المشكلة خيانه زوجيه.... ابغى المشوره

السلام عليكم ورحمة الله وبركاته
حبيباتي ابغى مشورتكم في موضوع صديقتي المسيكينه متزوجه لها سنتين وماحملت الى الآن وفحصت ومافيها شي ولا حتى زوجها والحين زوجها ملتم على صحبة سوء وتغير عليها شوي وصارت تشك فيه من حركاته على النت وصار يقفل عليه الباب ويقعد بالساعات على النت وتحاول تكتشف ايش مغيره عليها مالقت غير الصحبه السيئه ...سهر بالليل وصار يدخن وبعدين كل ما تكلمت معاه عن تغيره عليها وتغير اخلاقه وصحبته يقول لها احملي وجيبي لي عيال واوعدك ارجع احسن من اول ....المهم من شهر تقريبا صارت تحس بجفاء شديد منه مع انه يحبهاويموت فيها ومع ذلك اخر اسبوعين صجها ابتزوج عشان ابي عيال .
ولم تتناقش معه تقول اذا كان مني السبب معليه تزوج لكن مو مني ولو سويتها بروح لأهلي وهويقول انت حبيبتي والثانيه عشان العيال ولا يمكن اتخلى عنك ولابفكك....
المهم في الموضوع اليوم كلمتني وهي تصيح صياح ياااااااحياتي وتقول شافت جواله واكتشفت رقم غريب كل المكالمات له وبالساعات وعورها قلبها تقول خيانه مع وحده وتأكدت من الرقم قامت اتصلت عليه ردت وحده فلما سألتها منو انت قفلت الخط ولا عاد ردت عليها ...
وفتحت رسايله لقتها حب وغرام لصاحبة الرقم وجن جنونها ان فيه رساله ارسلها لخويته الجديده وهم جالسين يتعشون بمطعم يعني لأي درجه استغفلها ....وكمان تقول ياقهههري اشترى لها عطر هديه لقت اسمه في رساله طلبه منها يعني تقول شم عليها عطر وعجبه وراح يسأل عنه ويشتريه هديه لي وهي تبكي بحرقه شديده .
وطبعا واجهت زوجها بالكلام هذا واعترف بكل شيء بس على انه خاطب مش خيانه وتقول مو مصدقته لأن مافي عندنا
اهل يرضون للخطيب يروح ويطلع مع خطيبته هذا الكلام موعندنا مايقدر يطلع معها الا بعد الملكه (العقد)وهو يقول ابوها فرييييي يبغانا نتعرف عى بعض اكثر ....لكن ماصدقته البنت من قبيله معروفه يعني مستحيل ابوها يرضى تطلع مع احد خطبها بدون عقد أكيد البنت طالعه معه لعابه بدون علم احد للأسف
ولما شافها انهارت صياح وكذبته وانه خاين يقولها ايش تفرق عندك خطيبتي ولا خويتي ... طبعا حاولت تلم اغراضها بتروح بيت ابوها ...انهبل زوجها وعيا عليها تلم شيء وانه يحبها ويموت فيها وقال انا بفك خطبتي وخلينا نسافر اجازه وننبسط واذا رجعنا نراجع المستشفى من جديد ونبدأ صفحه جديده...
طبعا هي مارضت وتمت زعلانه وتبغى مني مشوره في وضعها ما تبغى تمشيها له ببساطه ماتضمنه يكررها مع اصحاب السوء وانا قلت مالي غير حبيبات قلبي بنات عروس يشيرون علي وارد عليها وآسفه على الإطاله بس لا تحرموني من مشورتكم وجزاكم الله خير..