عيني عينك بيسرقون خطيبي

اخواتي اريد نصيحتكم
خطيبي اسمه عادل و هو يحبني كثير و يريد ان نتزوج باسرع وقت لكن اللي مخرب علينا سعادتنا هو اسرة كان هو و اهله يعرفونها من سنين طويلة , هذي الاسرة كانت مخططة تزوج بنتهم عبير لخطيبي مو حبا فيه و لكن علشان فلوسه , خطيبي و اهله كاشفين مخطط هذي الاسرة , المشكلة الان ان خطيبي خطبني و هم يحاولون بكل الوسائل انهم يزوجونه لبينتهم بالقوة لدرجة انهم صاروا يلاحقونه في كل مكان يروحه هي و اخواتها حتى اختها المتزوجة تترك زوجها و بيتها و تلاحق خطيبي تحاول تاثر عليه انه يتركني و يخطب اختها علشان فلوسه و الامر ابوها الشايب و امها يلاحقونه بصراحة انصدمت يوم شفتهم معه و قال لي انهم يبوني لبنتهم ماني مصدقة فيه ناس حقيرين لهذي الدرجة و رامين نفسهم كذا, و بنتهم تقعد تبكي عند خطيبي و تقول وش تبي في خطيبتك هي مو حلوة و انا احلى منها , خطيبي يضحك و ما يرد عليها
انا قلت لخطيبي هاوشهم وقفهم عند حدهم لا تسكت لهم يرد علي و يقول استحي اهاوش شايب و عجوز , خطيبي يقول ما عليك منهم خليهم ينبحون و بعدين يملون و يتركونا في حالنا و يقول انه يحبني و متمسك فيني اصلا بنتهم ما كان يفكر فيها و هي كانت قدامه سنين طويلة لو كان يبيها كان خطبها
الوضع مو مريحني و ابي خطيبي يكون حازم معهم و يوقفهم عند حدهم و يقولهم خلاص انا تزوجت و ابيه يبعد عنهم نهائيا, على فكرة بنات احنا متملكين
كيف اتصرف معهم وش تنصحوني فيه ؟