قصة ولادتي بعبادي

بسم الله الرحمن الرحيم
الحمد الله رب العالمين
واللهم صلي على محمد وآل بيت محمد

شخباركم عرايس
اليوم بكتب لكم قصة ولادتي
من قبل اذا اقراة قصة ولادة وحدة في المنتدى اقول متى اني اكتب قصة ولادتي وشلون راح اتكون
والحمد الله رب العالمين جة اليوم الي بكتبها فية
يلا مستعدين
جيبو لكم حب وبيبسي :gum:<<<<<<<<<<<<<<<حشى فلم هندي خخخخخخخخخخخخخخخ


اني من بداية الحمل وكل مرة يعطوني تاريخ ولادة غير يعني تقريبا عطوني معظم تواريخ كلها في شهر7
وآخر تاريخ كان 2/7
وفي هالتاريخ اني رحت الصالون احف وكنت مجهزة شنطة المستشفى وجميع اغراضي حق بيت امي
وكل ليلة اوصي زوجي لاتنسى اتجيب هذا ولاتنسى هالشي في هالمكان حطييتة لاتنسى اتجيبة
المهم
مر تاريخ 2/7 وماكان في اي اعارض مجرد آلام بسيطة يقولون عادية في نهاية الحمل.
وفي تاريخ 3/7 الظهر كنت اصلي وبعد ماخلصة قراة سورة مريم وبعدها اتصلة فيني صديقتي تسال اذا اولت او لا وقعدة اتوصيني شسوي وفضائل سورة يس انها واجد زينة ولازم اواضب على قراتها وقاعدة اتقول لي اشولن ولادتها كانت سهلة
وبعد ماخلصة المكالمة قمة اعدل اشوي في الشقة واني اسولف ويا زوجي
ومرة وحدة حسيت شي ثقيل نزل علي وقفة مرة وحدة ومبطلة عيوني :eeksign:حق زوجي وهو خاف يقول لي ويش فيش
قلتة لة لحظة اشوي
رحة الحمام تكرمون ولا اشوف سدادة الرحم نزلة اني هني مت خوف وفي نفس الوقت فرحانة اني بيشرف عبادي
ناديت زوجي جة يركض اقول الية شوف يقول لي شنو هذا
قلة الي هذا سداسة الرحم طاحة يقول لي يعني شنو الحين بينزل عليش ماي خخخخخخخخخخخخ
ضحكني والله هو مايعرف الا الماي الي ينزل على الوالدة
المهم اقول الية يعني هذا بداية الولادة
وشفة فرحة في عيونة عمري ماراح انساها
ومر اليوم كلة ومافي اي اعراض ومر اليوم الثاني ونفس الشي وفني احباط شديد ان مافيني اعراض ولادة وفي هاليومين كنت احس ان اشوي ماي ينزل علي بين فترة وفترة وخايفة اروح المستشفى ومافيني الم يحطون علي طلق صناعي
ناس قالوا لي ورحي مب زين حق الجنين نزول الماي حتى لو اشوي
وناس يقولن لي لاتستعجلين ترى بيحطون اليش طلق صناعي
وكنت محتارة :think:
وفي تاريخ 5/7 وكنت العصر بطلع اتصلة لي صديقتي ويوم قلة اليها عن الماي خوفتيني قالة لي مب زين ولازم اتروحي قلة خلاص بروح اليل ان شاء الله
رحت بيت ابوي وقعدة اسولف ويا امي وهي خايفة علي ان اروح ويحطون علي طلق صناعي
وكنت مترددة
لكن لما دخلة الحمام تكرمون شفة شي اخضر نزل علي اهني خفة قلة يمكن عبادي موسخ في بطني
على طول اتصلة حق زوجي وقلة الية من اتخلص صلاة تعال بروح المستشفى
وصدق بعد الصلاة رحت الشقة وتسبحة وبرزت روحي
وعلى طول المستشفى
واني في السيارة كنت حاسة ان مابطلع من المستشفى الا اني والدة
وكنت اشوي اسولف وامزح ويا زوجي واشوي اسكت والدمعة بتزل مني
ولما وصلة المسشتفى دخلت وشفة الممرضة وقلة اليها ينزل علي ماي
اتفكر ان نزل علي ماي كلة
جابت لي ثياب المستشفى وتبة اتوديني حق حجرة الولادة اقول اليها
لا بس اشوي نزل علي
وفحصتني وقالت لي 1 سم
قلة اشوة مو ولادة يعني بطلع من المسشتفى
وقالت بتسوي لي تخطيط
واني مصدقة عمري قلة الاتخطيط وان شاء الله بيطلع زين وبطلع وكل في فكري ابي اجي افتح النت لان مافتحتة ذاك اليوم (r)<<<<<<<<<<<<<<<<<<<متفرغة خخخخخخخخخخخخخخخخ
المهم
قالت لي روحي اكلي وتعالي
وسويت التخطيط
وشافتة الدكتورة وقالت بنخليش تحت الملاحظة الى الصبح لان التخطيط مب زين واذا ظل التخطيط الى الصبح مو زين بنحط عليش طلق صناعي اهني اني تخالطة المشاعر عندي فرح على حزن على خوف
وصرت مو عارفة شسوي بس الي ابية ان عبادي يطلع بسلامة
وقلة حق زوجي
وطلع يسوي لي اوراق دخول المستشفى
واني رحت غرفة الولادة واني ماكنت اعرف انها غرفة الولادة المهم
طول اليل والساعة مقابلتني
وكنت احس بين الالم والثاني 5 دقايق بالضبط بس الم خفيف
ماكنت اعرف انها ولادة
والممرضة تروح وتجي وتقول لي الحمد الله التخطيط زين
واين كنت فرحانة واقول خلاص بطلع بكرة
والصبح الساعة تقوريبا 6 جة الدكتورة وطلعة مفتوحة 5 سانتي
اهني اني قمة ارتجف من الخوف:sad: وفتحت لي كيس الماي
واشوي اشوي قام الالم يزيد
وظربوني اربع ابر حق يخفف الوجع اول ابرة استفة منها اشوي لكن الباقي مامنهم فايدة
وظلية تقريبا اليى الساعة 2 الظهر ل اشوي اقول ان شاء الله مايجي الساعة 6 الا واني والدة
وبعد اشوي يمكن 2 ونص وقمة احس سبحان الله اني فيني عصرة يعني مثل الي ابي اروح الحمام
وتجي وتروح وبعد اشوي يعني الساعة 2 و55 دقيقة جتني عصرة قوية تقولالممرضةاي عصري احلى عبادي واني مو مصدقة اشوف شي جاهل صغير طلع من تحتي وشالتة وخذتة برة اقول الي الممرضة طلع الجاهل اتقول لي اي الحمد الله على سلامتش
واني قعدة احمد ربي
وبعدين جابوا لي يجنن قعد يطالعني بعيونة احلى عيون
والحمد الله رب العالمين
كان كلشي ميسر من الله حتى الشق والخياط ماحسيت فية وبسرعة طاح بعد عشرة ايام

وكنت بقول شي في النهاية لا المشي يسهل ولاالزعفران وهالخرابيط
صقوني التساهيل من رب العالمين
اني طول حملي يمكن مامشيت غير مرتين او 3 وعلى ربع ساعة او ثلث ساعة
توكوا على الله وعلى محمد وآل بيت محمد
وان شاء الله الله ماراح يخيب ظنكم
وفي النهاية الله يرزق كل محروم ويقوم كل حامل بالسلامة ان شاء الله:B_wink: