معلومات عن العمرة؟

مرام2006;4021188:
بسم الله الرحمن الرحيم

مرحبا بنات بيغيت منكن مساعدة شوي أنابسافر العمرة ويا اخوي وخواتي واول مرةنزور الكعبة عندي كم سوال أتمنى إنكن تساعدوني نسافر في الشهر 8

س1: كيف الجو الحين ؟
شهر 7 الحرارة مب وايد مرتفعـــــه .. يعني حتى لو بس انتي ما بتحسين بهالشي مول ..
وبشهــــــــر 8 معروف انه الحراره معتدله هناك ...
واحلى بصراحه انج تروحين العمره بشهر 8 ..

س2 سارين مع الحملة كم ساعة يستغرق سفر بري من الإمارات إلى مكة
على حسب الحمله ..
يعني لو الحمله وايد توقف في استراحات ,,, بيكون يومين
اما لو طلعتو مثلا الفير من الامارات وواصلتو بس بدون تاخير في الاستراحات بتوصلون اليوم الثاني الصبـــــــــــــــح ..

س3 كيف تكون الاسواق جريبة من مكة ولابعيدة وكيف اسعارهم
على حسب الفندق .. بس عموما الأسواق جريبه ..
الأسعار بالنسبه للمراكز لو المحلات راقيه شرات اللي في الامارات بتكون نفس الاسعار .. يعني اللي بـــ 200 تراه بـــ 200 وجيه (( يعني في المراكز أغلى ))
بس في الاسوواق اللي برع بتحصلين اشيا بمختلف الأسعـــــــــــــار (( في الاسواق العاديه اللي برع يعني معقوله أسعارهم ))

س 4 من ناحية الامن في ولا لا
بصراحه مب وايد أمان هناك .. يعني لازم تتحملون من عماركم لانه هناك وايد حراميه ووايد من اللي يتشحون البيزات ..بس عن نفسي (( رأي شخصي ))
المكان ما ينفع للصغار أبدا ...
لأنهم مسؤولية ويبالهم تيودينهم وتودينهم وياج هناك وانتي كله بتصلين و بتعتمرين فـــ صعب انج تودين ياهل وياج .. انا هذا اللي اشوفه ..
لكن لو وديتو يهال لازم تتحملون من عماركم ومن يهالكم وان شااء الله تردون بالسلامه ^_^

س5 من ناحية البيزات وين نحطهم
حطيهم عندج يعني ... لا تحطينهم في شنــــــــــــطة الملابس ..
خليهم في شنطة اليد احسن وكل اشوي يعني شوفيهم ..


س6 عادي اصور المساجد والكعبة لذكريات
لا ما يستوي ادخلين الكيمرات داخل الحرم ..
صوب كل باب شي شرطيه واقفه وشرطي
الشرطيه بتفتشج ولو حصلت عندج كيمره بتشلها لأنه ممنوع
ولازم ما تشلين شي حاد وياج بعد لانه ممنوع ..


الله يخليكم لاتبخلوعلي

:salam: