مهم ...........موضوع منتشر

حبيبتي tek tak وربي انك صادقه انا مدري وشلون اطاوعهم اقلوبهم :think:
كانهم نسوا اوتناسوا"كيف كان قدوتنا في الحياه حبيبنا الرسول صلى الله عليه وسلم يعامل خادمه انس بن مالك حتى انه ماعمره في حياته زجره "
وكان زين توصل للي قلتيه قريت مره في احد الصحف عن وحده ذابحه خادمتها ولابعد دافنتها
<<<<<مسويه الواجب بعد
الله لايبلانا بما ابتلهم به
وشكرا على موضوعك بجد الناس تحتاج للي يوعيهم واتمنى كل من يقرا الموضوع ينشر بين الناس سيرت الرسول في معاملة الخدم
وموفقه حبيبتي

لاحول ولاقوة الا بالله

الظلم والله سيء يعني ايا كان الظالم الخدامه او الاهل

يبقى الظلم حرام

الله يهدي الجميع

لا حول ولا قوة إلا بالله العلي العظيم

لهالدرجة وصلت فيهم 00 صدق قلوبهم ميته

خراب البيوت يأتي من إهمال الزوجات أختي مو من الخادمات ...



الخادمة إذا أتتها الفرصة أكيد بتستغلها ... لكن الفرصة ما بيعطيها لها إلا ربة البيت بمجرد دخول الخادمة للبيت تسلمها جواز سفر لتحل محلها في البيت كله .. ولمساتها تصبح في كل ركن من أركان البيت ... وزيادة عليه تصريح بأن تصبح أم الأطفال فطبيعي أم الأطفال تصبح زوجة الأب ...

وربة البيت لاهية في عالم خاص بها ...



ثم تعذب تلك المخلوقة ؟؟!! فلأي ذنب جنت ...




لأنها اتقنت دور الخادمة في التنظيف والترتيب

ولأنها اتقنت دور الأم في الاحتضان والتقبيل وتحميم الأطفال وإطعامهم - انا مرة شاهدت الخادمة هي من تصطحب الطفل للمستوصف ... فأين الأم ؟؟؟


ولأنها اتقنت دور الزوجة والحبيبة للزوج المحروم من زوجته ... فهو يصرف عليها لتتزين وتتجمل بين صويحباتها في جلساتهن ؟؟

مشكورين على المرور 53 دخول بس اربع ردوود

والله يا الغالية أنج صادقة برمسج مثل ما نحن ألنا حقواق هم بعد ألهم الوحدة منهن هب سهل عليها تترك أبلادها وأهلها وعيالها ........
بس الحاية بنت حرام كل وحدة منهن تي عشان تكد على أهلها وتوفرلهم معيشة أحسن ني نحن ونظيق عليهن حرام والله نحن بعد مسؤالين عنهن ........

لا حول ولا قوة الا بالله العلي العظيم.......

اشكر كل وحدة دخلت وردت على موضوعي بس ان كلما اكتب موضووع محد يشجعني ليش مادري

[GLOW="FF0000"]هلا مشكورة على الموضوع
الخدامة إذا لقت معاملة بالوسط(لا زينه ولا شينه) صدقوني ما بيصير شي
وامسكوا العصا من الوسط مب من أخرها ولا أولها يعني يعتمد على الخادمة أولا من ناحية التصرف وثانيا من ناحية ربة المنزل[/GLOW]

لاحول ولاقوة الا بالله


ترى الخدامــــــــات بشر بنات آدم وحواء لهم احاسيس ومشاعر

ما اقول ولا ازيد على كلامكم الرائع الا -------------اسال الله ان يغنينا عنهم بالعافية والشغالات ياخذون المال والاعمال ---------ان ظلمناهم مشكله وان تركناهم بدون رقيب ولاحسيب مشكله وشكرا لكي اختي على الموضوع المهم جدا

مشكوووره اختي انا مع كل الكلام اللي كتبوا البنات

الخدامه انسان تارك كل شي بس لتوفير مبلغ بسيط والمعامله الحسنه الها ثواب عند الله اذا
الحيوانات اذا اذيناها بندخل النار كيف انسان مثلنا وضعه المادي فرض عليه يشتغل خدام
ببيوت الناس ....

الله يهدي كل انسان ظالم

لاحول ولاقوة الا بالله

لاحول ولاقوة الا بالله العلي العظيم

هلا حبيباتي......:Y_hi_3:

انا معاكم فالموضوع ان نحن نرحم الخادمات انهم جايين يدورون رزقهم هني...

بس اذا كانت الوحده هي بروحها ما تبي الرحمه لنفسها شو الواحد يسوي؟:think:

انا بخبركم عن خدامه عمي اهي من شكلها يبين انها زينه يحليلها مافي احسن عنها.....تدرون الحيوانه شو كانت اتسوي:mad2::angry:

هي احيانا كانت تاخذ بنات عمي وحده عمرها 4والثانيه 6 سنوات كانت تلعب بالمنطقه الحساسه للبنت الكبيره:angry:
لدرجه في مره من المرات البنت تكلمت وقالت لامها اه يعورها:sad:

والحمدلله بعد ما ودوا البنت للطبيبه وفحصتها طمنتها ان البنت بخير

وعلى طول يومن بالحبس اليوم الثالث سفروها:B_wink::up::clap::yes:

والله انا شايفه ان زي ماحنا فينا الوحش والحلو وزي مالعربيات فيهم الوحش والحلو والاجنبيات
فيهم الوحش والحلو الخدامات كمان فيهم الوحش والحلو يعني المفروض مانعممش
وحطي نفسك مره مكانها ظروفها تعبانه والحاجه للفلوس ياريت تحطي نفسك يوم واحد مكانها وانت تعرفي
ربنا ادانا المال ودي نعمه ممكن تزول في لحظه لو زالت واتزليتي ياترى حيبقى رايك كدى

فعلا كلامك صحيح

بارك الله فيك

medowawa;4057514:
والله انا شايفه ان زي ماحنا فينا الوحش والحلو وزي مالعربيات فيهم الوحش والحلو والاجنبيات
فيهم الوحش والحلو الخدامات كمان فيهم الوحش والحلو يعني المفروض مانعممش
وحطي نفسك مره مكانها ظروفها تعبانه والحاجه للفلوس ياريت تحطي نفسك يوم واحد مكانها وانت تعرفي
ربنا ادانا المال ودي نعمه ممكن تزول في لحظه لو زالت واتزليتي ياترى حيبقى رايك كدى

اختي الموضوع هو دفاع عن الخدامات المظلومات ومعاملة رب/ ربة البيت السيئة لهم
وشكلج فهمتيه بالغلط

وانا مع البنات في اللي قالوه
وايد ناس يعاملون الخادمة ماكأنها انسان ويتصرفون معاها كأنها ملك لهم وهم على كيفهم يسوون اللي يبونه فيها

انا من رايي افضل الحلول هو الاعتدال في المعامله
مانترك لها كل شي على هواها ولا ان نضربها ونسئ معاملتها
في ناس وايد عندنا هني تشوفين خدامتهم تقولين هاذي راعية البيت، تلبس الجينز والبدي والشعر هايلايت والموبايل في اذنها ومتى ماتبي تطلع وتروح وتيي :qaq:
ويقولون هي انسانة مثلنا، طيب ندري بس مو لهالدرجة
يعني ماندري وهي طالعه وش تسوي ووين تروح ومن اللي تكلمه في الموبايل
وبعدين منظرها قدام الزوج والاولاد في البيت
غير الامراض اللي ممكن تنقلها والبلاوي اللي ممكن تييبها لنا


احنا يمكن هني عندنا مو منتشره وايد مشكلة الاساءه للخدامات. ماقول انها مش موجوده بس من اللي اشوفه ان نسبتها اقل من بعض الدول المجاورة. والدليل ناس نعرفهم يقولون بنفسهم انهم في تعاملهم مع الخدامه مالها الا العين الحمرا
وبعض الخدم لما يجون من بلدان ثانية يستغربون معاملتنا معاهم (الحمدلله علاقتنا زينة بشغالاتنا) وعارفين حدودهم وشغلهم وكل شي له حدود

ومثل مالازم تكون معاملتنا معتدله معاهم لازم مانسكت عن اي تصرف خاطئ أو اي شك عندنا وناخذ الاجراءات اللازمة
فاذا الوحده شكت بسوء معاملة الخادمة لعيالها المفروض ماتسكت
لان في بعض الناس والله يخافون من الخدامات ان يحطون لهم شي في الاكل أو تقول لج دام هي مسوية شغلها زين في البيت فخلوها على كيفها انا من وين اروح اييب لي وحده يديده واعلمها من جديد :qaq: يعني شوفوا درجة الاهمال


المهم، شكلي وايد طلعت عن السالفه بس اظن اللي ابي اقوله وصل :21_207:

السلام عليكم ورحمة الله وبركاته ...

والله يا اختي ... هالناس وحوش اللي تكلمتي عنهم .... !! ...

اذا اللي يضرب قطوة ويعذبها يتاثم والله يعاقيه .. شلون اللي يعذب ناس !! .. وفقارى ومساكين بعد ...
والله كرمهم عن الحيــوان ..

يعني صح الخادمــات لهم اثر سيء .... بس الواحد يحاول قدر الامكان ام يكون الاعتماد عليهم قليل ...
مو مثل بعض البنــات ... اللي حتى غرفة النوم وملابس البنت وزوجها الخدامه تهتم فيها ...
وحتى البيبي ينام ويا الخــدامه ... والله حــرام !!! ...

بعدين ما يخليهم على كيفهم وين ما يبون يروحون ومتى ما يبون ... يعني انا برايي ان هالشي لازن يكون
فيه حزم .. بنفس الوقت ما يكون بوحشيه ... ودكتاتوريه !! ....

لان مساكين لهم رب اهمــه بعد ...!! .. وناس تحس ... مثلهم مثلنا ... مو عشان انهم فقارى وتغربوا ويشتغلون
عندنا نكسر روسهم ...

الواحد يعاملهم بالطيب .... وما يكون متساهل وياهم وايد .... لان الشي لي زاد عن حده قلب ضده ...
والمال السايب يعلم السرقة مثل ما يقولون ...


والاطفال حرام يكونون ويا الخدم ... اهيه تاكلهم تسبحهم ترقدهم تطلعهم والام ما تدري عنهم!! .. عيل ليش جبتيهم اذا ما تبين تهتمين فيهم ... !! ....
يعني صح الواحد يمل من اليهال حزات ... ومن حنتهم بس مو لدرجة ان 24 ساعه عالخدم يقطون اليهال ..


في الاخير اكرر .. الواحد يقلل الاعتماد عليهم ... والله يكفينا شرهم ...

مشكووورين على التفاعل والردوو الطيبة