عذاب الزوجه الثانيه

ماعرف شارد عليج ....... ادري انج مقهوره الله يعيينج على ما بتلاج


وان شالله خواتي بيساعدونج

الله يعينج..

غلطتج ... ليش ماسألتيه عن أوضاعه مع زوجته الأولانيه ... واذا كان مفكر يرجعلها ولا لا ؟!؟
المفروض من البدايه الواحد يشوف هذي الأمور ويدرس الموضوع عدل عقب يقرر يوافق ولا لا :)


الله يوفقج ... ومالج الا الصبر ... الا اذا تبين الطلاق فهذا شي ثاني ...


وبعدين ليش ماتقعدين وياه وتكلمينه بهدوء وتشوفين شاللي في خاطره واشلون يفكر وليش يسوي جذي ... يعني حبيبتي كلميه وعلميه باللي له ولي عليه

فدييتج ...


انا ما ابا اثقل عليج اكثر و ادري انتي تبين الحل الحينه .... و مو محتاجه حد يلومج و لي فيج كافيج ...


بس فديتج حطي في بالج الحينه الاوضاع مابتتغير لانه هم بنااته لو شو و هي ام عياله ...

دام اخترتيه بس هذا قدرج و هذا نصيبج ... تحملي و تصبري و انشالله الاوضاع بتتحسن ... وو كلميه و قليله على الاقل يبينلج اهميتج بعد

و الله يكتب الي فيه الخير لكم

صح الكلااااام الحين ماااااينفع بس
انتي غلطاااااااانة حبيبتي كان المفرووض تشرطين عليه ولو فيه خير م وتتأكدين ان مدة الطلاق انتهت حتى مااايقدر يرجعها بسهوووولة اااارمى عياله من الاول
وبعدين الوحدة ماايحلى زوجها بنظرها الا لما تشووووفه يتزوج غيرها وهذا حال زوجته الاولى
تبي تنغص عليك!
شكله تزوجك عشاااااان يغيظها هب عليهم هالرجاااااااااال مالهم أمان
شوفي حبيبتي لاااااااتجرين وراه واعرفي كيف تتغنجين وتتدلعين وتخلينه يجري وراك! ولااااتتكلمين عن ولاه وزوجته كل شوي لانه كذا كل مااازعل منك بيغيظك فيهم!!

الله يعينك يااااااقلبي


ام عبوووودي

الله يعينج


شكلة يحب زوجته و واضح لانه رجعها و ما صدق يعني ما كان مقتنع بالطلاق و مفتقدنها

و تزوجج انتي حتى يقهرها

بالاخير انتي ادرى بنفسياتهم

و طمنينا عليج

مشكورين حبايبي علي ردودكم
والله مدري شسوي معاه وانا عمري مافتحت موضوع زوجته الاولي وعياله دايم هو اللي يسولف عنهم كنه بيغيضني
ولما رجعت زوجته يقول انه رجعها عشان عياله وعذرته مع انه ماراح يرد علي
والله اني اصبر صبر علي امور مايتحملها بشر بس لو بزعل عليها جان باتم طول ايامي زعلانه ماكلمه
بس واله شكيت لاني احس قلبي مجروح ومقهوره ومالي الا الصبر
دعواتي لاخواتي اللي نصحوني من قلبهم الله يرزقكم ويوفقكم

اختي يمكن لو جبتي عيال بيقعد معاج

لانه من كلامج افهم انه مهتم بعياله

يرد على تلفون بنته وانتي لا

رجع زوجته الاولانيه عشان عياله

بس بالاول فكري هل تبينه انتي او لا؟

يعني لا تجيبين عيال وبعدين تقولين طلاق حرام عيالكم يتفككون

وصلي استخارة هل تجيبين عيال او لا

والله يصلح الحال

الله يمسح على قلبج

وان شاء الله يهتم فيج ومايسوي اشيا تقهرج

الله يعينج ويصبرج عليه

,
,,

حبيبتي ورده البنفسج خلج قووووية صدقيني الدنيا بتمشي مابتوقف عند جي

انتي مشكلتج اهون من غيرج

ومصيره ان شاء الله بيرجع لج

بعدين لازم بيخصص وقت لعياله مهما كان

وانتي احتسبي الاجر في عياله تخيلي لو كانوا هاذولا اعيالج مب بتتمنين لهم هالشي

نصيحتي سوي اللي عليج من واجباتج كزوجة وصيري احسن من الزوجه الاولى

وسولفي معاه باللي يحب اوكيه اذا كان يحب يتكلم عن اعياله اسأليه اشلون اعيالك شمسوي

وخلج قوية ولا كأنه فيج شي واشغلي وقتج بهواية لأن ريلج مابتم معاج 24 ساعه

ولاتنسين الدعاء

موفقه اختي دنيا واخره
,,
,

غلطتج ... ليش ماسألتيه عن أوضاعه مع زوجته الأولانيه ... واذا كان مفكر يرجعلها ولا لا ؟!؟
المفروض من البدايه الواحد يشوف هذي الأمور ويدرس الموضوع عدل عقب يقرر يوافق ولا لا


الله يوفقج ... ومالج الا الصبر ... الا اذا تبين الطلاق فهذا شي ثاني ...


وبعدين ليش ماتقعدين وياه وتكلمينه بهدوء وتشوفين شاللي في خاطره واشلون يفكر وليش يسوي جذي ... يعني حبيبتي كلميه وعلميه باللي له ولي عليه

زي ماقالوا وما الحب الأللحبيب الأولي
حبيبتي هذا شيء طبيعي لان الأولى مااهتمت فيه الألما تزوجك علشان بس يبعدعنك وطلقك

بس لاتتركينه دلعيه وسويله الي مايخطر على البال والله يسرلج

الله يعينك و يفرج همك حبيبتي

حبيبتي انتي مو اول وحده ولا اخر وحده

بس تكلمي معاه وفهميه ان العدل واجب


وصدقيني هو لو مو باغيك من الاول كان ماجا خطبك

هو يبيك لانه شاريك مو عشان يغيض الاولىوفرضا قلنا عشان يبي يقهرها .. انتي بانوثتك ودلعك بتجذبينه لك بس لاتخلين الهم ياكل قلبك


انتي انثى والانثى اذكى من انها تيأس وتستسلم

اجذبيييييييييييييييييييه لك

ولاتنسين ان جينا للحق فانتي الثانيه والثانيه دوم تجذب بطريقه غير شكل


الله يوفقك

السلام عليكم ورحمة الله وبركاته
اخواتي لسنا بصدد لومها فما قد حصل حصل واصبح امر واقع انه متزوج من اثنتين فالمؤمن لا يستعمل كلمة لو ,والاخت فضفضت وطلبت المشورى التي ستجدها صعبة لاننا في داخل كل منا ان الزوجة الثانية هي المذنب الوحيد حتى ان تزوجته وهو مطلق.
اختي احرصي ان لاتضعي نفسك في مقارنة مع اولاده فستكونين الخاسرة بل ازيدك انه في بعض البيوت عندما تضع الام نفسها بمقارنة مع ابنتها من حيث المعاملة قد تخسر فما بالك بزوجة الاب.
انت يجب ان تتناسي وهو معك ان هناك زوجة اخرى كي لا تغيب السعادة بينكما فتبعديه عنك.
لا تتعاملي وكأن بيته الثاني حاجز بينكم فهذا الحاجز لا مجال لازالته وعليك التكيف مع ذلك اعرف انه ليس ذنبك ولكن حتى لو ظل مطلق فهو أب لديه ملتزمات اخرى خارج بيتك.
هذه نقطة صعبة ولكن حاولي دائما انتِ ان تذكريه ناحية التزامه بالبيت الاخر ومن طلب العدل لغيره سيناله هو بالتالي.
وانا مع الاخت التي قالت يجب ان توجدي عائلة كاملة له في بيتك ففكري بادخال عنصر البهجة الى كل بيت وهو الاطفال .
ارجو ان اكون افدتك ولو بالقليل واسال الله ان يعينك وان يوفق ما بينك وبين زوجك.
[COLOR="DarkOrchid"]آمين[/COLOR]

مرحبا اختي ورده البنفسج
الي يصير شي طبيعي جدا لكل زوجه مو بس للمتزوجه علا ضره
يعني لازم ت صبرين وانا عندي خطط هههههههههه اذا تبين النصيحه والمشوره لني انا عانيت مثلج بظبط بس بذكاء وصبر قدرت اسيطر علا كل المواقف لن ام العيال ما حلا زوجها الي هو حبيبي واغلى شي عندي بدنيا الا لما تزوج عليها بس بس بس بس بس
((((( نصيحه لوجه الله))))
لا تحطين نفسج بمقارنه مع عياله واعتبريهم عيالج او خوانج اذا انتي صغيره لن حرام هم مالهم ذنب بلي يصير وضحيه ام واب ماتفاهمو من البدايه وتزوجك علشان يرتاح والي يصير لك الحين هو تانيب ضمير للزوج بس وربي بيجي وقت ويرجع احسن من اول وانا من الاول صرت لعياله اخت لهم لن صغيره بسن واكبر بناته اصغر مني بسنتين بس وكل عياله يحبوني لني لما شفته يسولف عنهم كنت اغير بس قمت انا اسال عنهم واعزمهم عندي بلبيت والعب مع الصغار واعطيهم العاب وشوكولاته ومن كثر مايحبوني ولده الصغير عمره 5 سنوات يقول بابا ليه ما تزوج((0000)) الي هي انا قدام امه والحين خلاص مالها حيله وقامت هي ماترسل احد لي تخاف يتعلقون فيني اكثر لن قبل تحسس زوجي بانه اهمل عياله لما خذاني والحين تبي الفكه هههههههههههه

الله يعينج ويصبرج


ويحنن قلب ريلج عليج

مشكورين حبايبي والله ان اهتمامكم ونصائحكم افرحت قلبي واشكرك اختي شذي الاقصي لانج فهمتيني لاني ابي االلي يساعدني مو يلومني مع اني مو بموقع لوم بالعكس انا احس ان انغدر فيني ولا قادره اسوي شي او اعترض انا خذيته اعزب والحين زوجته بترجع خلاص ولا بيدي حيله ولا قادره ازعل واروح بيت اهلي اقول دايم الصبر جميل وانشالله ربي يعوضني خير
والله ثم والله اني اسال عن عياله واقوله روح شوفهم وزورهم بس هو الله يهديه ويسخره لي اللي يقهرني بتصرفاته
اختي دلوعه خطيره شكللك عشتي معاناتي والله رزقك علي قد صبرك والله يوفقك
ساعات افكر اقول ليه يصير لي جذيه والله اني بشهاده الكل مو ناقصني شي انا جميله وطليقته اللي بترجع الحين عاديه جدا مع اني انظر للجمال كشي ثانوي بس انا عندي الاهم وهو قلبي وشخصيتي اللي ماتملكهم هي بعد
يارب صبرني وسخر لي زوجي
اشكركم كل الشكر اخواتي علي نصائحكم