قصة ولادتي المؤلمه

السلام عليكم ورحمة الله

بنات انا المفروض ولادتي بتاريخ 24\6 بس تأخرت 12 يوم وماولدت الا بتاريخ 6\7

طبعا انا زي ماقلت لكم قبل كانت عندي مشاكل بوزن الجنين والسونار دايما يعطيني بالأسبوع 36

رغم اني كل اسبوع اعمل سونار

المهم انا رحت المستشفى يوم الثلثاء لأن ماكانت في اي حركه للجنين
وقالو لي لا زم تنويم علشان يسجلون حركات الجنين وانا وافقت وياليتني ماوافقت على التنويم

المهم نيموني الثلثاء والاربعاء وكان طول الوقت تخطيط المهم جاني الدكتور يوم الخميس الصباح

وقالي انتي بحساب الدوره لك 42 اسبوع يعني لازم نعمل لك طلق صناعي قلت له اوكي ابغى طلق صناعي
قالي طيب والسونار يقول انك بنهاية الثامن يعني لو السونار هو الي صحيح يكون في خطوره على البيبي لو حطينا الطلق الصناعي قلت له اجل راح انتظر مو مستعده افرط في الجنين

قالي الدكتور وتبغي نخليه في بطنك علشان الأكسجين يضعف عنده ويموت
قلت له طيب وش الحل
تصورو قالي وبكل وقاحه الجنين ميت في كلا الحالتين سواء خليناه في بطنك ولا عملنا طلق صناعي
استعدي الساعه 4 الفجر للطلق وطلع من عندي وانا بكيت بكي الله لايوريكم
تخيلو طلع من عندي 10 ونص الصباح وانا كلمت زوجي على طول وانا دموعي على خدي وجلست ابكي الى اربع العصر زوجي اخذ استخاره وطلعت ان جلستي بالمستشفى افضل
وقلت يابنت الناس الأعمار بأيد رب العالمين مو في أيدهم
صليت وقريت لي كم سوره وبعدها قريت لي ادعيه واكثرت من سورة الزلزله ومريم ودعاء هز السماء
وهاذا الدعاء له تأثير كبير لمن يقرأه
ولما صارت 12 بالليل قلت خلص ماراح اخليهم يحطولي الطلق وراح اخلي الدكتوره تكتب لي خروج
وسبحان الله حطيت راسي ونمت ويوم صارة الساعه 2 بالليل جلست وحسيت اني نزل علي مويه كميه كبيره ومو راضي يوقف
دقيت الجرس وجات النيرس شافت الماي
وعلى طول ودوني غرفة الولاده وقاست لي الدكتوره وطلع مفتوح 3 سم

والماي كان لونه اخضر لأن الجنين كان وانتو الكرامه متبرز جوا بطني

المهم صار عندي نزيف شديد والأكسجين نقص عند البيبي

ولما صارت 4 الفجر كان مفتوح 4سم والآلام كانت شديده وكنت تعبانه مره وقالت لي الدكتوره انها بتعطيني ابره تخفف الألم واخذت الأبره والحمد لله نمت
وجلست الساعه 7 الصباح وكان مفتوح 6 سم والآ لام زادة اكثر
الساعه 9 الصباح مفتوح 8 سم وانا خلاص احس اني ابغى ادفع والدكتوره تقولي راح تأذين الجنين
لاتدفعين
الساعه 10 و45 كان 10 سم وقالت لي خلاص ادفعي حاولت ادفع قد ما اقدر بس النفس ينقطع بسرعه
ولما صارت 11وربع الصباح وانا ما ني قادره ادفع اكثر قامت تصارخ علي وقالت لي انتي راح تقتلين الجنين وخلت 2 من الي يساعدونها يضغطون على بطني بقوه وانا ادفع بكل قول وبعدها شقت لي العجان والحمد لله ولدت الساعه
11و35 دقيقه وجبت احلى بنوته بالدنيا وطبعا انا كنت ناويه اسميها ملاك بس في اللحظه الأخيره تغير الأسم الى زهراء
وبعد ما خيطوني قلت ادق على زوجي وابشره ولقيت بالموبايل 11 اتصال كلهم من زوجي

وقلت اكيد قاعد يحاتي ودقيت عليه ولا رد دقيت على امه وقالت لي انه بالمسجد المهم رسلت له مسج ابشره وخلص من المسجد وجاني ركض
فرحان بالبنوته لأنه كان نفسه فيها وفرحان بقومتي بالسلامه
والحمد لله على كل حال
عارفه اني طولت عليكم بس هاذي قصتي بالتفصيل
:9_33: