سالفة طالبة

عادي! 25-07-2007 45 رد 4,120 مشاهدة
ع
يا مو عاديات !!
أحب أذكر لكم في موضوعي هذا قصة مرتبطة بإحدى طالباتي (سالفة طالبة )لم أضعها في الركن الأدبي لأن مايو ضع هناك لابد من كتابته بالفصحى وأنا قد أضطر للعامية
ولم أضعه في قضايا وحلول لأنها قضية وانتهت ولكن أود منكم التفاعل وأترك لكم التعليقات
جتني إحدى البنات تبي تفضفض لي ما أدري وش لاقية فيني (عادية أنا)
وتقول لي قصة وحدة من أخواتها 00 السالفة :أختها موعودة لولد عمها منذ الصغر وتعرفون بحكم مايتردد هذا الموضوع صدقت ذلك وعاشت تفكر في فارس أحلامها ابن عمها 000
مرت السنوات وكبرت وكبر وتعلقت أكثر فيه (بحكم كل ما شافوها قالوا تعالي يا زوجة فلان )00
المهم فيوم من الأيام وصل خبر خطبة ولد العم لبنت مايعرفونها !
تقول لي طالبتي العزيزة:تغير وجهها (لأنها مصدقة الوعد ) ياما تكشخت إذا راحت لأعمامي وياما إذا ذكروا اسمه فز قلبها وحمرت خدودها
وتكمل حديثها :تقول راحت لغرفتها ولحقتها وترددت في اللي أبقوله لها لأني أصغر منها 00 المهم في النهاية قلت لها :لا يهمك وتلقين أحسن منه
طالعتني بنظرة كلها غضب وقالت :ومن قال اني مهتمة كل يأخذ نصيبه
استغربت قوتها وقلت في نفسي أكيد أنها تمثل علي لأني ياما شفت حرفه محفور على أدراج ملابسها وياما كتبت فيه أجمل الخواطر وأجمل القوافي ولا أنسى يوم جيت (آخذ رواية من روايات عبير)من مكتبها دون علمها لأنها ماتسمح لي أقرأتلك الروايات وتقول( ماتنفع لك )توك صغيرة عليها 00 المهم أخذتها ولقيت في الداخل صورته !!
ومكتوب وراها أبيات لطلال السعيد :
ليمته وأنا انتظر ياعيون جدي ليمته والدمع يجري فوق خدي 0000000
المهم صرت أتذكر الأشياء هاذي وأتعجب من قوتها وأقول معقولة كانت ما تحبه
معقولة كان عادي عندها ؟!
وبعد ماصار اللي صار بعدين عرفت أنها كانت تبحث عن من يخفف صدمتها 000
وش صار أقول لكم
كنا نروح للمشغل نجهز لعرس ولد عمي وكانت أختي (اللي عرفت أنها مصدومة بعدين)000 تحاول تخيط أحلى فستان
يالله رست على فستان واختارت يكون لونه أسود!
المهم رحنا للبيت ورن التلفون :ترررن تررررررن
وركضت أختي وشالت السماعة (على فكرة الأحداث قبل ما يطلع الجوال وكان في ذاك الزمان بياجر )
نكمل :
شالت السماعة وقالت :الو (وعلى فكرة صوتها حلو خاثر جدا )
0000000000000 فاصل إعلاني وان شاء الله أرجع أكملها لأنه لازم من إكمالها علشان يستفيد الجميع
مع تحياتي
ا
اختي العزيزه انا قريت القصه ومنتضره الباقي علشان ارد عليج
بس حبيت ان اكولج اني متابعه وياج
تحياتي لكي
غ
الغاليه .. عادي !

كملللللي بليززززز.. والله احسك تتكلمين عن وحده اعرفها زين .. نفس البدايه .. لا وبعد مابقى ريجيم ماسوته .. مابقى خلطه ماجربتها .. واحلى فستان عند اكبر المصممين .. كل هذا والمفترض انها هي مكان العروس ...

كملي يالغاليه ولاتطولين علينا .. والله اني احس ذا السالفه قررريبه مني حيل
ب
بانتظار البقية
:9_33:
m
كملي اختي نبغى نشوف باقي القصه
@
اختي كملي بجد تحمست للموضوع
ع
شكرا لكم أخواتي على المتابعة
حطوا في روسكم إني أمل بسرعة من الكتابة فلا تؤاخذوني إن سردت لكم القصة بالتقطيع
ع
الله يسامحج انزين كتبيها مره وحده ونزليها عشان نقراها بالتقطيع بليييييييييييييييييييز
@
بتنزلينها اليوم ولا مو منزلتها
ظ
ياويلي منج بذبحج تعالي كملي القصه عاد انا موتي حد يقطع عليه خخخخخخخخخخخ بتين ولا اييج انا احسن .......
ع
نكمل الآن :شالت السماعة وقالت الو
وجاها صوت شاب وش حلاة صوته وقال لها منزل فلان ؟
قالت غلطان 00 وسكرت السماعة 00 إلا ويتصل مر ة ثانية وقال :أكيد غلطان ؟
قالت :أكيد
المهم علق الرجال بالاتصال وقالت أمها من اللي يتصل؟
قالت واحد أقوله غلطان ومع ذلك ما فهم
ورن التلفون
وركضت أختي ترد وقالت أمي أنا اللي أبرد وعطت أختي السماعة أمي ومن يوم سمع الصوت سكر بسرعة وجلست أمي تقول دعاويها عليه
(على فكرة زمن حدوث القصة كان ما فيه كاشف أرقام )
المهم حل الليل (والليل أبو الأسرار)
رن التلفون (وتقول طالبتي )كان في غرفة نومنا أنا وأختي تلفون )رن وشالت السماعة وكان صوت ذاك المزعج
وقالت له أختي:وش عندك قلنا لك غلطان ؟!
قال أحلى غلطة خلتني أسمع الصوت الحلو اللي عمري ما سمعت مثيل له
تلبكت أختي وسكرتها وقالت لي وهي تضحك شوفي وش يقول أحلى غلطة !
جلسنا سهرانات (كنا في إجازة )وهذا ما خلانا في حالنا وقالت لي ردي أنت
رديت وسكر السماعة 00 التفت لأختي وقلت سكر السماعة 00 إلا كان أشوف إبتسامة على شفايفها وقالت هذا دليل أن صوتي أحلى !
رن وشالت أختي السماعة وقال لا تسكرين السماعة أنت محتاجة لي أحس في صوتك نبرة حزن
(دق على الوتر الحساس 00 وهذا اللي يسوونه الذئاب)المهم قالت له قل اللي عندك
قال ابي أتعرف ولا تقولين شي أنا أتكلم وأنت اسمعي
وابتصل كل مغرب ارفعي السماعة 000 وبعدين سكر الخسيس
وضح على وجه أختي أنه دخل في قلبها وصار عندها فضول تبي تعرف وش يبي يوصل له
000 اليوم الثاني :المغرب رن على حسب الموعد وطارت أختي للتلفون وكان اهو
وقال لها أنا شاريك بدليل إني اكلمك من( قطر )رحت لها اليوم وما نسيت الوعد وأنا عند وعدي
وصار يعطيها من هالكلام اللي يقوله أي ذئب
أختي راحت فيها وطاحت في غرامه من أول تعارف(وهذا يدل على أنها كانت تبي من يشيلها من عذابها بزواج ولد عمها)
المهم قالت له أثبت لي أنك في قطر
أعطاها رقم التلفون وقال اتصلي وأرد عليك
وبالفعل اتصلت وكا نمثل ما قال وأخبرها أنه يبي يرجع بعد يومين
وأخذ منها وعد المغرب وهي اللي تتصل عليه
وبالفعل اتصلت واستمعت لكلامه المعسول اللي طيحها في حفرة ما قامت منها000
مرت الأيام وهي تكلم وهو يكلمها
حتى حان موعد عرس ولد العم وكانت في أعلى درجات الفرح ولا تبي تروح للكوافيرة علشان ماتنقطع عن صوت العشيق
ورصار العرس وكانت في الحفل في غم مو من ولد العم (من تلهفها تسمع صوت الحبيب )
ومن يوم رجعنا إلا اتصلت عليه وقالت له الأخبار
وقال فلانة خليني أشوفك الحين 00 تفاجأت وقالت هاه ما أدري
قال بما أنكم توكم راجعين أكيد الأهل تعبانين وراح يكونون نايمين وش رايك ؟ هاه أزعل وما تلقيني بعدين
سكتت ووافقت (على فكرة البنت عمرها (17))
المهم راحت تفتح الباب لما دق (عليها بيجر) وشافته ومن شافها00000000000
أبكمل بعدين لأن القصة طويلة بعض الشيء وأنا مشغولة الحين000
m
خخخخخخخخخخخخخخخخخخخخخخخخخخخخخ

الله يوفقج وننتظر جديدك يالغلا
ع
دخل البيت وشافها ومد يده للسلام
اهي ارتبكت وقالت يالله يالله اطلع اسمع صوت شباك ينفتح طلع بسرعة والبنت ما تعودت على هالسوالف كان قلبها يدق بقوة وكان العرق يصب بسرعة ودخلت غرفتها إلا ورن التلفون وقال لها ما يصير ما خليتني أشوفك
قالت يكفي نظرة
قال ما يكفي لازم مرة ثانية عشان تتمتع عيوني فيك
(البنية مثلها مثل أي بنت صدقت الذئب وتطورت العلاقة لما هو أكثر من مكالمات خروج ومواعدات وهدايا رايحة لة )
وهو يمنيها بالزواج واستمرت علاقتها ثلاث سنوات وفي هاذي السنوات صار يكلمها بالتقطيع
ولما تسأله يقول كنت في شغل مع أبوي وما قدرت أعطيك خبر 00 (وعلى فكرة صار يطلب منها فلوس متعلل بضيق ذات اليد وهي تأخذ من أمها وأمها ماتدري وش السالفة)
المهم جاء يوم تتصل ولا تلقاه لا على البيت ولا على الجوال (اشترت جوال في بداية انتشار الجوالات في السنتين الأخيرتين )المهم مرت ست شهور ولا حس ولا خبر
في هالستة الأشهر أصبح النحول سمتها والهم يغطي وجهها واستمرت في الاتصال على الجوال حتى رد عليها 0000
راح أكمل بعدين (أعذروني ما عندي خادمة (سافرت ) والشغل فوق رأسي
@
ياربيه عليك انا اجي اشتغل بدالك بس كملي السالفه
ع
ماتهونين علي يا بنت الديرة الغالية على قلبي ديرتي الرياض حبيتك من اسمك !!!
أبكمل إذا لقيت وقت لأن هدفي من عرض القصة هو اني أقول كم فيه بنت تحتاج لحنان وكم بنت تغلط ولا تعرف وشلون وكم بنت تحب تاخذ أختها الأكبر قدوة وتروح في خبر كان!!!
!
عااااااااااااااااااااااااااااادي

بليززززز كملي


ويسلموو
د
بانتظاااااااااار القصة وتكملتها

الله يحفظ البنات يا رب .. ويهدينا ويسهل امورنا يااااااااا رب
ع
أشكر كل من علق وأشكر كل من مر ولم يعلق
ع
نكمل القصة وسأحاول جاهدة اختصارها لأني توهقت فيها !!!بس ما عليه عادي بما أنه لكم
صارت أخت طالبتي تتصل عليه أكثر من مرة حتى رد عليها 00 واحد ثاني قالت جوال فلان ؟ سكت شوي وقال من يبغاه ؟قالت: جوال فلان أو لا ؟قال بصراحة كان عنده الجوال وأخذته من بعض الديون اللي كنت اطلبه يسددها
وما تدرين أنه مسجون ؟!
__ مسجون ليه؟
__مسجون يالمسكينة بتهمة الإدمان هههههه
صكت السماعة وصارت تروح وتجي ودموعها تصبصب واسمعها تكلم صديقة تثق فيها وتقول عرفت ليه يأخذ الفلوس مدمن (المهم صديقتها صارت تواسيها وتقول احمدي الله اللي ستر عليك ولا تعيدين ها لسوالف 000
صارت أختي في أسوأ حال لاأكل ولا شرب ونفس خايسة(يعني تعبانة وما تطيق شي )
أمي تستغرب ما صار تسألها متضايقة من شي ؟تقول مافيني شي
تسألني وأسوي نفسي ما أدري
المهم أمي تبي تونس أختي وأشارت لنا بالروحة للسوق (تبي تكحلها عمتها)هذا مثل معروف
000 بالفعل صرنا نطلع أغلب الأيام نتمشى ونطالع خلق الله ونعلق ونضحك وتغير الحال 000!
وطاحت أختي في المغازل وتجميع الأرقام والمكالمات مع أكثر من واحد وطلعات واقسم بالله أهلي ماشكوا إطلاقا الكل في حاله
(وأنا والكلام للطالبة أتعلم منها لما بدت العلاقة الأولى كان عمري 10 سنوات ولما بدت مع أكثر من شاب كنت 12 سنة واستمرت معهم سنتين إلا شهرين!!
وش صار وليه وقفت الحركات تجيكم السالفة ------------ (أبي أشرب ماء وأجي أكمل )
m
بالف عاااااااااااااااااااااااافيه
X