جرثومة القطط

فيه فحص خاص
انا عملته لي الدكتوره وطلعت مصابه فيه بس الحمد لله جسمي عمل مضادات له وان شاء الله بخير

[GLOW="99FFFF"]الله يوفقك ويكتب لك الذرية الصالحة يارب عاجلا غير آجل ..
وأعتقد له تحليل خاص ...
والله يحمينا واياك من كل مكروه وشر يارب ...[/GLOW]


:9_28::9_28::9_28::9_28: تحياتي الغريبة 111

بارك الله فيكم على ردودكم السريعة ورزقكم وايانا الذرية الطيبة ،،

طيب حبيبتي fay fay شو سببها بالتحديد هالجرثومة؟

[GLOW="FF6699"]يعني هالجرثومة تصير حق الناس الي تربي قطط؟؟
وهب تأخر الحمل ،؟؟
ولا تسبب تسقيط ولا شو بالضبط؟؟[/GLOW]

ميكروب التوكسوبلاسموسيس الي عند القطط لازم تسوينله تحليل خاص فيه وو انا سويته لان امي تربي قطاوة

و هذا الميكروب يسبب اجهاض متكرر او تشويه للجنين

عادتاً تصاب فيه المرأة الي تعيش في المزارع الي يكون فيها حيوانات
او عندها قطط تاكل لحم نئ او تشرب حليب غير مبستر
ممكن يكون الجسم مسوي اجسام مضادة حق الميكروب فا ما يضر

بس الافضل انج تسوين التحليل الخاص فيه للتأكد

و هذا الي اعرفه

اخوااتي لاتخاافون هذي جرثومه اسمها توكسو بلازما تصيب البنت اللي تربي قطط واللي تاكل ماكولات نئ ومدخنه مثل اللحم المدخن واللنشوان والخ

وتصيب البنت لما تكون حامل ويؤدي للاسقاط من الشهر الاول الى الراابع

وعن طريق تحليل دم يبين اذا وحده فيها جرثومه وتكون نوعين نشطه او خاامدة

اذا نشطه معنااتها توها جديدة دخلت جسم وتعاالج لمدة 21 يوم عن طريق الابر او الحبوب

وكل مرة تحمل البنت على طول تعمل تحليل وتعاالج

لكن اذا خامده مامنها شر

وتتنتقل من قطط عن طريق فضلاتهم

لكن اللي تربي بالبيت وقطاوتها نضيفين ماعليها شر الخوف من قطط شوارع الوسخه

واللي تخاف تعمل تحليل دم اسمه تحليل توكسوبلازما

ويبين

مش غصب اللي تربي قطط يصيدهاا

عادي في ناس تصيدهم وهم عمرهم مالمسوا قطوووووووووووه

هلا اختي

بالنسبه للسبب

انا تفاجئت يوم قالت لي الدكتوره اني مصابه فيه وقلت لها ان ماعندي قطاوه بالبيت وانا ما اقرب اصلا من شي اسمه قطو قالت لي مب شرط يكون عندك قطط بالبيت
وان من مسببات المرض اللحوم البارده مثل الموردتيلا والبسطرمه والخ من هالنوعيه


حتى انها قالت لي والله انها تمنع بنتها ماتاكل هالنوعه من اللحم


اما شو يسوي المرض فهو يسبب اسقاط الجنين

بس بالنسبه لحالتي قالت ان جسمي عمل مضادات فما فيه اي خوف منه الحمد لله

أحلى ملح


عروس الدوحة


fay fay


الف الف الف الف شكر لكم على هالافادة الطيبة وبارك الله فيكم والله انكم بالفعل اخوات غاليات ,, رزقكم الله وايانا الذرية الصالحة عاجلا ليس آجلا يا كريم ,,,,

هذي بالنسبة للقطط اما الطيور مثل الببغبغاء هل لها ضرر

انا ماعمري سويت هالتحليل


مع ان بيت خالتي عندهم قطاوة وانا دايماً هناك


المرة الجاية اروح اخذ التحليل وان شاء الله ماأكون مصابة

بالنسبة حق الاخت الي تسأل عن الطيور مثل الببغاء

انا سألت دكتورة قالت اي فيه ضرر و ممكن يحمل هذا الميكروب
اما دكتورتي الثانية قالت لأ ماله اي ضرر


فا الافضل دايماً الفحص عند الشك

على فكرة انا قبل الزواج اربي قطاوة و حيل لازقه فيهم
اما بعد الزواج فا اربي كاسكو


و الحمدلله سويت التحليل و انا حامل طلع مافيني

بعيييد الشر عنا

اللهم عافنا في علاج ولا لا :9_28: