هاه كيف احل المشكله؟

اولا السلام عليكم ورحمة الله وبركاته


بعد السلام ابعرض مشكلتي واتمنى القى منكم حل او تعليق او اي شي اهم شي محد يطنش

مشكلتي

انا اعاني من فقدان شديد بالذاكره يعني ذاكرتي ضعييفه مع اني مو كبيره يعني توني شباب عمري 22 سنه
بس ما ادري ليه ذاكرتي كذا؟!!
من قبل ماكانت كذا ... كنت والله طبيعيه
بس فجأه اكتشفت اني ماعندي ذكريات .. يعني ما اتذكر من طفولتي الا مقاطع بسيطه!!
لا واحيانا مدري اذا كانت الذكرى عني او عن اختي !
يعني اتخربط اقول السالفه اذكر كذا وكذا بعدين اقول الظاهر انها انا وبمكن اختي!!

المهم انا ما لا حظت هالشي الا بعد حادثه معينه وربطت ضعف ذاكرتي فيها .. احتمال يكون اعنقادي صحيح وممكن لأ..
الحادثه هي زواج اختي..

انا عندي اخت توأم ومرتبطين ببعض بقووووووة يعني كنت اشوف الدنيا بس هالاخت وكنت دايم اتخيل وافكر وش بيصير لي اذا راحت عني

المهم انها تزوجت قبل سنتين
وعشت فتره صعببببببببه ما يعلمها الا الله
والغريب في الامر
اني ما اذكر بهالفتره شي غير نفسي .. كيف كنت حزييييينه.. وكيف كانت نفسيتي
بس كل من سالني من كان عندكم؟ قلت ما اذكر !!
و اي سؤال انسأله عن هالفتره ما القى اجابه عندي !!

لدرجه ما اذكر اذا خوالي كانوا عندنا اولا << مع العلم اني اذكر بس وجيههم بصالة بيتنا بس ما اذكر هم نامو عندنا؟ والا اخذو لهم شقه؟ما اذكر ولاشي

والى هذا الوقت احس ان ذاكرتي تضعف
يعني الحين مثلا لو ابغى اقول سالفه .. اقول فلان قال وقال وقال وبعدين اقول :ما اذكر ان كان هذا الشخص كان يكلمني انا عن هالموضوع او لا؟
او يمكن كان يكلم شخص ثاني
او يمكن احد نقل لي هالسالفه!!!

احس لو تضعف ذاكرتي زياده ابصير متخلفه
مع اني ما اعاني شي وقت الدراسه يعني احفظ واحل بلامتحانات وانجح
وبعض مدرساتي يعتقدون اني ذكيه

لكن مشكلتي مو في الدراسه.. مشكلتي في حياتي الاجتماعيه
ما ابي اظهر بمظهر الغبيه ... ولا ابي احد يتبلى علي .. مثلا يقول لي انتي فعلتي كذا وكذا وانا ما اتذكر اذا كنت مسويه هالشي او لا!!:eeksign:

ان شا الله القى عندكم ما ينفعني
شاكره لكل شخص يعلق مجرد تعليق وارجو ان تدعون لي