ارجو المساعدة،، المراهق و الافلام ال .......؟؟

الصراحه اول شي مااخذ الموقف بعصبيه لان ان عصبت عليه راح يعيد الالمشاهده
انا اقول تمسكه وتكلمه بهدوء وتقوله ان الي قاعد يسويه غلط وحرام ومايجوز
واذا شافت الكلام ماينفع معاه تقول لامها او اي احد يقدر يفهم الموقف وينصحونه
وان شاءالله ماراح يرد حق هالافلام
تحياتي ladya*-*wardya

اعتقد اختي انوا في برنامج لحجب مثل هده المصائب و ما يقدر يدخلها ... كمان ليش ما تسجلين على الكمبيوتر فلاشات تكون عبارة عن رقائق و مواعظ تدور على هدا الموضوع و حرمتوا وما يعرف مين الي حاطوا حتى يحس انوا في حد كاشفوا و ما يتجرا يدخل ثاني و كمان الكلام معوا رح يفيدوا عامة في حياتوا لانوا بسن حرجة لازم من حوار ... وعليكي بالدعاء لوا بالهداية

أولا / أنصحه بعقلانية
ثانيا / إذا ما استجاب أقوله بخبر عليك الأم أو الأب
ثالثا/ إذا ما استجاب أنفذ وأخبر الوالدين

المراهقين لو مالقوا هاللقطات بالبيت بيدورون عنها في مقاهي النت ، فأهم شيء تقنعون بمضارها وضرورة تركها ، لكي لايعود لمشاهدتها في أي مكان
وذكروه دوما بمراقبة الله عز وجل
ما يلفظ من قول إلا لديه رقيب عتيد

عزيزتي هاي مسؤلية الاهل بدون كلام

لا حول ولا قوة الا بالله

ربنا يحفظ شبابنا ويعفهم عن الحرام

ربنا يهديهة هو واللى زية ويغفرلهم ويبعد عنهم الشيطان

والله الصراحة اختي موضوعج على الجرح
انه صادني هالموقف مع اختي عمرها12 سنة
صج صج انصدمت يوم شفتها تدخل هالمواقع ولا الادهى والامر انها تكلم شباب في هالمواضيع صج انصعقت يوم شفت وقريت كل شي بعيني...وترى الجهاز محطوط بغرفة بس ماتنقفل والشاشة مواجهة للباب يعني اللي يطوف يشوف كل شي في الشاشة... شلون وصلتها الجراة مادري شلون..ولاتقولون مافي رقابة امي على طول وياها ودايما تسالها عن كل شي يعني في حدود المعقول لكن بعد في غلفة صار كل شي ...
المشكلة اني ماكنت مصدقة لانها بنت خلوقة بشهادة الكل حافظة قران متفوقة... بس مادري شاللي صار لها وانقلبت جذي ... والقهر ان عقليتها ليحين طفلة ياهل... الصراح اللي سويته في البداية طبعا كنت ارتجف من الخوف والتوتر... ناديتها وكلمتها وعطيتها كلمات تأنب الضمير وقلت لها انتي حافظة قران لاتنسين هالشي والكل رافعه راسه بج ومفتخر فيج وفي النهاية تسوين هالسوالف وقعدت اكلمها.. والله لو تشوفونها وتشوفون ويها يااااااااااهل وحتى من الخوف ماكانت تقول شي غير لاتقولين حق امي ارجوج لاتقولين لها عاد .. ومن الغباء تقولي صديقتي عطني قالت لي منتدى حلوو في مواضيع حق المدرسة..
المهم انه قلت لها ماراح اقولها وبنشوف لي وين بنوصل وياج...
وبعد رجعت كررتها وهالمرة انه صدتها بالجرم المشهود سكرت الجهاز على طول وسحبت النت منه وقلت لها حلمي انج ترجعين له مرة ثانية... وبعدها صارت ماتقرب صوب الجهاز ابددددددددددد... وكل تشوفني واهي خايفة اني اقول حق امي وويها مصفوق من الخوف... بس في فترة احتاجت حق النت عشان بحوث ومادري شنو شغلته لها... وصارت تدخل متقطع يعني يمكن مرة بالشهر واقل... وانه كل من بين فترة وفترة اروح اشيك المواقع اللي دخلتها والمحادثات وكل شي ... واللي يضحكني في الموضوع ان ثقافتها للكمبيوتر بسيطة جداااااا يعني ماتمسح المواقع ولا شي ... عشان تعرفون انها ليحين ياهل..
وبس الحمدالله الحين كل شي سليم..
بس افكر لو كررتها مرة ثانية خلاص بسلم الموضوع للسلطات العليا (الوالدة والوالد) واهم يتصرفون
الحمدالله على كل حال
الله يحفظ عيالنا واخوانا وخواتنا من هالبلاوي
وسلامتكم

عزيزتي

موضوع الولدواسلوب التعامل معه يختلف تماما عن البنت واسلوب التعامل معها

أسلوب الشده معه مارح يجيب نتيجه وقد يؤدي لزيادة الامر سوء
ربما يترك لها المنزل ووالجهاز ويذهب لمشاهدتها عند اصحابه ..

بدايتا .. إذا كان بإمكانها إستخدام الكمبيوتر ... الأفضل ان تقوم بتحميل برنامج المراقبه على جهازه دون علمه
هذا البرنامج يقوم بتسجيل حركة الماوس والمواقع ...
2 - تحاول لفت نظره لهواياته ... إن كان يحب ممارسة الرياضه ... فلتلعب معه وتبدأ هي بمناداته ..
3 - الشاب في هذا العمر يحب ان يكون محط إحترام ويحب ان يثبت ذاته ... لذلك الأفضل ان تشعره برجولته غذا أحسن صنعا في المنزل لوالديه او غيرهم .
4 - تحاول التقرب منه بأن تحكس له بعض من مشاكلها ولو كانت سطحيه او تطرح عليه مشكله لو من نسج خيالها عن موضوع مقارب للمشكله التي تواجهها هي معه وتطلب منه الحل .
5 - تقترح عليه حفظ المصحف .. تدفعه للأعمال الخيريه في رمضان .
6- تقوم بتشغيل فلاشات دينيه وتستدعيه لمشاهدتها والأفضل ان تقوم بفتح الموقع وتطلب منه ان يقوم بتحميل الفلاشات التي يراها جيده على الجهاز بحكم انها تحتاجها لمسابقه او منافسه بينها وبين صديقتها من يجمع أكثر ؟ .... حتى تشغله بما هو اهم وقد يوقظه من غفلته
7- إذا كان والدها متفهم أو احد أخوانها الأولاد الأكبر منه .. بإمكانها ان تخبره ليراقبه خارج المنزل ويكون عونا لها في هذا الموضوع بحكم انه شاب ايضا وقد يكون تصرفه تجاه اخيه اليق واقرب .

في النهاااااااااااااااااايه إذا عجزت عن جميع الأمور السابقه تقوم بحذف برنامج التصفح أو إخفائه في مكان قد يصعب عليه إيجاه لكي لايستطيع الدخول على النت. وبدون علمه ايضا كي لا يحول المسأله لعناد .

دمتي بخير

لا تحرجه وتقوله شي

خلاص هي اكتشفت عليها بالعلاج

واللي هو


توقيف خدمة الإنترنت،، او اذا تقدر تشل الجهاز بكبره من البيت

ولو هي محتاجته،، تحطه في غرفه ،، وتقول لحد يستعمل الجهاز ـ،، وتسكر عليه لوقت الحاجه

ولو هالأخ يحتاجه في التعليم

فتجيه بالحيله وتقوله انها دوم تشيك وراه يمكن ينزل فايرس بالغلط

وبهالطريقه هو من نفسه بيستحي وما بيبطل شي


والأفضل من هذا كله ،، تقطع خدمة الإنترنت الإباحيه

ما ادري اذا هذا عندكم ممثل ما هو عندنا في بلادي قطر

الله اعلم

ألف شكر خوااااااااااااتي على المسااااعدة

و اذا حد عنده اي حلول اخرى

أنا كلي اذاااان صااغية

لي رجعه على الموضووع

بس لاني طااالعه ولم ارجع برد على الاخواااات ^_^

ألف شكر وجزاااكم الله ألف خير

لا حول ولا قوة الا بالله


الله يحفظ شبابنا عن الحرام