عاملين ايه بنوتات وحشتونى جدا جدا جدا .... دا اول موضوع ليا بأسمى الجديد فا حبيت يكون موضوع بجد مميز
كانت فى بنات اتكلمت عن عشبه الاس اللى تطول الشعر صح؟؟!! المهم انا دورت كتير على هذه العشبه ومالقيتها وبالصدفه لقيت كتاب عندى عن البشره والشعر وبفتحه لقيت مكتوب عشبه الاس وبين قوسين لها اسماء اخرى ومنها الريحان ... والله اتصدمت ... انا دايخه عليه بره وامى ماتزرع عندنا فى البيت غيره وبدأت تصدر للجيران كمان :2_106:
قمت عملت الزيت المعجزه وانا جربته لمده شهر والحمدلله شعرى تحسن كتير وسميته زيت اللمعه والكثافه والتطووووووووويل
هقلكم بقى الزيت مكون من ايه :: اولا عشبه الاس ( الريحان طبعا ) وحبه البركه مطحونه و سدر مطحون وزيت خروع وزيت دابر املا و اوراق نعناع
بصوا بقى انا عملت ايه اخدت الريحان وقطعته قطع متوسطه وحطيتهم كلهم فى زجاجه بس كميه الخروع ضعف كميه املا وسيبته تقريبا يوم واحد وابتديت استخدمه علطول وكنت بحطه لمده ساعتين واحيانا كنت بنام بيه وبعدين بغسل شعرى بالشامبو عادى خالص ومرتين فى الاسبوع ودى صوره الزيت
معلش الصوره كبيره واللى يعرف يصغرها يا ريت يصغرها اولا طبعا عشبه الريحان .... تطول الشعر وتكثفه
ثانيا زيت الخروع 1- لمنع تساقط الشعر
2- تغذة الفروه
3- يعطي الشكل الصحي للشعر
4- لتقوية البصيلات
5- عدم تشابك الشعر
6- قضاء على القشره
ثالثا حبه البركه لمنع تساقط الشعر
2- تغذة الفروه
3- يعطي الشكل الصحي للشعر
4- لتقوية البصيلات
5- عدم تشابك الشعر
6- القضاء على القشره
7- كثافة الشعر
8- علاج امراض الفروه من الحكه والاحمرار
رابعا السدر يطول الشعر ويقويه ويقضى على القشره
دابر املا ... 1- تطويل الشعر
2- تغميق لونه مع عدة استخدام
3- منع تساقط الشعر
4- كثافة الشعر
5- القضاء على التقصف وانعدام الشعر
6- المحافظه على لمعان الشعر
اوراق النعناع تنشط فروه الشعر ويقضى على القشره
حبايبى محتاجه دعوتك بليييز قولوا ربنا يفرج كربك يا بسنت يا رب ويفرح قلبك و يسهل امورك وييسر طريقك امين يا رب العالمين
وان شاء الله تستفيدوا
اختكم أسيرة حنانه (بسنت المصريه سابقا )
