اول مرة وخلاص توبة......الحقوني

يا ريت يا بنات اللي تعرف حاجة تفيدني تساعدني بيها .
انا عندي بوجهي شعر زايد وبقالي سنين بعملو تشقير . لكن بضوء الشمس يبان اني عاملة تشقير وخاصة انو الشعرات طويلة شوي وخاصة بالمنطقة القريبة من الاذن وكنت عاوزة اشيل الشعر بالحلاوة لكن بشرتي حساسة وما تستحملش فقلت ليه ما جربش اشيلو بالة براون وهي فيها قطعة للوجه.وقلت بالاول اجرب في مساحة صغيرة عشان لو مش حيناسبني ما اخربش كل وجهي وتفضل النتائج محصورة بمكان واحد وشلت الشعر بمنطقة الذقن بالالة وحطيت بعدها بودرة ومي وكلها ساعتين وكاني مش عاملة حاجة لا احمرار ولا حبوب.وتاني يوم لقيت برضو ما فيش اي اضرار قلت خلاص اعمل وجهي كلو بالبراون.وفعلا شلت شعر وجهي بالالة..اول يوم شلت الشعر فيه كان وجهي محمر كتير وانا قلت عادي عشان اول مرة اشيل الشعر وبشرة وجهي مش متعودة على كده.
تاني يوم صحيت من النوم لقيت خدودي مليانة حبوب صغيرة زي البرغل والحبوب كتيرة قوي .احس انو مكان كل شعرة طلعلي حبة.بس الحبوب دي كانت صغيرة ومش باينة الا لو بصيت كويس وقلت عشان بشرتي حساسة واول مرة انزع الشعر منها وكلها يومين والحبوب تروح وبقالي اربع ايام والحبوب لسى موجودة بس اللي خوفني وخلاني اندم عالساعة اللي فكرت فيها اشيل الشعر هي اني صحيت النهارده لقيت في بعض الحبوب عاملة بقع حمرا كبيرة مكانها مش عارفة البقع دي جت ازاي.وانا دلوقتي خايفة البقع دي تفضل تاركة اثر في وجهي لان منظرها بيشوه وجهي قوي,هي حمرا وكبيرة وكمان خايفة لا كل الحبوب تترك اثار وبقع زي دي تبقى كارثة.والله ندمانة قوي ومتمنية لو فضلت عالتشقير بس قلت اجرب اشيلو لاني كنت لما اشقر وامشي تحت الشمس او في ضوء قوي ببان انو في شعرات كتيرة متشقرة بوجهي بس برضو كان ارحم من كدا .
يا ريت تساعدوني يا بنات مش عارفة اخلص ازاي ومن غير ما يفضل بقع في وجهي .ارجوكم اللي تعرف حاجة تخلصني من الحبوب ومن غير ما تترك اي اثار مكانها تساعدني.وكمان خطوبتي بعد اسبوعين يعني لو فضل وجهي كدة مصيبة.خلاص توبة وحرجع للتشقير تاني وكمان بنات يا ريت تدلوني على مشقر كويس وما يكونش بيطول الشعر .انا بستعمل جولين الاخضر ومرتاحة منو قوي بيخفي الشعر كويس بس زي ما قلتلكو عشان الشعر بوجهي طويل هو ببان تحت الضوء انو متشقر بس والله مش عارفة ان كان الشعر بقى طويل من التشقير لانو اول ما بديت اشقر كان اصغر من كده بس مع السنين حسيت انو بقى طويل اكتر من الاول.اسفة والله طولت عليكو بس من حرقة قلبي وخايفة يتخرب وجهي.