قولي باي باي للمتن وواجهي العالم بجسم جديد(على ضمانتي)

:Zd_bye_3:السلام عليكم ورحمة الله وبركاته
شلونكم شخباركم يا رشيقات المستقبل

يلا راح نبدي على السريع وبدون مقدمات وأتمنى أن الكل يستفيد من موضوعي بإذن الله تعالى:

أول خطوة بنسويها مع بعض هي حسابات بسيطة عشان انعرف نوعية الوزن إلي فينا:
قسمي وزنج على مربع الطول بالمتر يعني مثلا وحدة وزنها 70 وطولها 160 بتكون الحسابات
بهذا الشكل : مربع الطول يعني 1,60ضرب1,60=2,56 وبعدين تاخذين الوزن70وتقسمينه على
مربع الطول 2,56 بيطلع الجواب 27,3 اوكي والحين:
إذا كان الجواب من (25 إلى 29,9 ) يعني وزن زائد
و إذا كان الجواب من (30 إلى 40) يعني سمنة متوسطة
وإذا كان اكثر من 40 اسمحي لي اختي انت سميــــــنة
وإذا قل عن 22 يعني نحافة والطبيعي بيكون من (22 إلى 25)

وثاني خطوة بنعرف الحد الأدنى والأقصى للوزن المثالي يعني إلي طولها 160 :
الحد الأدنى للوزن المثالي إلي لازم توصل له نضرب مربع الطول في 20
1,60*1,60=2,56 ضرب 20 =51,2
الحد الأقصى للوزن المثالي لنفس الطول السابق نضرب مربع الطول في 25:
1,60 ضرب 1,60=2,56 ضرب 25=64
يعني إلي طولها 160 لازم يكون وزنها بين 51,2 و 64

بس حبيت اخبركم لما بتسون هاي العمليات الحسابية لا تنسون الفاصلة الموجودة في رقم الطول يعني ماتكتبون 160 لا لازم 1,60 والا كل الاجوبة غلط

الرجاء عدم وضع أنظمة حمية او ريجيم
وشكرا

&&& قبل المشاركة الرجاء قراءة هذا الموضوع &&&
الرياضة
اول شي لازم نكون لابسين ملابس قطنية وحذاء مريح
ثاني شي يا تسوين الرياضة بعد ما تاكلين شي خفيف جدا مثل فاكهة او توست اوعصير او بعد الاكل بساعتين الى 3 ساعات والا ماراح تستفيدين شي يعني قعدي احسن لج
ثالث شي ممنوع الاكل بعد الرياضة لانج بتشوفين نتيجة عكسية تماما يعني بتمتنين اكثر لازم تنتظرين ساعتين
رابع شي الدش الدافيء بعد الرياضة جدا مفيد
خامس شي للي يلعبون بالنوادي ممنوع تلعبون باستخدام الاوزان الثقيلة لانه بتمتنكم اكثر استخدمو الاوزان الخفيقة الي تساعد على حرق الدهون مو بناء العضلات
رابع شي رياضة المشي لازم اتكون الخطوات الي نمشيها اوسع واسرع من خطواتنا الطبيعية والا انتي مو قاعدة اضيعين وقت عالفاضي

التي تعاني من ثبــــــــــــــــــــوت الوزن :
الي تعاني من ثبوت الوزن توجد عدة طرق يا اتزيد نشاطها اكثر في الرياضة لانه الجسم بيكون متعود على النمط الي تمارسين فيه الرياضة فبالتالي ما راح يحرق شي او توقفين رجيم وتاكلين مالذ وطاب لمدة يومين وتمصخينها في الاكل وبعدبن ترجعين للريجيم او انج تسوين ريجيم متعدد السعرات الحرارية مثلا اليوم الاول تاكلين 500سعرة واليوم الثاني 700 واليوم الثالث 900 وهكذا.

أشيـــــــــــــــــــــاء زيادة بتساعدج انج تخسرين وزن:
الو شي انج تشربين ماي دافي مع قطرات ليمون الصبح وثاني شي انج تشربين جاي اخضر
قبل ما تنامين بليل طبعا لغير المتزوجات والي متزوجات ممكن في اي وقت تاخذين خل تفاح وقهوة تركية وليمون وزنجبيل اخضر وتخلطينهم مع بعض وتوزعينهم على الاماكن الي تبين تنحفينها وتدلكين وبعدين تلفين نايلون ويفضل انه ترصينه على الاماكن الي وزعتي في الخليط والصبح قعدي عادي وتسبحي

خطـــــــــــــــــــــــط لمعالجة ضعيفي الارادة والي شهيتهم مفتوحة
ابتعدو عن الاماكن الي تتواجد فيها رائحة الاكل
لما تكونين معزومة دائما طالعي الي اجسامهم حلوة في العزيمة واختاري الاكل الي فيه سعرات حرارية قليلة
اخذي حصالة ولما يكون خاطرج في شي امتن مثل الحلاوة اخذي القيمة الي كنتي بتشترين فيها الشي وحطيه بالحصالة ولما تضعفين اخذي الفلوس واشتري فيهم شي كافئي نفسج فيه
لما نفسج اتهزج على شي ركضي للمنظرة بسرعة وطالعي فيها جسمج من جميع النواحي واتحداج اذا صار خاطرج في الاكل مرة ثانية

اتمنى اني ما طولت عليكم واتمنى انكم تستفيدون ومافيها شي يا جماعة لو حرمنا روحنا من الاكل شوي لانه طول عمرنا قاعدين ناكل ويا ريت الي عندها تجربة تخبرنا عنها بعد

تمنياتي لكم بالصحة والرشاقة