قطعة العيد تعالوا شوفوا اي موديل اختار؟؟

السلام عليكم خواتي

اسميني لفيت لفة محترمه في هالقسم بس مالقيت الي اباه :sad:

بخبركم سالفتي .. انا من شفت زينب العسكري في مسلسل بلا رحمة لابسه قطعه سودا فيها نقط بيضا .. وانا ما عينت خير .. ماذكر كان فستان او شو ..

المهم اليوم شريت القطعه اخيراً بس نقط اصغر شوي ولونهم ياي على بيج او وردي خفيييف نفس هاللون تقريباً .. طبعاً القطعه شيفون اسود ..

انا خاطري افصلها موديل كلوش للعيد .. لا تستغربون لاعت جبدي من المخور مع اني بسويه بسويه ومن الملابس الكويتية حق صباح العيد .. فقلت ابا اغير بموديل كلاسك حلو ..

بالذات اني اسكن مع اهل ريلي فاستحي البس شي ربشه وايد .. :D_smil1: (قصه حياتي )

بقولكم فكرتي شو .. وشدوا همتكم يالمصممات وياي ..

لي فكرتين ...

1- اسوي كسرات تحدد الصدر وفي النص اشتري كريستالة حلوة على لون النقط ( او ممكن ورده بارزة) .. يعني كأن الكسرات شادة صوب الكرستاله ( عرفتوا قصدي .؟؟ )

وبعدها الكم يكون ماسك على ايدي لين عظمة الكوع .. ومن بعدها كريستاله ثانيه نفس الي عند الصدر و يبدا الكم يوسع وينزل بشكل فرنسي ..

الحين قولوا لي احط ورده واللا كرستاله ؟؟

واخر شي يا اني بشوف حركه خفيفه لتحت او انه ينزل فرنسي واسع كلوش وبس .. :D_smil1: شفتوا البساطه ..

الفكره الثانية

2- اسوي نفس حركه الصدر .. ولكن من ورا الرقبه .. اسوي تور خفيف مب مرتفع وايد على شكل كسرات كبيرة كأنه أبة الملوك او اللحاف مادري شو هههه الي يحطونه على ظهورهم الملكات طبعاً انا اقصد حركه الرقبه مب اللحاف نفسه (مادري ليش ناسية اسمه شو يسموونه؟؟) ههههه نفس الي في الرسوم .. بس من بداية الاجناب وعلى الرقبة من الخلف كامل وتلف على الطرف الثاني والصدر بدون التور ..

هذا اقرب وصف للتور الي اباه على هالكتكوته فديتها .. بس طبعاً بيكون طوله اقل بوايد من هالصورة



التور يكون بلون النقاط تقريباً او اسود (شو رايكم اي لون) وعلى الكم من الاخير نفس التور بكسرات طبعاً كبيرة طالعه من داخل نهاية الكم ..

يارب تكونون فهمتوا علي .. وفوق هذا بشوف الخياط شو ممكن يرسم لي من شكل ..

دخيلكم خبروني شو اسوي واذا افكاري مب شي قولوا .. واللي لها بارض ترسم لي الشكل انا مااعرف ارسم :sad: او تعرض علي فكرتها اليديده ...

وتذكروا اني ابا شي سمبل بسيط وتراني ضعيفونه وطويله جسمي يساعد لها الملابس .. :B_wink: