بنات ساعدوني_هونج كونج_ضروري

حايره والشوق;4028386:
بنات ممكن تساعدوني

انا ابغى اروح لهونج كونج خلال اقل من شهر

ابغى اسواق حلوة و رخيصه لاني اموووووووووووت فالشوبينق

وهونج كونج غالية او رخيصة

وايش الاماكن الحلوة اللي لازم ازورها فيها

وابغى اسألكم عادي افيز من هونج كونج للصين وشنغهاي

بليززززززز ساعدوني

واي معلومات عطوني انا ابغى استفيدت من خبراتكم

وجزاكم الله الف خير

هلا حبيبتي انا بصراحه حاسدتج على سفرتج لهونق كونق.. لاني رحتها وخاطري ارجع لها مره ثانيه.. واهي من اجمل البلدان اللي رحت لهم
هونق كونق عباره عن جزيره تنقسم الى قسمين شمالي وجنووبي.. بصراحه انا مب ذاكره واايد اشياء عنها.. بس لو تبين تسكنين بوسط السوق انصحج بالشيراتون ولا الهيلتون..
البلاد تتميز بالماركات الاصليه الرخيصه.. بس المنطقه صغيره وااايد يعني ترى يكفيج الجلوس فيها اقل من اسبوع وبعدها تنطلقين للصين..

وعلى سالفة الفيز.. اذا طيارتج رايحه هونق كونق دايركت ... وبترجعين بلادج منها..انصحج انج تسوين الفيزا الدبل لانج اذا بتروحين شنقهاي ولا الصين.. بتظطرين انج تسوين فيزا ثانيه عشان ترجعين هونق كونق..

اتمنى انج فهمتي اللي اقصده عن الفيز.. واذا في اي سؤال ثاني انا حاضرتلج.. دزيلي عالخاص

اما عن العناوين..انا اقدر افيدج فايده كبيره لو بتروحين كوانجوو.. عندي العناوين بالعربي وبالصيني..حق المطاعم العربيه والفندق اللي فيه كل العرب والمحلات وكلشي

اما اذا بتروحين شنقهاي.. انصحج تسكنين في شارع نانجين .. واهو من اهو الشوارع اهناك..وانشالله كلشي يتيسر لج

اما عن بكين للأسف اني مازرتها :(


ومثل ماقلت لج اذا تبين اي شي انا حاضره لج

رحله موفقه حياتي

رحله موفقه حياتي

بالنسبة لهونج كونج احسن جزيره تقعدين فيها هي كولون لانها الرئيسيه في هونج كونج بالنسبة للسياحه , انصحج بفندق الانتركونتيننتال يطل على الكورنيش على طول ( على فكره كورنيش هونج كونج أجمل كورنيش في العالم ) وعلى الساعه 8 يبتدي فيه عرض الانوار منظر خيالي ورهييييب لا تفوتينه , وجنب فندق النتر على طول مجمع تسوق كبير وحلو وفي الشارع الثاني المقابل كله مشي واسواق على طول الشارع وراح تلقين ماركات فرنسيه مثل لوفي فيتون وديور وشانيل ( على فكره هالبوتيكات الاصليه نفس اوروبا يعني مش تقليد ) وبتلقين التقليد بعد , وطبعا لا تفوتين زياره ديزني لاند هونج كونج يبي لها يوم كامل , وبعد حديقه اسمها اوشن بارك هاذي اكبر من ديزني بعد , وفيه رحلات سياحيه تنظمها الشركات هاذي الرحلات تلف فيج على جزيره هونج كونج كلها وايد حلوه وتقدرين تحجزينها من الفندق نفسه , وانا انصحج ماتقعدين في هونج كونج اكثر من اسبوع لانه يكفي .... وبس واي استفسار انا حاظره :)