بنات مصر ..........أرجوكم ساعدونى لا تكسفونى

والله ياحبيبتى انا رضيت عليكى بس مش عارفة هو الرد راح فين لان الموضوع كان برة اصلا على العموم هرد عليكى تانى

ههههههههههههه خلاص بفتح صالون على شانك حبيبتي و بسويلك زيوت و مساج للفروه =-)

و يا مدام استرخـــــــــــــــــــي =)

بلاش دلع و خلينا في المهـــــــــــم هههههههههه =)

*****


احرصي على مشتقات الحليييييب قبل و بعد الولاده

و أنصحج تاخذين حبوب الكالسيوم تنباع بالصيدليه حتى تعوضين النقص الحاصل من الولاده و الترضيع في الوقت الحالي

و لاتنسين ان تقولين للدكتور انج مرضع

روحي للدكتور و وخليه يوصف لج حبوب كالسيوم و اخذي كل يوم حبه حسب وصفته

نصايح تفيدج جدا في اعادة رونق الشعر :

1- شرب كوبين حليب قليل الدسم

2- اكل 7 فردات تمر يوميا

3- أكل تفاحه خضراء او حمرا على الريق و بعد نصف ساعه الفطور

4- حاولي كل يوم تسوين لج شاي اعشاب معين ( بابونج - لافندر - زعتر )

5- اختاري صنفين من الفاكهه كل يوم و ياحبذا لو تاكلين موزه كل يومين لانها مليئه بالبوتاسيوم

6 - لا ترهقين الشعر باستخدام انواع كثيره من الوصفات و اكتفي بخلط مقادير متساويه من زيت الخروع و زيت السمسم مع تسخينهم قليلا و حطيهم على الشعر كل 4 ايام مره + مساج للفروه لمدة ربع ساعه + تخلينه ساعتين كحد أدنى و يفضل تطولين فيه أكثر


7- ابتعدي عن الاستشوار و مجففات الشعر الحراريه ( ممكن استبدالهم بمجفف شعر بارد ) + ابتعدي عن شد الشعر و تسريحه بتسريحات ترهققه و خليه مفلول طبيعي =)

8- استخدمي حمام زيت بانويل بالبروتين مره كل اسبوع و لكن استخدميه بيوم ماتكونين فيه مزيته الشعر =)

و سلامت ألبـــــــــــــك =)

ربي يخلي لج النونو

سمسمة الف شكر و ياريت تكتبى ردك مرة اخرى لو مش هيضايقك


اختى مس بانتوتا الف شكر على نصايحك بس ما فهمت البند 8 يعنى استخدمه فى يوم لوحده مثلا و تانى يوم اكمل خلطةالخروع و السمسم

ازيك ياحبيبتى عاملة ايه انا حال شعرى زى حالك بالظبط وده بسبب اهمالى فيه لانى كنت مشغولة قوى بالدراسة بس الحمد لله خلصت وان شاء الله هبدا احطه فى دماغى بس تيجى نتيجة
بوصى ياسيتى انا سمعت عن حاجات كتييييييييييييييير وروحت للدكاترة كتييييييييييير ويئست من شعرى بس اقولك بقى ان الحاجات اللى انا جربتها فعلا وموثوق فيها وصحباتى كمان جربوها ونتيجتها جميلة قوى
اول حاجة ياسيتى انا جربت زيت الجوجوبا وكنت ماشية عليه لمدة شهر بس بالطريقة المكتوبة عليه وكان مخلى شعرى رهيب انا اصلا ماكنتش مصدقة انه شعرى بس لانى منعته بعدها لانى كنت بكسل اشتريه لانه مش متوفر فى اى مكان شعرى باظ تانى ولما جيبته بعد كدة واستعملته كدهان عادى بعد التسريح ماكنش مفعوله زى الاول بس ان شاء الله هرجعله تانى وهو هتلاقيه فى صيدليات سيف
ثانيا الجرجير ده بقى نصيحة دكتور كبير قوى وكشفه غالى قوىىىىىىىىى قال لصاحبتى تعصره وتدعك فروة شعرها كل يوم بيه وفعلا منع سقوط شعرها ومفعوله جميل جدا
ثالثا زيت الخروع اختى بتحطه وماشاء الله منع سقوط شعرها ونتيجته جميله
فعلشان ما تحتاريش ابدأى بالجرجير كل يوم واليومين اللى تغسلى فيهم شعرك حطى الخروع وانا ان شاء الله هعمل كده ويارب يكون بالشفا وياريت لو اى واحدة من الاعضاء لها تعليق على كلامى تفيدنا اكتر

سمسمة الف شكر تعبتك و غلبتك معايا بس عايزة اسال كذاسؤال

هوا زيت الجوجوبا ليه اسم معين و لا

و لو طريقتة مش طويلة ممكن تكتبها


و سعره كام عشان الواحد بنضحك عليه كتير فى موضوع الاسعار


و الف شكر يا قمر

ازيك ياحبيبتى عاملة ايه على فكرة انا قررت انى ان شاء الله هرجع استعمله تانى مع الجرجير وان شاء الله يجيب نتيجة هو ياسيتى اسمه الجوجوبا يعنى بتعطشى الجيم بس انا مش عارفة اكتبها حلو وهو سعره فى صيدليات سيف الحجم الصغير ب16 تقريبا والكبير ب 40 وبصراحة انا مش فاكرة الصغير بكام بالظبط لانى كنت جبت الكبير لان الزجاجة اصلا صغيرة يعنى الكبيرة تحسى ان اصلا حجمها صغير ولو عرفتى تجيبيه من عند العطار هيكون تقريبا بحاجة وتلاتين مش ارخص من كدة وخالى بالك لحد يحك عليكى فيه هو الزجاجة بتاعته لونها ابيض والغطاء ازرق وهبططة شوية هتلاقيها اصلا شكلها حلو وريحته كمان جميلة وبالنسبة للطريقة مكتوبة عليه وكمان مع كوبون بيكون متعلق بيشرطة معمولة فيونكة فى غطا الزجاجة مااااااااااااااااشى ياقمر وسليملى على مرام وبوسيهالى كمان واديها دول :balloons:

هديتك مقبولة يا جميل بس المشكلة اخوتها هجموا علييها و خدوها منها و الاخر ضربتهم الثلاثة
هههههههههههههه

ربنا يخليهملك ويباركلك فيهم

الف شكر يا سمسمة

بصى ياجميل انا هاقولك على اللى عملته لشعرىوجاب معاه نتيجه معرفش هاينفعك ولا لأ
اولا الحنه بعملها بمغلى الحلبه واسيبها شويه تخمر
وبعدين لما اجى احطها فى شعرى بحط بيضه ومعلقتين زبادى و3 معالق زيت شعر
هاتقولى زيت ابه هاقولك اللى موجود عندى انا مثلا بحط معلقه خروع ومعلقه سمسم ومعلقه زيتون
يعنى اى زيت يغذى شعرك
وتسيبيها فى شعرك 4ساعات او اكتر زى ماتحبى بس اقل حاجه اربع ساعات
المفروض ان دى كل اسبوعين بس انا بعملها كل اسبوع وبحطها فى جدور شعرى بس مش فى شعرى كله علشان ماتأثرش على لونه
وبعمل كمان خلطه تانيه هى ريحتها وعععععععععععععععععععععععععع:pain::pain::pain:
تقلب المعده لكن نتيجتها كلمه جنان بحقها شويه
انا جمعتها من مجموعه خلطات بس الاساس واحد
واحد ليتر زيت عافيه
راس توم كبيرة
فلفل اخضر حار
حلبه مطحونه
طبعا الريحه مقولكيش لكن النتيجه حكااااااااااااااايه
بتدقى التوم وتقطعى الفلفل قطع صغيرة ومتخافيش وتقولى هايولع راسى لان الزيت ضيع الحرقان
المهم بعد ماتدقى التوم وتقطعى الفلف طبعا تحطيهم فى زجاجه اكبر من الليتر
يعنى زجاجه بيبسى ليتر ونص
وتحطى عليهم الحلبه المطحونه وفوقيهم الزيت
وترجى كويس وتخليه فى الشمس لمده 10 ايام
وكل ماتعدى عليه رجيه
وبعد كده استعمليها عادى:poster_dots:
طبعا التوم مفيد لسقوط الشعر بطريقه مقولكيش عليها وهتلاحظى النتيجه من اول مرة:yes::yes:
الحلبه مفيدة فى تطويل الشعروكثافته
الفلفل مفيد لتطويل الشعر لانه بينشط البصيلات
هاتقولى اشمعنى عافيه
هاقولك لان زيت الذرة هو اكتر زيت ممكن يخترق بصيله الشعر ويوصل لجدورها
عكس المعروف ان زيت الزيتون هو اللى بيقوم بالدور ده:no:
وبتعملى الخلطة دى كل اسبوع مرة وبتخليها 4 ساعات او اكتر
وخدى بالك اليوم يبقى محدد يعنى لو الجمعه يبقى كل اسبوع تعمليها الجمعه
ولو السبت يبقى كل يوم السبت
تدهنى شعرك وبعدين تلفيه بكيس او بونيه شعر والافضل تحطى عليه فوطة دافيه ولو خمس دقايق وبعدين تربطيه بطرحه
واستحملى الريحه شويه
لان التوم هنا دورة المضاد الحيوى
لازم يتاخد فى مواعيده المحدده ولو خلفتى الميعاد ضيعتى النتيجه
انا جربتها والله حكايه والسقوط خف من اول مرة انا كنت اغسل شعرى الاقى الارض فيها شعر وانا فى الحمام وجسمى ولا بقى لما اجى احط زيت بعد الحمام ايدى ماتبقاش باينه من الشعر
لكن بعد الخلطه دى والله العظيم والله العظيم ايدى ماكنش فيها ولا شعرة واللى نزل فى المشط يتعد على الصوابع
بس مشكلتها اول ماتغسلى شعرك بيبقى ناشف شويه وده طبعا من التوم
بس بالدهان بيرجع عادى
انا ماشيه على الاتنين دول هاتحسى انهم شغلانه بس نعمل ايه:dontknow::dontknow:
لاجل الورد يتسقى العليق:B_wink::B_wink:
والله انا كانت عندى حته فى المقدمة بتاعت راسى دايرة فضيت خاااااااالص والله العظيم نبتت شعر صغنن
وماما شافته فرحت قوى:2_106: ومسكته بايدها قالتلى طلعلك شعر فيها استمرى على الخلطات دى
مع انها اول واحده مبتحبش الخلطات دى وكانت تشم الريحه تطفش من الشقه:pain::pain:
بس ربنا معاكى لان انتى متجوزة هاتبقى صعب قوى على جوزك:21_184::21_184:

انا لسه مخطوبه

وخطيبى لما شم القزازة كان هايغمى عليه:baaa2::baaa2: وقاللى تعمليها فى يوم انا مكنش جاى فيه


طبعا زمانك بتقولى مين الرغايه دى كلت دماغى:sm215::sm215:

ايه اللى دخلها موضوعى:88774::88774::durr::durr::durr:

بس حبيت اساعدك واقولك كل حاجه بالتفصيل الممل علشان افيدك:deal::deal:

انتى زى اختى:friendship::friendship:


بس ياريت تدعيلى ربنا يسهل امورى وامور بنات المسلمين جميعا:flower:

وربنا يخليلك الكتاكيت

الف شكر يا فراشة الايمان بس طبعا استحالة اسكت لازم اسالك و اطلع عينك شوية هههههههههههه

بالنسبة للخلطة الاول هوا لو حطيتها على شعرى كله هتدى لون اييييييييه و لو بتستعمليها على الجذور بس بتستخدمى حنة اد ايه


و بالنسبة للخلطة التانية انتى بتقولى بتنشف الشعر طيب انتى بتدهنى ايه عشان شعرك يطرى تانى



و الاهم بقى الخلطة التانية لازم كل اسبوع زى ما بتقولى عشان عاملة زى المضاد الحيوى طيب و التانية اعملها امتى



و الف شكر على الرغى قصدى على الوصفة هههههههههه


ربنا يسهل امورك وامور المسلمين و امورنا كلنا

اللهم اغفر للمؤمنين و المؤمنات الاحياء منهم و الموات

om_maram;4127692:
الف شكر يا فراشة الايمان بس طبعا استحالة اسكت لازم اسالك و اطلع عينك شوية هههههههههههه

ابدا ياقمر احنا اخوات

بالنسبة للخلطة الاول هوا لو حطيتها على شعرى كله هتدى لون اييييييييه و لو بتستعمليها على الجذور بس بتستخدمى حنة اد ايه

انا ماحطيتهاش على شعرى كله لانى فى الخطوبه كنت صابغه شعرى ودلوقتى اللون نزل وفضل الاصفر يعنى لو حطيت حنه عليع هايبقى ولعه هههههههههههه علشان كده بحط على الجذور لكن معاكى عادى لون شعرك ممكن يفتح وممكن لا اما الكميه حسب حجم شعرك انتى ليكى نظرة وتعرفى تقدرى



و بالنسبة للخلطة التانية انتى بتقولى بتنشف الشعر طيب انتى بتدهنى ايه عشان شعرك يطرى تانى

بعد ما اغسله كويس بدهن زيت زيتون صاااافى بس وبيرجع زى ماكان ده كمان شعرى بيشربه بسهولة لان المسام بتكون اتفتحت


و الاهم بقى الخلطة التانية لازم كل اسبوع زى ما بتقولى عشان عاملة زى المضاد الحيوى طيب و التانية اعملها امتى

المفروض كل 15يوم بس انا بعملها كل اسبوع
يعنى اعمل الحنه الاربعاء والزيت الجمعه



و الف شكر على الرغى قصدى على الوصفة هههههههههه

العفو اى رغي هههههههههههه قصدى اى خدمة


ربنا يسهل امورك وامور المسلمين و امورنا كلنا

اللهم اغفر للمؤمنين و المؤمنات الاحياء منهم و الموات

امين .. امين .. امين

الف شكر يا فراشة الايمان

بس بعد كده مش تردى و تطيرى هههههههههههههههه

قصدى تمشى ابقى بصى تانى عشان لو فى استفسارات

و الف شكر مرة تانية

بصي يا أختي
اناكان عندي مشكتلك وزيادة حبتين
انا كمان بعد ولادتي لأبني حصلتلي نفس مشاكلك وزيادة لأن ظهر عندي فراغات في فروة الراس وبقت نفسيي زفت بعيد عنك
ورحت لاتنين دكاترة جلدية ومفيش فايدة ولا القشرة راحت بس التساقط قل بنسبة بسيطة جدا جدا
زهقت من كتر الأدوية والمصاريف اللي على الفاضي اصل فضلت اتعالج حوالي 8 شهور ومفيش شعرة جديدة نبتت
وبعدين اختي قالتلي على واحدة جارتنا بتركب هي الزيوت بنفسها جابت من عندها زيت حلو قوي قوي للتساقط قلت اجرب
والحمد لله التساقط انتهى تماما
وبدأ شعري يتقل والتقصف قل كتير
والحلو ان الفراغات بدأت يطلع فيها شعر
والحمد لله بدأ يطول
قولوا ماشاء الله
بلاش حسد والنبي:qaq:
انا حبيت اقلكم على اللي حصل
لا يأس مع الحياة :flower:

طيب انا بقى استفدت ايه هههههههههههههه

ممكن تقوليلى على الخلطة السرية بتاعة جارتك متخافيش مش هقول لحد عليها غير اعضاء المنتدى بس

هههههههههههههههههه

عايزين كل بنات مصر يدخلم الرابط ده
http://www.3roos.com/forums/showthread.php?t=267131
والحاضر يعلم الغايب
هاهاها

للرفع

انا معرفش سر تركيبتها
اللي قالتهولي انها مركبة زيوت كتيرة وأعشاب طبيعية هي اللي بتغذي الشعر
لو عايزة منها حاجة انا ممكن اوفرهالك :flower:

الف شكر حبيبتى انا حاليا بجرب خلطة و اذا جابت نتيجة اكيد هقولكوا