ماقصروا سوو الهاويل فيني؟؟؟

الله يعينك أختي ..

جيبي لها هدية من هدايا المواليد تحصلينها في محلات الهدايا .. حتى لو كانوا بدو أنا أشوف هالشي بين كل الناس (حضر , بدو) .. والهدية عبارة عن ملابس للمولود بس مرتبينها بطريقة حلوة و مرتبة لإنها هدية ..

أو أنتي أشتري مابس للمولودوأغراض للمولود ووديها محل يغلفها بشكل حلو ..

وتقدرين تسوين طبخة وقهوة وشاي وأخذيها معاك عندهم .. وامها عطيها فلوس لو شي رمزي المهم تسوين الواجب ..

هذا اللي أعرفه و أشوفه ..

موفقه أختي والله يسخر لك زوجك ويهدي أهله ..

مشكوره اختي على الاستجابه السريعه انا رايحه انشاالله الثلاثاء الجاي وزوجي حالته الماديه هاليومين رايح فيها يعني بالكثير يقول ابعطيك 50 ريال تصوري ...فكرة الهديه داخله مزاجي اكثر من اني اعطيها فلوس لأن الهديه يبقى اثرها واذا احد سألها بكره(الله حلوه بدلة بنتك من شاريه...تشاور علي ذيك الساعه ويموتون قهر السوس ا:confused:شرايك اشتري لها فستان مع بطاقه مطبوعه بالكومبيتر حلوه وملونه وفيها كلمات بالسلامه والتباريك واغلفها انا بأيدي انا شاطره بهالحركات ......وامها المشكله كنت ناويه اعطيها معمول بخور عيا رجلي وقال عندها كثير واشتريت لها من قبل جلابيه ومالبستها واعطتها بنتها (شفتها عليها في زياره كانت حامل )
شو اشتري لأمه والله احترت والماده على قد الحال .....:1_3:

50 ريال ماتسوي شي

ماتقدرين لا تشترين هديه ولاتقدرين تمدين لها 50 ريال انا اقول مب لازم تعطينها الحين

خليها لين المادة تتحسن

باقي على الرواتب سبوعين عطيها 500 ريال في مهاد الياهل وبس تكفي عن كل شي

والله يكون في عونج

[GLOW="FF0000"]ريمانوفا لله يعينك البنات أن شاء الله يساعدونك [/GLOW]

والله يا اختي ... انا مع بنت قطر ... ما تسوى 50 ريال ولا راح تسوي لج شي يجي في العين ... يا انج تتأخرين ما تروحيين يوم الثلاثا ... او انج تروحين لكن الهديه وديها عقب ....

وبقولج شغلــه ... يكرهــونج بكيفهـم لا تهتمين في هالاشيـــاء والله راح تتعبين ...
انتي عندج اهلج ... ريلج .. عيالج ... خلاص ما عليج من حد .. امه وصلتيها وما قصرتي .. اذا هم ما عطتج ويه واستمرت ... خلي علاقتج سطحيـــة ... ولا تبينين ان انتي ميته على رضاهم لان محد يستاهل ....

اللي يحبج خليه يحبج بدون شي ... مو تذبحين عمرج عشان يحبونج ...

هذا رايي واتمنى ما تزعلين مني ...

وربي يوفقج ان شاء الله انتي وريلج .... ويسعدكم ويبارك لكم .. :)

مثل ما قالت بنت قطر
تريي اشوي الين ما تتحسن الاوضاع وعطييها فلوس .. 500 ريال اظن تسد ..
وسويلهم فوالة وقهوة ووديها لهم .. وهدية حق البيبي .. ملابس حطيها في بوكس ولا كرسي مال الاطفال ولا عربانه .. اي شي المهم هديه ..
وبسسسسسسس وترومين تستغنيين عن 500 ريال اذا عطيتيها هديه .. يعني حسب الاستطاعه

والله يا اختي ... انا مع بنت قطر ... ما تسوى 50 ريال ولا راح تسوي لج شي يجي في العين ... يا انج تتأخرين ما تروحيين يوم الثلاثا ... او انج تروحين لكن الهديه وديها عقب ....


اقوولك ودي لها دلتين قهوة وشاي وسوي فطاير او حلويات بالبيت وودي لها اللي اعرفه ان البدو لازم قهوتهم وشاهيهم مع حلا مالهم وودي لها سله كافي واشتري للبيبي ملحف طقم وللام حطي بيدها 300ريال او اذا عندج ذهب حد ماعطج حطي لها خاتم اساور اي شي


وشووفي سواء عطيتيهم او لا اذا يكرهوونج لو تعطينهم مااال قااارون بعد بيعقروون فيج ولاشي بيترس عينهم

والله ياحبيتي لاتضغطين على نفسك والله اعلم بالحاله الماديه

وانا مع كلام غولف غيرل بكل كلمه


موفقه يارب


بس والله ضحكت من اسلوبك يجننننن


مبين عليك ماتستاهلين اللي يجيك



موفقه

مرحبا اختي من طبايعنا بلولاده نودي شاي وقهوه وحلا وعشاء للوالده يعني مرقوق مثلا ونحط بمهاد المولود 100 ريال او 200 اذا حاله الزوج زينه وهذا شي متعارف عليه من اول لي الحين واذا حابه شي يبقى ويغيضهم وكان المولود بنت ودي سلسال ذهب او تراجي ذهب لن الذهب بيبقى

بنت قطر..........كلامك عين العقل بس مادري متى ممكن ازورهم زوجي يوديني كل 6 شهور مره وما احضر مناسباتهم من تمايم وغيرها من عزايم (فقط انا من بد العايله كلها وحريمهم بعدين اقول لكم السبب حسبي الله ونعم الوكيل)

الماسيه مشكوره عالمرور والدعاء

بنت الخليج مشكوره اختي وكلامك عين العقل وماني زعلانه بس زوجي يتأثر من كلام امه وخواته ويجيني مقلوب وهم يكرهوني وهو موحاسس بالمره ويقول انهم ضعوف وفقارا ومساكين طيبين (ملائكه يمشون على الأرض)

اريش العين______مشكوره اختي وفعلا انا ودي انتظر لكن؟؟
كلثم_______اختي والله العظيم انا ذهبي كله بعته واعطيت فلوسه لزوجي واتمنى انه عندي ذهب ابيعه الحين....علما بأنها اخته مازارتني في بنتي الصغيره ولا عطتني شي..
ميس الريم_________مشكوره اختي وحلو اني وسعت صدرك وياريتك لاحقه علي قبل لا يكيدون لي اهله كنت نكتيه المكان وبدوني القعده ماتسوى واحب الناس واحب اهدي هذي هوايتي لدرجه اني اهدي عيال اخوانه الصغار اذا نجحوا هدايا مغلفه وحركات مو فلوس بس بردو ماثمر فيهم امهاتهم يكرهوني ....بعدين اقول لكم السبب اللي احتجت 10 سنين عشان اكتشفه....:confused:

دلوعه خطيره________فعلا جبتي اللي يذبح البدو ذبح الذهب والله انك خطيره___________________________________________________________
والله انا معاك قلت 50 ريال ماتكفي ولا تجيب شي بالمره بس رحت السوق اليوم ولفيت وطلعت كل شي فوق الخمسين ريال المشكله اخواتي اكبر من كذا بكثير انزلها في موضوع ثاني انتظروني .....مازال قلبي يدمي ويدمي حتى اموت ويغطيني التراب ولا من ابه ..الله يعاقب اللي كانوا السبب :1_3:
اذا تأخرت بيحطون فيني الهاويل (انا ماخذه اجازه 4 شهور من غير راتب عاد هم بدو مايفهمون الا موظفه عندها راتب)بخيله والخ........
وزوجي من النوع اللي مبين عليه انه عنده خير وهو ماعنده ماعند جدتي الا والله جدتي اسنع منه..:clap:
اذا اخرت الهديه وغيري من الحريم عطاهم شراح يكون وضعي والله اني شايله هم الموضوع علما ان اختها والده قبل 3 شهور لاقهويتها ولا اهديتها (بسبب ظرف تعرفونه في وقته) وهي عاذرتني لكن انا ماسامحت زوجي قدامهم قلت مخليني اصير ماني راعية واجب وانا اقول اللي مايوجب الناس الناس ماتوجبه....عشان مايحطون في بالهم اني انا السبب .
اشرايكم اقهويها الحين و اخلي زوجي يقوم بالمهمه ويعتذر عنا اثنينا وان الظروف تعبانه وابشري باللي تستاهلينه يافلانه(اخته الوالد)وبالنسبه للام :sad: مايعجبها شي فيني ولا يعجبها شي اجيبه شللي يحبونه العجايز فلوس ماراح يملي عينها 50 ولا 100 ................انقذوني وفكروا بهديه للعجوز ماتجي عبال احد ...:B_wink: