كيف اتعطرين او تبخرين شيلتج و عبايتج؟؟ خبروني

مرااااااااااحب الغالية

بنسبة لطريقتي استخدم العطور الي على شكل دهن الي تنباع بالتولة للعبي و الشيل العربية و الفرنسية

لانها تبقى فترة طويلة

و اعلقهم على بعض و ابخرهم

و بصراحه كل ما ابخر شي عندي احط العباة و الشيلة عليه

علشان اضرب عصفورين بحجر ( منه يتبخرون و منه ما يرح البخور على الفاضي )

تحياتي

انا عن نفسي اعلق الشيله و العبايه على hanger



احط الشيله بالاول اربعها تربيعه وحده علشان ما يصير فيها خطوط وانا لابستها

و اعلقها بالوسط بعدين احط العباه من فوق..

و احط عوده مع نوعين من البخور و اخليه لمدة 5 دقايق و خلال هالفتره

ازيد البخور او العود اذا عسيت انهم احترقو كلهم..

و بعدين ا حطهم بالكبت و احط المبخره وياهم و اسكر الكبت اخليه شويه مب وايد

و عقب اطلع المبخره و اتجنب افتح الكبت لين حزت العزيمه او العرس الي بسيره

بالوقت الي خلاص بلبس العباه احط دهن عود ويا عطر الين


كم رشه لا تكثرين علشان ريحة الدهن عود و البخور تكون اقوا من ريحت العطر ..

وفي طريقة ثانيه ان بعد ما تغسلين عباتج "اذا كانت العباه ما تحتاج كوي" تحطينها بالعصاره

و قبل لا ينشف الماي منها سوي نفس الخطوات السابقه و راح يثبت وياج اكثر..

ان شاء الله اكون افتدج الغاليه

و السموحه على الاطاله..

مشكوووووووورين غالياتي
"دلعني" و "صمت الاصايل"

والله طرق حلوه

وانتوا بس اللي رديتوا علي جزاكم الله الف خير
ان شاء الله الباقي يساعدونا عشان الجميع يستفيد

شكرااااااااااااااااااا

أم غيثان الغالية

ديري بالج اختي ترى تأثمين إذا تعطرتي وشمج ريال في السوق ، وفي حديث الرسول صلى الله عليه وسلم ( فهي زانية )

بعيد عنج وعن جميع الأخوات

ممكن الغالية تتعطرين في البيت أو في العزايم أو عند الأهل بس ديري بالج في الأسواق والمراكز والطلعات

والله إن شاء يوفقج ويبعد عنا وعنج كل شر ويستر علينا دنيا وآخرة

هلا خواتي........
موضوع حلو.... انا نادر ما اعلق عباتي واعطرها قبل ما اطلع ادخنها بعوده وارشها والشيله بالعطور واطلع.......

هلا اختي.. في شي ينباع في سوق شعبي شكله نفس القفص بس بالطووول انشالله فهمتي شرحي....انه عقب ماتسبح وفي الوقت اللي اتمكيج فيه واضبط حال احط المبخر تحته وفوقه احط ثيابي وعبايتي وشيلتي ونفس الوقت ماتخافيين ان يحترقون او شي والريحة ماشالله تظل مدة في الثياب...

ماعرف شلون انزل صور اذا احد علمني بحاول اصوره وانزلة لج اختي

شوفي اختي اهم شي انك ماتطلعين بها قدام رجال وبعدين بخري الطرحه بس العبايه ماانصحك انك تعطرينها وطريقتي هي ان الطرحه اول ماتغسلينها وتنشفينها الين انك مجهزه المبخره وعليها العود الطيب اومعمول الدخون وتبخرينها اوحطيها في الدولاب اهي والمبخره وبعدين جيبي العطر الي تبين وبخيها راح يجلس الطيب يمكن حدود اسبوع

شكرا حبيباتي ع المشاركه

اكييييييييييييييييييييد لازم الرياييل ما يشمون ريحتنا برع البيت انا نزلت الموضوع ع اساس بتروحين عرس و لا بيت رباعتج و لاعند العزايم

و شكرا حبيباتي ع النصايح القيمه

صمت الاصايل;4015297:
انا عن نفسي اعلق الشيله و العبايه على hanger



احط الشيله بالاول اربعها تربيعه وحده علشان ما يصير فيها خطوط وانا لابستها

و اعلقها بالوسط بعدين احط العباه من فوق..

و احط عوده مع نوعين من البخور و اخليه لمدة 5 دقايق و خلال هالفتره

ازيد البخور او العود اذا عسيت انهم احترقو كلهم..

و بعدين ا حطهم بالكبت و احط المبخره وياهم و اسكر الكبت اخليه شويه مب وايد

و عقب اطلع المبخره و اتجنب افتح الكبت لين حزت العزيمه او العرس الي بسيره

بالوقت الي خلاص بلبس العباه احط دهن عود ويا عطر الين


كم رشه لا تكثرين علشان ريحة الدهن عود و البخور تكون اقوا من ريحت العطر ..

وفي طريقة ثانيه ان بعد ما تغسلين عباتج "اذا كانت العباه ما تحتاج كوي" تحطينها بالعصاره

و قبل لا ينشف الماي منها سوي نفس الخطوات السابقه و راح يثبت وياج اكثر..

ان شاء الله اكون افتدج الغاليه

و السموحه على الاطاله..

BntZayed;4020538:

تقريبا اسوي نفس الشي........


بس وقت ما الدخان يطلع اعطرهم بعطر فرنسي و مخلط عربي عشان يثتب اكثر........

انا عن نفسي اسويه طريقه بنت زاييد والطريقه الاولى

وان شالله تستفيييييييدين وبس :clap::clap::clap::clap:

ادخن الشيلة والعباة بالعود المعطر احس ريحته احلى عن العود
وعقب احط مخلط ولا دهن عود ورشة عطر فرنسي
طبعا يوم اروح لبيت اهليه ولا حد من قرابينا مب يوم اسير السوق لول
وع فكرة استخدمي الفحم بو شعله وربعه احسن مايحرق الشيلة مثل الفحم العادي ولايخرب ريحت الدخون

اتمنى اني افدتج

مشكووووووووووووورين حبايبي ع المشاركه
جزاكم الله الف خير

حبوبه انا عن نفسي احط في غرشه بخاخ واحط فيها ماي ورد مع ماي العادي وابخ على ملابسي الدخليه والعباه والشيله والكندوره اوالتنوره والقميص اللي بتلبسينه وعقب اعطرهم بعطر العربي ثم الفرنسي طبعا تكوني حاطتهم في علاقه الثياب ودخنينهم على جمر هادي مش قوي عشن مايحرق لج ريحت دخون ولا العود وادعيلي واذا جربتي خبريني

أختي الغاليه ام غيثان

انا أبخر عبايتي وشيلتي اذا بروح عرس او عزيمة حريم

اكويها وارش العطر اللي ابيه واحط دهن العود والف ليلة وليلة من اجمل

واحطهم عالمبخره الخشب واستخدم العود المبخر من اجمل او معجون العربية المطور

والريحة ما شاء الله تصير قويه وروووعــــــــه

وهاي صورة المبخره



أختج الدانــه

يااااااااااااااااااااي ونستوني بردكم يا غاليات "طفولي" و "الدانه"

على بالي الكل نسى موضوعي هذا بس الحمدلله في حد رد علي

فديتكم

"طفولي" الله يوفقج دنيا و اخره حبيبتي جربت طريقتج وااااااااااو الريحه خبلتني مشكوووووووووره الغاليه و ربي يحقق كل امنياتج


"الدانه" مشكووووووووووووووره حبيبتي الف ليله و ليله عطر يهبل وااااايد احبه


شكرا خواتي اللي ردوا علي...... لكم مني اطيب الامنيات

انا استخدم العطرو اللي في التولة

thank u so much

العفو حبيباتي

الحمد لله ان الجميع استفاد