تأخر حملك ؟ ؟

مرحبا اخواتي أنا جديدة على المشاركة بس كنت متابعتكم من زمان :qaq:انا صار لي سنة وخمس شهور متزوجه والحمد للةه على كل حال لسة ماحملت . في البداية كان عندي هرمون الحليب متلخبط والحمد للة تعالجت بوكنت أخذ الدوبرجين لكن والللة تعبني وااااااااااااااايد بعدين اكتشفت ان عندي الغدة بس الحمد للة من اول ما استخدمت الثايروكسن تجاوب جسمي معاة بسرعة لأني مثل مايقول زوجي جسمي رياضي لاني موظبة على التمارين الرياضية والحمية والن صار لي شهرين استخدم كلوميد وانشاله يجيب معاي نتيجة وييرزقني ويرزقكم انشالة الذرية الصالحة.:9_28:

:welcometo3roos::welcometo3roos::welcometo3roos::welcometo3roos::welcometo3roos:


[GLOW="FF99FF"]ويارب يرزقك ويرزقنا جميعا ولا يطيل علينا همنا ياربي ياكريم ...[/GLOW]



:9_33::9_33::9_33: تحياتي الغريبة 111

السلام عليكم ورحمة الله وبركاته


حسيت الدنيا ضايجه فيني وما اعرف شو الله هداني ابحث في جوجل عن تكيس المبايض
ودخلت على هالموقع
سجلت بدون ما احس لاني ممكن كنت اريد اتكلم وافضفض احس ان تعبت مثلكم

انا من عشر سنوات ياخواتي

وانا انتظر كلمة حامل
عاد شوفوا عشر سنوات كيف تاخذ من صحة الانسان ومن حالته النفسيه

بس صابره ان شالله وبتم صابره واللهم لا اعتراض

صحيح الله خذا مني الذريه وللحين ما رزقني
بس رزقني بريل صاابر مثلي وعمره لاهو ولا اهله جرحوني في هالموضوع
ومؤمنين ايمان كامل انه بيد رب العالمين

بس تبقى مشكلتي احساسي بالنقص وخصوصا انه اخواتي واخواته تزوجوا بعدنا واللي عنده اربع عيال ولي خمسه ولي اثنين

الحمد لله على كل شي
والله يرزق الجميع يارب

ادعولي بنات

والله بيفرجها علينا في يوم ما درينا عنه

ان الله لا يخلف الميعاد

مشكوره على هالصفحه ..
اي والله اختي انا صارلي سنه على الزواج وما حملت للحين مع العلم اني سويت كل الفحوصات انا وزوجي والحمدالله كل شي طبيعي بس الصبر زين مع اني اتعب اذا جتني الدوره واقووووووووول يارب ارزقني

السلام عليكم

انا صار سنتين و3 شهـور من تزوجت حملت مرره وحده بس
وصابني اجهاض مبكـــر .. وبعدهـا لهذا الوقت ما حملت
حالتــي النفسيـــة سيئـــة كثيــر وعايشـــه في جحيم
والبكـــاء ملازمنــي على طوول ,, واللي بعدي تزوجوا حملوا
على طوول مشاء الله تبارك الله ... واصبحت عصبيــه كثير
حاســه بنقص وحلمــي أكــون أم ...
الحمد الله على كل شي


الله يرزقني ويرزقكــم ويرزق كل محرروم ويرزق المؤمنين والمؤمنات اجمعين


لكم الود
حلمي اكون ام

الحمد لله على كل حال

انا بعد معاكم من المتابعات للموضوع والان حالتي النفسيئة سيئة واحاول اطمن نفسي ولما القى بنات لسى ما حملوا اطمنهم بس مو قادرة اطمن نفسي وزوجي مو مهتم للموضوع بس انا بموت على الاطفال وماارقد بالليل الا ودمعتي على خدي

ويارب يرزقك ويرزقنا جميعا

حالتي نفس الحاله فالحمل عندي تاخر ايضا وزوجي ملهوف على ان يكون لديه طفل ولكن اللحمد لله على كل شيئ

اقولج العصبية تمنع الحمل كوني رلاكس احسم لج انا كنت مثلج وليومج اعاني من نفس المشكلة

يالله كلن على همه وبلوته وانا مااقول الا الله يرزقنا ولايقطعنا

انا لي سنه واربع اشهر متزوجه ماحملت

وكنت متزوجه مع 10 عرايس من قرايبنا كلهن حملن الا انا مشاءالله تبارك الله وانااسعيده بهالشيء ويزيدني تفائل وامل

بس زوجي مرااااااااااااا يتمنى احمل صااير يسببلي توتر لماتجي الدوره وبصراحه المانع من كلانا

اناتكيس وهو ضعف

بس مدري ليش وربي شاهد اني متفاااااااااااااائله بس خاااااااااااااااايفه اطول

ولايقهرني الا ان الي حولي مستبعدين اني احمل مدري ليش

بس انااحمد ربي ان ربي عوضني بزوج يستاهل ويستحق اني اضحي له


الله يرزقنا يااااااااااااااااااااارب عاجلاغيراجل ويفرحنا ولايقطعنا ياررررررررررررب الدعاااااااااااااااااء منجاة بن ادم

الله يرزقنا جميعا بالذريه الصالحه

ان الله سميع الدعاء

اللهم ارحمني برحمتك يا ارحم الراحمين

وارزقني بالذريه الصالحه وارزق جميع المحرومين

السلام عليكم
كيف حالكم حبيت اشارك معاكم لإن فعلا اول امس كانت نفسيتي حيل تعبانه وهذا طبعا بعد ثلاث شهور من زواجي وماحملت ونفسيتي انتهت بكل مرة تشرف الدورة الله يعزكم وآخرها أول امس اتعب وابكي وادورلي حجه عشان اتهاوش مع اي حد وتطيح بزوجي بس اقعد بعد مااتعب من البكاء واقول ان رب العالمين اكيد يريد يعلمني الصبر لإني مو من النوع الصبورة وما احصل اللي ابيه بسهوله ابدا ورحت للدكتورة من ثاني شهر وطمنتني ومو دكتورة وحده وفحصتني وسوتلي اشعه وماكو شي مو زينوامس رحت لإن عندي موعد معاها ثاني يوم الدورة وحسبت وقالتلي تعالي يوم 25 وتفحصني بيوم الأباضه وبعدها تقرر بس انا خايفه حيل تكفون ادعولي انا ما صدقت اتكلم وافضفض اللي بقلبي سامحوني دوختكم

اولا يا هلا بالجميع

انا متزوجة الان الي ثمانية سنوات
وما عندي اطفال
قبل خمس شهور تقريباً
روحت لطبيب وقال انتي عندك رحمين منفصلين عن بعض
بس يلزمك عملية لان في الرحمين حاجز يمنع الحمل
والحمدلله عملت العملية

ونجحت الحمدلله ربي العالمين

ولسة لحتى الان ما حملت
واهه راضية بحكمة ربي عليا

ومتفائلة فية هالكريم يطعمنى ويطعم كل مشتهى

ادعولي يا بنات وادعو لكل محروم

تعرفوا والله انا بقمة سعادتي اني سجلت بالمنتدى
ليكون عندي اخوات احبهم ويحبوني
وكمان احكي يلي بقلبي لاني بصراحة حالتي النفسية على الاخر

مودتي

وانا كمان حبيت اشارك معكن في الموضوع

عيون من ماس انتي مثلي وانا من النوع الي ابي كل شيء بسرعة وماحب الانتظار

واليوم ما حصلت لي سالفة اقول لزوجي تعبانة نفسيتي ابي اروح لامي تعبانة مووت وقالي انا بوصلج قلت له لا اصلن انت مو مهتم لي ومو حاس بهمي وومادري ايش وابي بس اتهاوش لو مع نفسي

والبارح نزلت الدورة وقعدت ابجي ليما الصباح وما رقدت الا 6 واليوم رحت المستشفى اعمل تحاليل مبايض وبالليل بشوف لي عيادة ثانية وربي احس حالي مو عارفة اقول شيء من النفسية الدمار وصرت مثل الهبلة كل دورة اقعد انوووح من البجي واتهاوش مع زوجي هالمسكين

بنات طمنوني انا بستخف عن قريب

السلام عليكم
والله خوش موضوع .. على الأقل نقدر نتنفس فيه ونخفف من توترنا ونفسيتنا التعبانة

انا الحمد لله عندي نعمة من الله .. عندي ولد عمره 3 سنوات و4 شهور .. وحملت مرة ثانية وأجهضت بعد اسبوعين من تحليلي .. وصار لإجهاضي سنة و4 شهور .. الله يعوضني خير ان شاء الله ويرزق المحرومين

المهم .. حاولت اني احمل بعد الاجهاض بشهرين ولكن الى الآن ماصار حمل
الحين صار لي سنة وشهرين وانا احاول وماصار .. ومن كملت تسع شهور وانا احن على ريلي خل نروح المستشفى نتطمن على حالنا وهو يماطل وكل ساعة يقول هالشهر لين ماحملتي بنروح ويرجع ويقول اذا كملنا السنة .. وكل شهر يرجع يقول هالشهر ان شاء الله

ام الشباب مو قادره تصبر ليما ألحيت عليه ورحنا المركز انا وياه وسووا ليي تحليل هرمونات وهو عطوه ورقة لتحليل الحيوانات المنوية <<
النتيجه .. دخلت للدكتوره وانا احاتي .. الا تقول زينه تحاليلج << بس غير هالكلمة مانطقت واناعلى اعصابي :mad2:
وريلي تحليله بيأجله لبعد شهر رمضان لأنه خبركم صيام والتحليل يكون الصبح يعني مايصير
وشوف عاد متى يفتكر يروح .. وانا ملييييت من فتاح هالموضوع وياه واتفشلللت
مسكين ولدي يكسر خاااطري وهو يلعب لحاله ويملّ ومن يشوف بيبي يلصق فيه ويقول نبي مثله ييبي لي 2 وينكسر قلبي عليه

يعني المتأخرات في الحمل بس تحليل الهرمونات يكفي لو تحتاج تحاليل ثانية؟؟
يعني لو رحت عيادة خاصة بيسووا لي تحاليل اكثر او أشعة ؟؟
ووين بالبحرين اقدر اسوي كل هالشغلات؟؟ وكم يكلفني ؟؟ مركز الشفاء يسوون؟؟

بريق الأمل حاسة فيك أختى، ولدي بعمر ولدك تقريبا ومسكين دوم يلعب بروحه ويكسر خاطري وأقعد أصيح عليه، الحين مايفهم ان ماعنده أحد بس بيكبر وبيحس خصوصا لما أحد بالروضة يتكلم عن أخوانه وأخواته..

حملت مرة ثانية يوم كان له سنتين ونصف وأجهضت بداية الثالث والحين صار لي 6 شهور وبعدي ماحملت، قبل شهر راجعت أسماء منير في إبن النفيس وعملت لي الترا ساوند داخلي وكان كل شي طبيعي وطلبت فحوصات دم تكلفتها 130 دينار وأمي شالت الدنيا قالت ماتسوين هالتحاليل ماتسوى وأنت توك مسوية تحاليل بعد التنظيف،، وطبعا طلبوا فحص لزوجي وهو رافض يعمله ودخل رمضان وقال بعد العيد إن شاء الله،، ولذلك أنا مارجعت للدكتورة لأني ماسويت التحاليل وزوجي بعد،،
حملي الأول كان من أول محاولة ياسبحان الله والحين ماعندي مشكلة بس الحمل مو صاير،،
هذرت وايد بس مقهورة من هالناس اللي ماترحم، من حد يشوفك بعد ماحملتي وللحين ماعندك الا هالولد، شناطره بعد؟؟ كلامهم يقث ويجرح ، ولا الحين أخذ من الكلام بالعيد كل من بيزورنه في بيت جدي آدري بيسألون هالسؤال.
يوم نزلت على الدورة قبل كم يوم والله مانمت الليل فيني غصة وآبي أصيح وأطلع حرتي في احد، بس ارد اتعوذ من إبليس واقول سبحان الله يمكن حكمة من رب العالمين...

رانيا البحرينية;4464761:
بريق الأمل حاسة فيك أختى، ولدي بعمر ولدك تقريبا ومسكين دوم يلعب بروحه ويكسر خاطري وأقعد أصيح عليه، الحين مايفهم ان ماعنده أحد بس بيكبر وبيحس خصوصا لما أحد بالروضة يتكلم عن أخوانه وأخواته..
اي والله .. ولدي من الحين وهو من يشوف ياهل قال ماما اخذيه احمليه ويروح لأم الياهل يقول لها عطيه ماما تحمله
وبعد اشوي يبتدي الموال .. مامااا ييبي لي اخو .. ابي اخوان اثنين .. ويقارن هكو فلان عنده اخو وفلانه عندها اخو وينكسر قلبي خاصه لين جدام احد

حملت مرة ثانية يوم كان له سنتين ونصف وأجهضت بداية الثالث والحين صار لي 6 شهور وبعدي ماحملت، قبل شهر راجعت أسماء منير في إبن النفيس وعملت لي الترا ساوند داخلي وكان كل شي طبيعي وطلبت فحوصات دم تكلفتها 130 دينار وأمي شالت الدنيا قالت ماتسوين هالتحاليل ماتسوى وأنت توك مسوية تحاليل بعد التنظيف،، وطبعا طلبوا فحص لزوجي وهو رافض يعمله ودخل رمضان وقال بعد العيد إن شاء الله،، ولذلك أنا مارجعت للدكتورة لأني ماسويت التحاليل وزوجي بعد،،
ويييي 130 عاد؟؟ حششششى
يعني العيادات كلها بنفس الاسعار؟؟
وماتقدرين تاخذين الاوراق وتسوين التحاليل بالسلمانية وبعدين تراجعين الخاص للنتايج؟؟ بيكون اوفر لج
آنا كل اللي سووه لي المركز هو فحص هرمونات فقط
اسمع يقولوا بالخاص يفحصوا احجام البويضات وشي جدي يعني
جربتي مستشفى البحرين التخصصي يقولوا شطار

حملي الأول كان من أول محاولة ياسبحان الله والحين ماعندي مشكلة بس الحمل مو صاير،،
الحمل الاول تأخرت خمسة شهور والحمل الثاني اللي ماتم هم بعد تميت خمس شهور

هذرت وايد بس مقهورة من هالناس اللي ماترحم، من حد يشوفك بعد ماحملتي وللحين ماعندك الا هالولد، شناطره بعد؟؟ كلامهم يقث ويجرح ، ولا الحين أخذ من الكلام بالعيد كل من بيزورنه في بيت جدي آدري بيسألون هالسؤال.
يوم نزلت على الدورة قبل كم يوم والله مانمت الليل فيني غصة وآبي أصيح وأطلع حرتي في احد، بس ارد اتعوذ من إبليس واقول سبحان الله يمكن حكمة من رب العالمين...

اييي والله وانتي الصاجه .. تقوم الحنة ولدج كبر ليش ماتييبي ليه اخو مخليته بروحه
بس آنا ماتكلمت لأحد .. الكل يفكر مني ماابي عيال حالياً ولاتكلمت بخصوص الفحوصات ولاغيرها

بريق الأمل،، أنا قبل حملي الثاني عملت فحوصات للهرمونات وكان كل شي سليم وبعدها حملت وماتم الحمل الا 3 شهور ومن بعدها عملوا لي تحاليل هذا كله بالأمريكي وكانت النتائج سليمة، والدكتورة مرتاحة لها من حملي الأول وحتى بمراجعاتي بحملي الثاني، وماحب التخصصي وايد تجاريين، خل نشوف هالشهر وبارجع الأمريكي مرة ثانية والله يسهل لي ولك يارب..
أنا بعد كل من يسألنى ها ماحملتي قلت لهم الدكتورة قالت ريحي 6 شهور، والحين توني 6 شهور يعني لحد يحشر روحه فيني، هذي طريقة تسكتين فيها فضول الناس...

الله يرزقكم الذرية الصالحه ان شا الله :9_33:


انا بعد اخص بالدعاء ::


مرت خالي :: متزوجة من 11 سنة وعندها اولاد اثنين ، الصغير عمره 6 سنوات وصار لها اكثر من 3 سنوات تحاول تحمل لكن للحين ما صار .. بعد سنة منمحاولاتها راحت المستشفى وطلع ان عندها هرمون الحليب مرتفع وان بويضاتها صغيرة وتعالجت والدكتورة اخر مرة قالت لها كل شي اوكى بس للحين ما حملت ..


بنت خالي :: صار لها تقريبا 3 سنوات ونص من تزوجت وللحين ما حملت .. كان عندها كيس دم في رحمها وتعالجت وكل شي صار عندها اوكى ولا حملت .. ومن سنة سافرت الاردن علشان تتطممن ونفس الشي قالوا ان هي وزوجها ما عندها اي مانع للحمل لكن للحين ما حملت ..


خالتي :: صار لها سنة وشهرين من تزوجت .. في البداية تأخرت 6 شهور بعدين حملت واجهت في الاسبوع 11 ، والحين هي حامل في الشهر الثاني وحملها في خطر ومهدد بالاجهاض ..


اختي :: صار لها 5 اشهر من تزوجت وللحين ما حملت ..


مع العلم ان عائلتنا ما شاء الله من النوع اللي بسرررعة يحملون وغالبا يحملون وهم يستخدمون موانع يعني حمل بدون حسبان لكن هال3 من بنات العايلة مادري ليش تأخروا وهذه اول مرة يصير تأخير في الانجاب عندنا (w)

وبالنسبة لمرت خالي :: يقولون احتمال طلعت على امها لانها امها كانت تتأخر شوي في الحمل لدرجة انها تأخرت مرة 10 سنوات وبعدها جابت اخر العنقود .. ومرت خالي عموما تأخرت 3 اشهر بعدها حملت بالولد الاول وبعدين لما فكرت في الحمل الثاني تأخرت 3 اشهر بعد بعدين حملت والحين صار لها فوق ال3 سنين وما صار حمل :dontknow:



الله يرزق الجميع الذرية الصالحه بحق هذا الشهر الكريم :9_28:

الله يسمع منك أم حسين ويفرح قلبنا بهالشهر أنا وجميع بنات المنتدى وكل أهلك يارب ويثبت حمل خالتك...