من احسن مصوّره او ستوديو تصوير؟

هلا اختي غاليه ...توني شايفه البوم عرس عمتي مصوره في ستوديو ستار لايت الصراحه تصويرهم رهيب ماتصدقين انه في الدوحه خذت حق العرس مصورتين واستوديوهم في شارع السد وقطريه المسؤوله الصراحه تصويرهم رهيب وسعرهم مناسب بالنسبه للصور الصراحه رخيص

هاي نماذج تصويرهم

مشكوره اختي دانه
عندج رقمهم ... واي مكان في السد

ان شاء الله بسأل عنه بكره

والصور حلوووه بس انا ابي في الفندق

وشلون جوده التصوير؟؟؟

تسلمين على الرد

تحياتي

غاليه

ايه اهيا كان عرسها في الرتز كارلتون جوده عاليه الصورتجنن خذت البوم وعطوها الصور على سي دي وديفيدي يصير نشوفهم على التلفزيون وقبل العرس تفاهميين معاهم شتبين بالظبط بس عمتي سوت البومين واحد صورها اهيا ويا المعازيم والاهل والثاني اهي ويا ريلها بس ومكانهم ورا الرويال بلازا بس ماعندي رقمهم تقدرين تطلعينه من الاستعلامات ....تدرين عمتي عروس مابي ازعجها لوووووووووووول

هلا غالية
عندج أحلام وذكريات يمدحونه وايد
اعتقد انه في السد
تقدرين تاخذين رقمهم من 180

مريم الفلبينيه

اي عندج احلام وذكريات بعد بس الكريه فيه انه الصوره كلها تحسينها ضبابيه يعني كله ضباب موب واضحه وشكله قديم شوي يعني موب ستايل

danah-qatar

وردة الدوحة

زينة قطر

تسلمون فديتكم ماتقصرون ان شاء الله بشوف اي استوديو من اللي ذكرتوهم
بس عسى مايكونون محجوزيين



تحياتي

غاليه

انا حجزت عند ستار لايت
بس خواتي خرعوني
قالو يمكن يسربون او يحتفطون بالصور لاننها ديجيتال؟؟؟

اختي
danah-qatar
مادري اذا مضمون محلهم؟؟؟ ايش رايج؟؟

اختي لو انتي من البحرين دليناج على احلى استديو واحلى مصورة عندنا
الله ايبارك لكم وان شاء اااه تحصلون احلى مستوى لان هذه الصور عادية ولا شي بالنسبة لتصوير مصوراتنا

مضمون 100%100 وقلت لج عمتي مصوره عرسها من عندهم ومو معقوله يسربونهم بعدين كل الاستوديوهات الحين يصورون ديجتال مثل غايه الاحلام وستوديو ذكريات وماسمعنا عنهم يسربون وبعدين شغلهم راقي يكله مصورين اعراس عائلات قطريه وهاذي شغلتهم لا ماظن يقطعون باب رزقهم ومكسبهم .. وماسمعنا عن هالسوالف في الدوحه

مارديتي علينا ياغاليه :( صورتي عندهم ولا لا ؟؟ وشرايج

كل المصورين زينين...بس انصحكم تصورون ب استديو فوتوكينا عند محطة بترول التضامن. تصويرهم مثل تصوير الفنانات.... هو فرع من استديو فوتوكينا أكبر استديو في الكويت....
أنا اصور عندهم قبل كل حفلة اروحها... ماشاالله كل موظفينه بنات عشان الأمان...وروني ستديو الاطفال حقهم روعة كله العاب ... وعندو مكياج وفساتين وتصوير أفراح فوتو وفيديو بعد...رقمهم أعتقد 4666142 بس احسن تتأكدون من 180

نصيحه اخذي من قولدن فوكس رووووووووووووعه تصويرهم في وحده اسمها ريحانه تصويرها روعه وتعاملها حلو وبعدين شغلهم نفس احلام وذكريات وغاية الاحلام بس سعرهم ارخص بوااااااااااااايد انا مسويه عندهم البوم خطوبتي وانشالله البوم عرسي بعد

اذا تبين رقمهم انا حاظره

انا مرت اخوي مصورة عند غاية الاحلام تصويييييرهم روووووعة..
وعندج احلام وذكريات ومركز ناجي للتصوير ربعي كلة يتعاملون معاة يقولون انة المركز وايد حلووو بس للامانة انا ماشفت الصور ولا اعرف شلون تصويرة بس وايد يمدحونة لي
وسامحيني على القصور