الى كل محتارها بطفلها من عمر 3-5سنوات

[GLOW="FF0000"]ياريت لأن تعبت من بنتي عصبية وما تسمع الكلام حاولت بكل الطرق وما في فايده إلي في راسها تسويه وعمرها الحين سنتين وسبعة أشهر ياريت تساعديني[/GLOW]

انا بعد ولدي عمره ثلاث سنوات
ومغربلني وايد عنيد ويبى كل طلباته تتنفذ
ومشكلتي الكبيرة معاه هي الحمام
يعني هو ما يلبس حفاظة بس اني اوديه كل ساعة الحمام
واذا انساه يعملها في ثيابه ولا يتكلم
رغم انه ذكي ويعرف يتكلم ويفهم
بس ما ادري ليش مايقول
واذا اطلع كل احاتي واحسب اليه لانة اذا تاخرت عن الساعة يبول في ثيابه
وابي اعرف هل طبيعي ان الطفل عمره ثلاث سنوات ما يجود روحه اكثر من ساعة
وللعلم اني علمته على الحمام من عمره سنتين يعني صار لي سنة اعلمه

العدوانية عند الأطفال هل هي شئ طبيعي ؟؟

اي والله مشكلتي نفس مشكلة الخوات
العناد الزايد وعدوانيتها على اختها اللي اصغر منها بسنه دايما اتعضها وتضربها
ابغي حل

أنا بنتي (3 سنوات) ما ترضى تنام في سريرها وتضل تجي تنام على الكنبه في غرفتي و أرجعها 3-5 مرات في الليل مع ان سريرها قريب مرة يعني و أنا منسدحه أشوفها في غرفتها

يعني انا مايصير اشارك ولدي عمرة سنتين وشهرين ...؟؟

مرحبا اخواتي بالنسبة لمشاكلكم محلولة بأذن الله العناد والعصبية وعدم التجاوب مع الاهل كلة هذا بسبب ان الطفل في هذة المرحلة متمركز حول ذاتة اي انة اناني ويحب كل شي لنفسة وايضا يحب لفت الانتباة بشكل كبير وافضل حل هو ادخال الاطفال في هذا السن على الروضة لأن الروضة تهديهم وتحسن من سلوكاتهم جدا ويتعلمون ما هم مفيد لهم .

بالنسبة لمشكلة الحمام اختي محلولة لان ضبط التبول والاخراج يتم خلال عمر 3-5 سنوات .
عندما يريد ابنك الحمام فورا خذية الى الحمام , وورجية ان مكان الاخراج والتبول في الحمام وليس على نفسة او في سروالة واذا ما نفع ضعيلة في الحمام النونية ولكن يحب الاسراع في تعليم طفلك الدخول الى الحمام لأنة عند دخولة المدرسة سوف يعاني في المدرسة بسبب الحمام .

الطفل في عمر 3 سنوات يجب ان يتعلم النوم في سريرة واليك الطريقة :
اولا لما يحين موعد نوم ابنك لازم توخذية وتضعية في سريرة الخاص واذا رجع ونام على الكنبة امسكية ورجعية على سريرة وهكذا حتى يتعود النوم في سريرة الخاص .

بالنسبة للضرب ابنك لأخوة فهذا بسبب غيرتة من اخوه وهذا وضع طبيعي لان الطفل عندما يأتي طفل اخر ويحل محلة يبدأبالغيرة ولفت الانتباة لذلك حاولي الاهتمام به قدر المستطاع وابعدي الصغير عنه لفترة محدودة .
وارجو اني افدتكم

انا بعد ولدي الكبير عمره 3 سنوات و4 اشهر تقريبا ..

مشكلة الحمام الحمد لله قدرت اتغلب عليها وصار له فترة من قطع الحفاظ نهائيا والحمد لله انه من قطع ما قام يعملها على نفسه حتى وهو نايم او حتى لما اطلع به برا البيت واتأخر لمدة 3 ساعات عادي .. لكني حابة انه يتعلم ينظف روحه بروحه خصوصا انه بيروح الروضة مع بداية السنة الدراسية الجديدة يعني بعد حوالي 3 اشهر وما ادري اذا كانوا ينظفون الطفل في الروضة بعد الحمام او لا :qaq:

مشكلة العناد موجودة بشكل كبييير والانانية بعد وغيرته من اخوه الصغير .. احيانا يصير طيب وحبوب مع اخوه ويلعب معاه ويبوسه واحيانا ينقلب شرير ويضرب اخوه ولا يرضى يمسك لعبة او اي شي .. للحين اذا شافنا مشترين لعبة جديده حق اخوه يغار ولازم ياخدها حتى لو كنا ماخذين له لعبة ثانية تناسب سنه هو .. يتملك اللعبتين ولا يرضى اخوه يلعب بشي ..


والمشكله الاهم هي السرير .. كان في البداية وهو صغير عادي ينام في سريره لكن من فطمته عن الرضاعه بعد السنتين قام ينام معانا على السرير وقمنا نوديه سريره بعد ما ينام وتمينا على هالحال لما ولدت بأخوه وكان عمره سنتين و8 اشهر وقام ينام معانا بعد على السرير .. لكن بعدها قمنا نستخدم اسلوب الترغيب ونوعده بأشياء حلوة علشان يرضى ينام وفعلا نجحت الطريقة وقام من نفسه يروح ينبطح في سريره وينام لكن بعد فترة رجعت ريما لعادتها القديمه :sad: والحيننعاني معاه من هالمشكله انه ما يرضى ينام في سريره ابد وحتى بعد ما ينام ونحطه في سريره لين قعد يقوم يجي ينام معانا :confused: ما في فايده معاه .. احيانا ينام في سريره بعد ما نعصب عليه واحيانا نضطر نضربه اذا كان متشيطن قبل النوم لكنه يكسر خاطري بعدين اذا نام وهو زعلان :sad:

وفي مشكلة التعليم بعد .. احسه غير منظم في اغراضه .. ومو عارفة شلون اعلمه النظام .. يعني مثلا ::

- انا ماخذه له مجموعه ادوات تعليمية من كتب ودفاتر واقلام والون ومحايات غير بعض الالعاب وماخذه له بعد شنطة صغيرة ... لكنه لمن يقعد يكتب او شي ينثر اغراضه كلها وبعدين ما يرضى يلمها .. احاول اعلمه واقوله وانصحه لكن بدون فايده ..

- لمن اقعد اعلمه احسه غير صبور .. يعني مثلا اكتب (أ) يكتبها بالغصب مرة او مرتين بعدين يقعد يخربط على الدفتر .. اقوله يالله ماما بعد اكتب (أ) يقول كتبتها خلاص واخرتها اتملل واقوم عنه:sad:

- ولمن اقعد اعلمه الارقام بعد ما عنده صبر .. يتسرع في العد واخرتها ينسى له رقم .. ما قط مرة عد من 1 - 5 بشكل صحيح :sad: دايما ينسى رقم في الوسط :sad:


اعتقد ان هي اغلب المشاكل اللي اعاني منها مع ولدي .. يا ريت تساعدوني وادعوا له بالهداية يا بنات :sad:

ماشاء الله كلنا عندنا مشاكل مع عيالنا .. الله يحفظهم... لكن اللي قريته من المشاركات غالبيتها أن الطفل عنيد.. وأنا ولدي صاير نفس الشي يحب يعاند باللبس يسوي حركات وتمثيليات لحد مالبسه ثيابه..
عناد في الأكل وغيره... وعناد في تحفيظ القرآن والكتابة أحاول أعلمه الحروف بالعربي يكون لما يدخل الروضة بعد شهرين عنده خلفية، قام حفظ الحروف الإنجليزية وترك العربية.

أنا الحين بانضم معاكم بمشكلة العناد.. والحمدلله ماعندي مشكلة بالحمام او النوم...

انا عندي مشكلة في الحمام اودية الحمام واظل معاه 10 دقائق بس ما يبول اذا طلعته من الحمام
يعملها بره او على ثيابة

الى ماما حسون
الاسئلة الاولى رديت عليها للبنات الي فوق بس بالنسبة لمشكلة التعليم
خليها لما يدخل الروضة والتعليم على المعلمة يصير مش عليكي
ماشي

الى امولة
لازم تستخدمي معاه اسلوب جيد عند تدخيله الى الحمام ويجب عدم استخدام العنف معة او الصراخ فيجب ان يكون بالين والهدوء وقول الكلمات اللطيفة مثل : يا حبيب ماما فوت الحمام , الشطور الي يفوت الحمام اما الكسلان ما يفوت ومن هالكلمات لين تخدعية وتفوتية ويعملها داخل الحمام .