج و الفه عدل و انيمه على رجلينها شوي عشان تفرح بس تحت المراقبه و بعدين اخذه و نقعد نسولف معاه
يعني اخلقي لها جو بنفسج :)
و خلي اخواتج و اخوات ريلج شوي يديرون بالهم عليها و يطلعونها شوي لين تقومين انتي بالسلامه و تقدرين تفسحينها و تسلينها

و ألف مبروك

سحايب

ردج واد مريح وحلو وهذا اللي ناويه اسويه

انزين وزوجج وينه في هالجدول احسه يكسر الخاطر

حمدلله على سلامتج اختي .. مادريت انج ولدتِ... شسميتي المحروس؟


المهم اللي بقوله انه لازم تحطين ببالج دائماً انه تربية طفلين اصعب بوايد من طفل واحد..
وفي البداية اصعب شيء لأن الطفل الصغير عنده مشكلة الغيرة..
وانتي تحسين انك ما ملحقة ورا متطلبات الاثنين خصوصاً لما يكون الكبير في عمر صغير بعده .. ومعتمد علىيك في الاكل و تبديل حفاضات وخلافه...

في فترة الاربعين المرهقة .. على الاقل.. خلي احد يتقاسم معك مسؤولية البنت..
انا كنت اطرش ولدي عند عمتي ام زوجي كم ساعة باليوم.. تقريبا ً من 1 ونص الظهر الى 6 ونصف المغرب.. يومياً..
وبالتالي كنت احاول انوم بنتي وانام معاها ارتاح.. ولما يوصل اكون مرتاحة واقدر اسولف معاه والعب واعطيه اهتمامي..


انتي الحين توج والدة.. ومستصعبة السالفة.. لما تكملين شهر.. روحج بتشوفين انه تأقلمتي على الوضع.. وصارت تلبية متطلباتهم شيء روتيني.. وهم بنتج بتتعود شوي شوي على قصة المولود الجديد ..

اقرأي عن كيفية معالجة الغيرة عند الطفل الكبير عشان يخف بكاءها.. واضح ان سببه انها ملانة وتبيج كل اهتمامج لها هي وبس ..


الله يكون بعونج وعون كل الامهات :)

انا من رايي توديها الحضانه لما تكبر شوي:poster_dev:
وهي من نفسها بعدين
بتنبسط مع اخوها
لمايكبر
بس هي شكلها غيرانه
فحولي انتباهك لها شوي
لان البيبي لسا مايفهم

حبيبتى اسال مجرب ومتساء لش طبيب اة اة اة والف اة من طفلين متقاربين فى السن المهم علشان مش اطول علكى انا زيك بالضبط بنتى الكبيرة كانت سنه ونصف والصغيرة كانت اسبوعين اما الان الكبيرة 3 سنوات والصغيرة سنه ونصف اولا فى الفترة الاولى يعنى اول شهرين لابد من وجود احد يساعدك واوعى تبعدى بنتك عنك الكبيرة حد يسعدك فى الصغيرة لان الكبيرة تنتظر رد فعلك هتهمى بيها ولاة بالنونو خلى علاقتك بالنونو رضاعه وبعدين حطيه على السرير اما الطفله الكبيرة دلعيها وغنى لها وخليها تسعدك فى غيار النونو تجيب ملابسه وتقعد معه وانتى فى المطبخ طبعا بمراقبه منك حسيسيها انها مسئوله عن النونو الصغير هيفرق كتير فى نفسيتها وربنا معاكى ولو عايزة تساءلى عن اى شئ اسالى وربنا يعينك على تربيتهم ويجعل مثواكى ومثونا الجنه باءذن الله

هو الامر عادي ..

انا بعد عندي 2 بنت وولد .. بس انا من النوع الي احب اطلع اسير مراكز يمكن عشان جي ما حسيت ان ولدي ملان ..

واذا صارت على طووول اطلع ..

تعرفين انا يوم كنت فالاربعين كنت في بيت قوم امي وولدي يلعب ويا عيال اخوي الي ساكنين ويا امي بس انا كنت امل كنت اتعلث بان ولدي ملان واطلعه .... خخخخخخخخخخخ

حاولي تخلين اي احد يطلعها اذا انتي ما تقدرين خواتج اخوانج ريلج ...

ربي بيعين انشالله

وانا الحين بديت اطلع اروح بيوت خواتي وامي احس بتغيير شوي

انا عندي امي ما تقصر ... اوديلها البيبي الصغير

واطلع وافرغ عمري للكبير والعكس

السلام عليكم أختي

والله حنيت عليك ذكرتيني باللزي مضى على قولة اخواتنا المصريات.
انا بنتي الكبيره كان عمرها سنه وشهر لما ولدت أختها.
طبعا البدايه كانت أصصصصصعب شي بس زوجي كان مساعدني والحمد لله.

أنا أعتقد النقاط المهمه أربع اثنين لك واثنين لبنتك.
بالنسبه لك الأكل والنوم أهممممممم شي.
لانك الجوع مع قلة النوم يخليكي تحسي بتعب وارهاق زياده وهذا بيخليكي
عصبيه وأكثر عرضه للاكتئاب فحافظي عليهم. كثري من اللحوم البيضاء
والكربوهيدرات لانها تطلق الطاقه ببطء وكمان الشرب مويه وسوائل.
انا كمان كنت أشرب حليب قليل الدسم لانه يعطي طاقه واحس الفرق يوم ماأنسى.
مفروض كل ثلاث ساعات كذا تاكلي لك لقمتين.

النقطتين الثانيين لبنتك
اشركيها في تربية اخوها ودائما امدحيها لما تسوي شي زين. وأي زوار يجوك
خليهم ينشغلوا فيها أكثر. يعني احنا لحد الان أول مايدخل زوجي من الباب أول
واحده يهتم فيها الكبيره يبوسها ويحضنها ويكلمها لين تشبع وتنزل من نفسها
وبعدين أنا واختها. (هههه انقلبت الموازين)

بس أول كم أسبوع اهتمي ببنتك زياده. أنا كنت أقول لزوجي يشغل بنتي الكبيره
لما كنت أرضع الصغيره عشان ماتنتبه.
وعلى طول أقول لها تعالي نغير الحفاظه لاختك ولا تعالي نشوف أختك صحت من النوم
وامسك يدها او اخليها تسبقني ولما اطلع اختها من السرير اعطيها تمسكها
(وانا ماسكه معاها طبعا) وهي تفرح تحسبها لعبه:2_106:. وانتبهي تمنعيها تشيله
أو تبوسه بالعكس أحسه يقوي علاقتهم.
الحين الكبيره سنه و8 شهور والصغيره 6 شهور وشوفيها الان (قولوا ماشاء الله)
تحبها وتبوسها واذا بكت راحت لها تعطيها لعبه ولا تلعب معاها .

وكمان على طووووول امدحيها وبتشوفين اثرها بعدين. انا بنتي اي شي تسويه
ماافوته. اقول ماشاء الله شوفوا بنتي تبوس أختها واصفق وافرح واحضنها وابوسها
هههههه اللي يشوفني يقول كل هذا عشان بوسه؟ المهم كل شي كويس تسويه
اعمل منه حفله ماشاء الله بنتي تلعب مع اختها ولا تلعب من نفسها ولا رمت الشغله
هذي في الزباله هههههههههه على سيرة الزباله من كثر ما اصفق لها اشوفها
يوم تفتح شنطتي وتلاقي فيها اوراق وتكرفسها وتروح الزباله ترميها قعدت
اضحك بيني وبين نفسي واقول الحمد لله انها تذاكر باص انتهت. ههههههههه
والفت انتباه ابوها عشان هو كمان يشارك في الحفله هههههه.
واذا مو موجود اكلمه لما يرجع. لما كانت اصغر شويه كنت اشرحه له بيديني
عشان هي كمان تفهم اقول له يابابا بنتك راحت ودت اللعبه هذه (واطلع اللعبه)
واعتها لاختها في يدها كذا (واحط اللعبه في يد اختها) ويقوم هو يصفق ...الخ.

وانتببببببهي تخاصميها بسبب اخوها عشان ماتكرهه.
اذا ضربته ولا عضته-الله لايقدر- قطبي لها وجهك واشرحي لها بهدوء بس
بصرامه انه هذا غلط ولاتصيحي عليها اوتضربيها (كله الالالالالالالالا الضرب).
واعطيها من كل ساعه من وقتك 5 دقايق 10 دقايق وبوسيها واحضنيها
ودلعيها عشان ماتحس انك انشغلتي عنها والالعاب بتكون مهمه عشان
تشغلها. كل ماشفتيها ملت خذيها لصندوق العابها وسوي نفسك مهمتمه
واااو ايش ذي اللعبه الحلوه شوفي شوفي (وبعدين لعبيها بها شويه)
وبعدين شيلي واحده ثانيه وقولي هذه اللعبه وين كانت من زمان؟
وبعدين هي بنفسها بتتشوق وتنشغل فيه. انا بنتي الا اعزمها عزومه
على لعبها حتى تنتبه انهم موجودين :poster_av1:

وبعدين معوده بنتي من قبل مااولد اني اقرا لها قصص وكتب مصوره
وتحبهم وتخفف علي الضغط شوي لانه مايحتاج مجهود بس تقعدي
معاها بالكتاب حتى لو انتي ترضعي مثلا ممكن تقعد هي جنبك تتصفح
الكتاب وانتي تقولي لها هذا فيل صوته كذا ...الخ

نسيت نقطتين. حاولي تنامي مع ابنك لما تنام بنتك في الظهر. انا لحد
الان كل كم يوم لما يتراكم علي قلة النوم انام بالظهر مع البنات.
وكمان حاولي انك ماتظهري اي مشاعر حب تجاه ابنك وبنتك موجوده
اول كم شهر لحد ماتتعود على اخوها. اي بوسات حضنات اهتمام خليه
لحد ماتنام بنتك.


ودااايما خليهم تحت مراقبتك بدون ماتحسسي بنتك عشان تتدخلي اول
مايصير شي. هو تعب في البدايه بس بعدين بتتعودي شوي شوي ولما يكبروا
بيكونوا يلعبو مع بعض وترتاحي انت.
ضحكتيني humsat.77 الله يضحك سنك. والله حتى بنتي احيانا تاخذ المشط
وتقول بامشط لاختي وانا اقول لها اختك لس صغيره على الكلام هذا وهي طبعا
مي قادره تستوعب ليش.:dontknow:
ولا اشوف الصغيره تمص حاجه في يدها افتح يدها والقى اختها عطتها بسكوت
هههههه والصغيره طبعا ماتصدق وتمسك ولاتفك ولما اشيله منها تنفجر بكاء.

الله المستعان. ان شاء الله افدتك اختي بدون ماكون ثقلت عليكي والله يسهل
عليك.

اختك

الوضع معاهم جدا جدا صعب والله
انا مثلك مع ان ولدي الكبير الان عمره 3سنوات والثاني 9شهور لكن حسها صعبه
لكن اللي يهون علي ان امي تاخذ ولدي الكبير ويجلس عندها ويلعب مع اخواني
واحيانا اخليه يلعب مع اخوه صار يحبه ويموت فيه وينشغل معاه