تجربتي مع الليــــــــــــزر (( للوجه ))
قمر خيالي
27-07-2007
36 رد
59,838 مشاهدة
.
.
.
السلام عليكم ..
.
.
شخباركم يا عروسات :9_28:
.
.
انا نزلت هالموضوع .. عشان ابي احل عنده نفس مشكلتي وقدر يحلها ..
.
.
الا وهي انا اعاني من وجود الشعر في الوجه بصراحه و جربت الليزر لان انصحوني فيه ..
.
.
لكن للاسف كان الشعر الي في وجهي خفيف وفي مناطق معينه .. لكن سويت الليزر حق وجهي كله في الكويت
.
.
يمكن سويت 7 مرات لوجهي .. بس زاد ما احسه نقص ما غير كل شهر اروح ويشيلون لي الشعر بالموس ويحطون الليزر
:sad:
.
.
وصار الشعر خشن شوي وطلع لي الشعر في اماكن ثانيه في الوجه .. وصارت الحاله صعبه ما ابي اتركه لان ما ابي احف
.
.
وجهي ويصير مترهل و تطلع لي حبوب .. وبعدها رحت امريكا وكملت هناك .. والعلاج في امريكا طلع اغلى من الكويت
.
.
يمكن 3 اضعاف قلت معليش يمكن هنا احسن .. والحين صار لي مسويه 4 مرات في امريكا بس الحاله ما تغيرت
.
.
ووجهي ملمسه صار خشن .. :cry:
.
.
يليت احد يساعدني عنده خلفيه عن الليزر حق الوجه ...
او عنده طريقه تخفف الشعر وتزيله نهائيا غير عن الليزر ..
.
والي تساعدني يجزيها ربي الف خير :qaq:
حبيبتي اساسا اذا كان شعر الوجه خفيف غلط تشيلينه بالليزر
على كذا بتتعقد الأمور الليزر فقط للشعر الخشن السميك
وهذا كلام اخصائي ليزر والله يعينك يساعدك
شذي اشكرك على ردك
ادري ما تحسفت الا يوم صار خشن الحين وعايشه عالليزر ليت يقولي حل :(
بس الحين صار خشن المفروض انه يروح بسرعه بس ما ادري ليه يزيد :(
همممم .. انا اعرف وحده نفس حالتج .. لاكن في وحده نصحتها بعد الليزر تدهن ويها يوميا بمنقوع الترمس تقولي واااااااايد خف وطلع خفييييف حتى عطتها الدكتوره موعد للشهر اللي بعده ويوم راحت كان وجها بعده مانما الشعر وما احتاجت الا لجلستين .. جربي حبيبتي وان شاءالله ينفع معاج
ومنقوع الترمس انك تاخذين كيه من الترمس وتخلينه يغلي ع النار ليمن يصير لونه اصفر وتنتظريه يبرد وبعدها تدهنين ويهج فيه كل يوم اذا قدرتي .. حتى للجسم بعد ماتشيلينه ينفع بعد
اتمنى اكون افدتج اختي
3laa zayed
مشكوووره حبيبتي عالطريقه
انشالله اجربها وتجيب نتيجه
:)
انا صراحه اشل بلييزر وايد نافعني
لان شعري كان خشن شوي بس من بعد الجلس استوي مايطلع وايد بس امبين شهرين يطلع شوي بس يكون ناعم
بس انتي يمكن ماكان فيج شعر وايد وشعرج كان ناعم عشان جيه
بس اذا كانت دكتوره اوكي صدقيني بتكون وياج اوكيه علي حسب دكتوره
منو احسن حد يسوي ليزر في الامارات ( يستحسن دبي )؟؟
السلام عليكم حبيت أشارك في هالموضوع بعد تجربة من قبل ربيعاتي إللي عملو ليزر في مركز الأمير الطبي بأبوظبي (الأخصائية رانيا) بصراحة النتائج كثير رهيبة وحلوة وما يحتاج الأمر عندها لجلسات كثيرة لأنهم الجماعة مش ماديين.وتاخذين وقت لين تحصلين عندها موعد.
هلا عزيزتي ..
الشعر الناعم له نوع محدد من الليرز .. وهو اللي يكون بالبروده
اما الليزر الحار ماينفع مع الشعر الناعم ..
هلا إختي
الليزر ماينفع الا على اللي شعرهم غليظ وخشن عشان تموت الشعرة ... أنا مجربة الغالية وألحينه الفرق واضح والحمدلله ما يظهرلي شعر مولية... وشي ناس ماينفع معاهم الليزر لأن شغرتهم خفيفه وعشان جي يستخدمون السبوت لايت وهذا بعد جربته ومفعوله وايد حلو ... أنا جربته على جسمي وسعر جسمي غدا أشقر يعني لا حلاوه ولا تشقير ...
وإن شاء الله اكون افدتج
ش
شيماء الامارات
عروس مبدعة
07-08-2007 | 02:48 PM
انا ربيعتي مسويه ليزر في كوسموسيرج وفي مستشفى الامارات الدولي والحين تقول ويهها ما فيه شعر
حبيبتى طالما شعر الوج خفيف ليش تشيلينو حق الليز كنتى سيتية بس كنتى سويتيلو تشقير بس حق ال انتى قيلتى مانى اقدر افيدج بشى ربى معك
الله المستعان ،،
أختي انا اسوي ليزر ونفس مشكلتج في اماكن ماكان فيني ولما سويت الليزر طلع لي:(
بس انا كانت عندي مشكله بالهرمونات
يعني العلاج يبدأ من الداخل وعلى حسب طبيعة الجسم فأنا تعبت من هالهرمونات اللي مب راضية تتعدل معناته راح اتم
على طول اسوي ليزر لين الله يكتب لنا ونفتك ،،انتي شوفي الهرمونات عندج متوازنه او لا
والله يعين الجميع وعلى بلوة الشعر ذي والحمدلله على كل حال:21_207:
*
*!* دانـة الدنـيا *!*
عروس جديدة
09-08-2007 | 10:29 PM
مرحبا اختي ..
انا عندي صديقه نفس حالتج .. راحت سوت ليزر لـ وجهها وظهرها ..
وبعد ماسووت شافت انه مافي فايده .. الدكتوره قالت لازم تسوين فحص لـ الهرمونات ..
ويوم سوت .. طلع انه فيها خلل في الهرمونات ..
والدكتوره عطتها العلاج .. وهي تتعالج الحين من الهرمونات ..
والله يكون في عونها وعونج ..
فـ انصحج تتعالجين من الهرمونات اولا .. وانشالله تنحل مشكلة الشعر الزايد ..
مرحبا بنااااااااات
موضوع الليزر يعتمد على الدكتور او الشخص المعالج و على نوعيه الشعر
ربيعتي كانت مسويه عند وحده مب متمكنه من التقنيه و حرقت ويهها
و بعدين سارت عند معالج ثاني و كانت النتيجه احسن
وربيعتي الثانية ما فاد الليزر معاها
ف أحس ان الليزر ما ينفع لكل الحالات
انا قبل ما تزوج زرت طبيبة جلدية وسألتها اذا ممكن اشيل وجهي بالليزر.. وشعر وجهي خفيف مرة يعني وبر.. بس تعرفين لقافتنا حنا البنات,,,
قالت لي لا.. وانسي تشيلين شعر من وجهك او من اي منطقة في جسمك اذا كانت خفيفة لأنها تجيب نتيجه عكسية
يزيد الشعر ويكثف بدل ما يخف
اللي ينفع معاهم اللي عندهم مشاكل بالهرمونات .. تلاقين في بنات مساكين.. يطلع لهم شنب ولحية مثل الرجل هذي تنفع معاها الليزر كثير.. وبعد جلسة او جلستين راح تحس بالفرق على طووول
له يعينك
الحل بالنسبة لك.. ما ادري.. انا افضل انك تتوقفين حاليا عن هالجلسات.. وتحملي شوي وشيلي بالخيط او بالشمع مؤقتا وبعدين روحي لطبيبة جلدية ثقة مية المية وسامعه عنها ةاعرضي عليها المشلكة المهم انك تريحين بشرتك شوي
وال
ع
عيون القلب سهرانه
عروس مشاركة
20-08-2007 | 12:44 AM
طبعا الله يعينا احنا البنات الي بنعاني من مشكله الشعر الزايد وخاصه في الوجه..انا حتكلم عن تجربتي...انا عندي الغده الدرقيه وسببتلي شعر زياده في كل جسمي وطلع شويه شعر في وجهي..فمن غبائي شفت صديقتي شالت وجها بالحلاوه وصار يلق لق...قولت عليييييييهم وعملت زيها...ومن يومها وجهي ما شاف الخير لانه مع الحلاوه اتفتحت واتنشطت مسامات وصار الشعر اكتر وبالزات في دقني حتى اني وصلت لمرحله انه كل يوم اشيله يا اما بماكينه براون او بالملقط..بعدين قررت اعمل ليزر...وعملت تقريبا 15 جلسه لانه بصراحه دقني كان كتير كتير بس خلال الفتره ما بين الجلسه والجلسه كنت اشيل بالبراون لاني خفت اعمل حلاقه احسن يزيد وطبعا كل جلسه احس بتحسن رهيب....فلما شفت كده طلبت من الدكتور كمان يعمل وجهي لانه في شويه شعر خفيف فاتح اللون بس شو تقولون هبله الله وكيلك....المهم توقف نمو الشعر تقريبا سنه كامله من بعد اخر جلسه بس من فتره 5 شهور لاحظت الشعر رجع تاني وحتى الي كان على الخدود خفيف صار اسمك....ورجعت متل اول لانه مره على مره بس تشيليه بترجع الشعره تطلع اسمك من الاول...ما بعرف الواحد شو يعمل بس الحمدلله احنا احسن بكتير من ستات الله يعينهم وجوهم متل الشباب.الله يعافينا ويعافيهم ويعفوا عنا وعنهم...وتحياتي للجميع وعذرا على الاطاله
السلام عليكم
شلونج اختي ؟
انا عن نفسي حاسه بمعاناتج مع شعر الويه لاني كنت ولازلت اعاني منها..
انا بديت العلاج من 3 سنوات تقريباً والدكتوره اللي بدت لي العلاج قالت لي اليزر مو حل نهائي لانه مو سحر لكن بيخفف نمو الشعر عندج وراح يخف مره عن مره و فعلاً خف وايد بس ما اختفى و لين اليوم اسوي جلسات تقريباً مسويه فوق العشرين جلسه بس صار الشعر يطلع كل ثلاث شهور و يخف مره عن مره ..
و يختلف هالشي على حسب نوع البشره والهرمونات من بنت للثانيه..