صوري من حديقة الحيوانات..تفضلوا ..

السلام عليكم خواتي

رجعت لكم اليوم بصور .. رفعت ضغطي هههههههههههههه

الله يسلمكم سرنا البارحة حديقة الحيوانات بعد ما عدلوها وخلوها مفتوحة لين الليل .. وبسبب الجو الرهيب قلنا بنسير في الليل عشان ما ننطبخ في الشمس :balloons: ...

وهني خانتني الكاميرا :Zb_sor1: .. مادري ليش الصور في الليل ابد ما بينت وياخسارة المناظر كان ودي اصور .. وحطيت كل الاختيارات الي في الكاميرا عشان تضبط ولكن لا حياة لمن تنادي ( ترا مالي خبره ويا الكيمرا)

فتحملوا الصور الرديئة .. وبتلاحظون في اهتزاز بالصور لكن والله هالشي بسبب الاختيار الوحيد الي كان اوضح شي .. ومادري شو سببه :(

بعد هالمقدمه تفضلوا الصور ..

اول الشي الطريج للحديقة




البوابة



استعداد الشيخ مصبح





اول صورة تواجهكم عند البوابة





الصورة الوحيدة الي لحقنا عليه قبل لا يحل الظلام



الغزلان




القرود ويا مكثرهم هناك





البومة



نعامة



هني عاد كأنج في سفاري .. زراف على حمار وحش على وايد حيوانات في مكان مفتوح واغلب الحيوانات بهالطريقه وروعة

شوفوا كيف الصورة كأنها مهزوزه :Zb_sor1:



ومصبح يتأمل ..







تنفع لوحة جمالية صح ؟؟













تحية مصبح الوداعية


وبس :Zb_sor1:

شوفوا عاد نصايحي ..

1- الحديقة روووووعة واحلى بوايد عن قبل .. لكن سيروا على الاقل قبل المغرب بساعتين ترا الاضاءة الليلة مب ذاك الزود..

2- كل شي متوفر هناك مطعم بون فود.. وكافتريات ودكاكين .. وحمامات زينه عزكم الله .. ومسيد يعني كل شي موجود..

3- البسوا جوتي مرييييح لأنه مشي على اصول ..

4- خذوا كيمرة تنفع حق الليل مب النحس الي عندي ههههههه

5- اليهال اكثر شي بيستانسون شلوهم لا تقولون بيتعبون ..

6- البسوا شي خفيف وخلوا الكشخة في صوب .. ترا لا جحال يتم ولا شي نظيف يتم ههههههه الجو ما يساعد للكشخة..

7- اخر شي خبروني شو سالفة كيمرتي ليش جي في الليل مب شي .. مع انها زينه نوع OLYMPUS :(

والله يعين عيونكم على التصوير .. انا حاولت افتح الصور الغامجة قد ما اقدر ... وتحياتي ..