قصائد أعجبتني

نفسي ( طموحه) ولا يبست بلايلها
قناعتي (كنز) وقت الضيق الجابه
الناس من طيبتي شبّـت فعايلهـا
الله عطاني (عقل) أنام واصحابـه
أسايـر ايـام عمـري واتخايلهـا
الوقت يمضي وغيري ضّيع حسابه
ماكل من دوّر (الطيبه) يحصلهـا
عكس (الرديه) تراها نار شبابـه
ياكبر (غلطه ) تجينـي واتحملهـا
احطها وسط صدرً يحفـظ ادابـه
احسها فـي خفوقـي واتجاهلهـا
ماينكشف سرها صدري لها غابـه
هذي عذاريب نفسي جيت اعدّلهـا
اغوص بحر المعاني وافتح ابوابـه
مير البلا في نفوس الشر مجبلهـا
ماهمها غير (قال) و(قيل) و(قلنابه)
يالله ياخالقـي منشـي مخايلـهـا
ياللي جميع الخلايق تاقـف ابابـه
تدلني صوب من يفهـم رسائلهـا
ارفع له الراس دايـم واتعزوابـه

:9_33:

يـمـه .. اذن والله اذن لـلـفـلاح
الله اكبر .. كيـف انـا مـا أستريـح
.
.
من قَبلْ ما اكتب الى اليـوم الصبـاح
قلت لي بيتين ( مكسور ) و ( جريح )
.
.
ويوم شفت الوزن فيها طاح .. طـاح
جيت ابي تعديله ... وقرّبـت اطيـح
.
.
آه يــازرق الخنـاجـر والـرمـاح
كم تحت بيض النصايب مـن طريـح
.
.
وآه يـاسـود الليـالـي والـجـراح
ماعلـى الدنيـا ضميـرٍ مستـريـح
.
.
إيـه انـا مديـت وكفوفـك شحـاح
ليـه مامديـت جـزلـه ياشحـيـح
.
.
عكْس رغْبات السفن تجـري الريـاح
لـو رفـع ربّانهـا صوتـه يصيـح
.
.
إن بديناهـا ( وصادفْنـا النـجـاح )
في النهاية( ما يصـحّ الاّ الصحيـح )
.
.
المهانـه.. والرخامـه .. والمـزاح
ماتجـي لـلـي يــدّور للمـديـح
.
.
والفصاحـه والمهـابـه والـسـلاح
علمها عنـد الشجـاع ابـن الفصيـح
.
.
ما رفع شان ( الديوك ) إلا الصيـاح
ولا قطع راس (الدواب ) الا الفحيـح
.
.
يمـه اعفينـي وارجـوك السـمـاح
تهت يمه في فضـا الكـون الفسيـح

:9_33:

على مسرح ( تعبهم ) والشقاوي
شرحت الدرس يالنجم السمـاوي


وصححت الـورق قبـل النهائـي
( ولم ينجح شحادة المستكـاوي )


وعلمتـه دروس ٍ لـو فهمـهـا
يشوف الـدرب ويعـد الخطـاوي


اذا هـم لجنـة المليـون درهـم
وبيع الشعـر والحـال متهـاوي


عتيبـة لجنـة المليـون شاعـر
تقيـم العـدل وتصـك الدعـاوي


وأصغر شاعـر ٍ فيهـا محاضـر
بجامعـة البطولـة والهـقـاوي


نعرف الحـق ورجالـه ونـدري
يغوص الـدر وتعـوم الرغـاوي


نعـرف انـه زمـان أم المهـازل
زمان الفبركـة وكثـر البـلاوي


ولا هو فخـر للفـارس بطولـة
يمنتجهـا المخـادع والهـواوي


وإذا تعجز عن العـدل القواضـي
على ويش اللحى ووين الغطاوي ؟


:9_33: