لكل أخت تتقي الله في أخواتها

[FRAME="13 70"]السلام عليكم ورحمة الله وبركاته
أخواتي العزيزات أنا هحكيلكم موضوعي باختصار
أنا عمري 27 سنة متزوجة والحمد لله حامل في الشهر الثالث طبعا قبل الزواج كنت محجبة برضه بس يعني ما كنت اراعي ملابسي بدرجة كافيه وكنت اعمل حواجبي واحط مكياج خفيف جدا صحيح بس برضه مكياج
المهم ربنا رزقني بزوج ما يحب التبرج ولا اللبس الضيق او القصير على بنطلونات او اي حاجه ملفته
وبعد شوي قالي انه حرام تشيلي ولو شعرة واحدة من حواجبك فما كان مني الا الطاعة مع انه ما امرني بس انا لقيتها حجة امام اصدقائي ومعارفي انه جوزي عايز كده...المهم يا بنات انا دلوقتي ما قربتش ناحية حاوجبي خالص مع ان شكلي بقى عامل زي الرجالة لان حواجبي تقيله وعندي عبسه (الشعر بين الحاجبين) لكن مش ده المهم المهم اني عايزه اعرف ازاي اكون زوجه صالحة في شكلي من غير ما انفر زوجي مني او اخليه يبص على غيري خصوصا اني بشتغل في شركته واللي شغال فيها بنات برضه يعني ممكن في يوم والله اعلم يقارن ما بينا..مشكلتي بس في لبسي وشكلي انا الحمد لله جمالي اعلى من المتوسط (ده طبيعي والله) وهنا في مصر صعب تلاقي ملابس شيك وفي نفس الوقت محتشمة وسعرها معقول فهي اما مش مناسبة او محتشمة بس قبيحة...ارجوكم افيدوني اعمل ايه؟؟؟اكبر مشكلة بتواجهني هي الاغراءات لاني ارجع البس ملابس صحيح مش فاضحة لكنها من الأزياء الملفتة بلونها او تصميمها وكمان انا مش عارفه المفروض اعمل ايه في مظهري عشانما اكنش مخالفة لما يرضي الله؟؟؟ارجوكم الموضوع مهم حتى لو بدى لحد انه تافه...[/FRAME]