بنات تعبت ومحتاجة مساعدة :(

السلام عليكم

بنات عجبني منتداكم وحبيت انه اشارك معاكم لان يمكن احصل حل لمشكلتي بعد ما عيزت من الدكاترة اللي خلصوا فلوسي ولا فادوني:sad::sad:

بنات انه اعاني من مشكلة وجهي وشعري اللي بدت يمكن من 4 سنوات:sad:

ويهي كان صافي ومافيه حب لكن من 4 سنوات بدا الحب يطلع في ويهي . وصار ويهي يدهن ويطلع فيه حب وايد وفي نفس الوقت يتحسس ويصير احمر وما يناسبه اي شي. رحت لكذا دكتور وعطوني مراهم وكريمات ومضادات ولا شي نفعني . ما نفعني الا الروكاتين ولكن استعمله شهرين ومن اوقفه يرد يطلع لي بعد فترة.:sad::sad:

وكان شعري من قبل ضعيف والحين صار اضعف من الروكاتين وحده متقصف وضعيف ويطيح:confused::confused:

وقفت حبوب الروكاتين يمكن من شهرين والحب رد يطلع في ويهي بس كنت مقررة اني ما ما اروح للدكتور ولا ارد اخذه لان تعبني وبشرة جسمي صارت حدها متشققة منه ولانه غالي واذا اتركه ريد يطلع لي حب يعني مب علاج نهائي:confused::confused:

جربت في هالوقت كل انواع الكريمات الديفرين والريتن أ والمضاد واستعملت السدر بس كله ما قاعد يفيد يعني يطلع الحب لو شنو سويت:sad:

وسويت فيشل لويهي عند وحدة مختصة وقالت لي انه ويهي حساس ودهني وعطني اشياء له بس ما نفعت:confused:

بنات تعبت نفسيا. امي مب راضية اروح للدكتور . وانه خايفة انه من العين. لان يا بنات انه احس شكلي عادي بس في ناس الله يسامحهم يقولوا لي في الويه اني جميلة وما ادري شنو. يعني صرت اخاف من كلامهم انه يكون سبب مشاكلي. مع انه شكلي عادي. :sad:

بنات شسوي ساعدوني ابغي اروح للدكتور بس مترردة. ونفسيتي تعبت. فلي عندها شي يفيدني تقول لي. واللي ما تقدر تساهعدني تدعي لي.:sad::sad: