ياترى بشنو تنصحوني

بسم الله الرحمن الرحيم
السلام عليكم ورحمة الله وبركاته
خواتي العزيزات مشكلتي هي ان زوجي الله يهديه بدون شخصية او بالاحرى مايمارس شخصيته الا معاي واي شخصية المتسلطة الدكتاتوريه المستبدة يعني لو خواته او اخوانه يبون شي يامرون ويتدللون اما انا لو ابغي شي لازم اترجاه وانزف واتبهدل حتى خلوتي وياه ماألقاها دام هم موجودين والله ان حتى غرفة نومنا يدخلون علينا واذا قاعدين نسولف اقول له نسكر الباب يقول لا وأبد مايحترمني قدامهم يحب يسولف معاهم وايد اما لو قعدنا انا وياه بروحنا كله ساكت وأي مشكلة مهما كانت صغيرة يذلني بها أحيان كثيرة ويمكن كل يوم يخانقني أحيان أقول أنا ليش قاعدة عندة الاحسن لي اني اتركه لكن ماودي اتطلق انا مابي شي غير انه يتوقف عن ذلي ويصير قلبه علي ويعطيني حقيومثل ماهو طيب وحبوب مع الناس يصير طيب معاي لأن أنا بعد انسانه