زوجــــــــى وأأأأأأأأأأأأه من زوجــــــــــــــي

بدخل فالموضوع بدون مقدمات وبخلي ايدي تلعب على الكيبورد براحتها

انا الان في فتره ملكه

وقريبا الزواج لانه تاجل لظروف خارجه عن الاراده

المهم من موضوعي السابق تعرفوا ان زوجي بخيل انا ماكنت اعرف الا بعدين
بدايه من المهر اللي نقصناه وايد انتهاءا الى مراسيم العرس

بخل علي انه يركب ليتات العرس:(

يقول ماله داعي

كيف ماله داعي وهذا عرس !!!!!!


هو يقول انه اقتصادي

والكل يقول انه بخيل

كنت اريد العرس في فندق حالي حال غيري

بس مارضى وقال ماعندي فلوس ويوم نقوله ليش تتزوج دام ماعندك

يقول مو لازم في فندق وايد قاعات رخيصه!!!!!

وانا اخواتي مايضوا اني اتزوج في فندق!!!!!!!!!!! نعم وشو دخل اخواتك فالموضوع

المهم انا دورت قاعه ولقيت رخيصه وكنت فرحانه انها زينه قالي لا هذي غاليه

ودور هو واخواته قاعه حتى 100 شخص ماتكفي وكائيبه ولوعه وجدرانه خشب

هذي اخرتها من عز ودلال لـــ............ اللهم لك الحمد

المهم اهلي بعد فتره عارضوا واخترنى قاعه ثانيه رخيصه

ب 4000 درهم

يوم جينا نحجز على يوم الخميس قلوللنا ان يوم الخميس والجمعه القاعه قيمتها 5000

قالي غالي وانا مابدفع هالقيمه عشان قاعه :(


المهم انا عطيت1000 من عندي ومن ورى اهلي
وساعدته ب 1500 عشان الاثاث وكلللللللله من ورى اهلي ومن مهري لاني مااشتغل

المهم اجلنا الزواج وتغير يوم العرس وصار ايام الاسبوع وبرجعولنا 1000

تصدقوا ماقال برجعلك ياها قالي بسوي فيها الاثاث

انا عادي ماعلقت ولا قلت شي ولا حتى بينت له

المهم شقتنا غرفه وحده ومجلس صغير وشويه كذا عند الباب مساحه وفبيت اهله

اليوم جيت اناقشه بالاغراض اللي ناقصه واذكره بالتلفزوين قالي مابنشتري جديد

انا عندي تلفزوين قديم كبير

عصبت انا واتضايقت بس انا مامن طبعي اصارخ

بس اورم واتضايق وما اقدر اتكلم العبره تخنقني

قتله كيف تخليني بدون تلفزون فاربع حيطان وجاينا رمضان

قالي لما نرجع من شهر العسل بنشتري جديد هذا اذا كان اصلا فيه شهر عسل
واذا كان صدقه بنشتري جديد
وشهر العسل مقرر انه بعد شهرين من الزواج

المهم انا تضايقت وايد وهذا شي بسيط من اشياء كثيره

تصدقوا انه ماعمره فكر يجيبلي هديه :(

انا اللي اعرفه ان الازواج في فتره الملكه يحبون زوجاتهم ويغرقوهم حب

هو حتى التلفون بخلان فيه علي

يقولي انا ماعمري كلمت حد هالكثر وخلاص مانكلم كثير الا اذا شي مهم

احس اني مو مهمه عنده

هو كثير يميل للجنس(اعذروني على هالكلم واذا المشرفات يشوفوه مو زين يحذفونه )

الجنس مو اللي بالكم انا بنت وبضل ان شالله للزواج


انا اقصد الاشياء الثانيه .. اكيد المتزوجات فاهميني

غير كذا مااحس انه فاهمني او انه يحاول يواسني اذا كنت زعلانه

ودايما لما يزعلني وازعل بالطقاق اللي يطقني مايحاول يراضيني ويعصب ويقلبها علي

وبعدين يقولي جلسي فكري فاللي سويتيه من كل جهه

وشوفي نفسك اذا انتي غلاطانه ولا لا

خييييييييييير غلطانه فشوووووووووو!!!!

تعبانه من بخله ياناس .. ومااقدر اناقشه بهالشي
لان لما بديت اناقشه صارت حريييييييييييييقه بينا
وطبعا قلبها علي
اخوه بيتزوج وشقته اكبر من شقتي بمليون مره انا شقتي كانها صندقه جنبه
مااعرف ليش المفروض يعدلوا بينا ويناصفوا بالنص بس اخوه خذ القسم الاكبر وخذ كل شي جديد لزوجته
وبيسفرها شهر عسل
كان يكذب علي يقولي بسوي وبسوي ويخلي نفسه هااااااااااااي ومن اللي هم ومن صار الجد طلع المستخبى

احس زواجي مبني على كذبه

خدعني

اريد اعرف شي اللي يحب زوجته يبخل عليها؟؟؟؟؟؟


عيد ميلادي قريب اعتقد الا متاكده مابيجيبلي شي وحتى كل عام وانتي بخير مابيقولي:(


تخيولوا لما اقوله متى بتفصل كيكه العرس يتهرب

بعدين قتله الاسبوع الجاي بنروح نفصل كيكه العرس


يقولي ليش من بياكلها!!!!!!!!!!!!!!!!!!!

قتله اهلك واهلي

ورم وزعل

وترى مايصرف علي

اللهم مره وحده عطاني مبلغ بسيط لما سافرت

بالله عليكم هذا حال.. وهذا وانا بعدني ماانتقلت اعيش عنده

خايفه من حياتي عنده وحاسه بالحرمان

واحس انه بيحرمني من اشياء وايد بسبب بخله

حتى صرت افكر فلاولاد اللي بجيبهم

احس بيبخل عليهم باشياء وايد

يااااااااااربي ماعارفه كيف اتصرف ولا عارفه اشكي لمن مالي غيركم

مااحد يعرف بمشكلتي الا انتوا حتى امي مامخبرتنها واهلي اذا خبرتهم او شكيت لحد بيتشمتوا فيني وبيتموا يعايروني


شو اسوي كيف اتصر اناااااااا ضااااااااااااااايعه