يا ليت اللي جربوا زيت الخروع,,,, يشاركونا بتجاربهم,,,,

شوالسالفة محد جرب الخروع؟؟؟؟؟؟؟؟؟؟؟

اختي أغلب البنات مجربينه لو تقري قصص ولاداتهم

بس سمعنا انه هو مجرد مسهل للبطن

و ماله علاقه بالطلق

ما عندي خبره و لا علم اسمحيلي

زيت الخروع
اول مرة اسمع بفائدته للطلق
بس ما اتوقع له دخل
وانا ما احب استخدم ايشي غير التمر والمشي

وين باقي البنات شاركونا بتجاربكم

انا بعد مااعرف غير ان امي كانت تشرب منه يوم يكون عندها امساك بس اذا انه يسهل الطلق ماعندي خبر ان شاءالله المجربات يفيدونك .....

وينكم يا بنااااااااااااااااااااااااااااااااات

عزيزتي رميثية

انا عن نفسي شربت زيت الخروع لأنه كان عندي طلق والرحم ماهو راضي يستجيب

3 أيام طلق والرحم بس فاتح 1سم

نصحتني الدكتورة أشرب زيت الخروع علشان يفتح الرحم بسرعة

طبعاً بعد ماشربته الله لايوريك ( رايحه جايه على الحمام الله يكرمك )

ظلت معاي الحاله ذي شي ساعه ونص تقريباً بعدين هدأ المغص عني وبدأ معاي الطلق بجد

وبعد ماشربت الزيت بحوالي 15 ساعة ولدت والحمد لله

مشكورة اختي البرنسيسة على الرد,,,,,


بس بغيت اسألج متى بدا المغص معاج؟؟؟؟؟؟؟؟؟؟؟؟

وهل الطلق كان حامي ولا خفيف؟؟؟؟

السلام عليكم...

أذكر إن أختي شربت زيت الخروع وي عصير فيمتو...

وكان المغرب..وبعد ماشربت قامت الفير وتمت رايحه يايه عالحمام...يوم الساعه 7 ونص راحت المستشفى لإن نزل الماي عندها..وحصلت النفس مفتوحه عندها بس 2 ...

وبعدين تمت تمشي..ويوم الساعه 11 وشي تقريبا ربت بالسلااااااامه :)

بصراحه أنا جربت زيت الخروع كان عندي موعد في المستشفى في الصباح وقالت لي الدكتورة ولادتي قربيه قالت لي عندج أعراض الطلق قلت لها لا قالت لي الرحم عندج متوسع شوي ممكن تكون الولادة قربيه رجعت البيت ولا في شيء ولا ألم بعد الساعه تسعه ونصف بالليل شربت زيت الخروع نصف فنجان قهوة وخلطته بكوب عصير برتقال وبعد ساعتين جاني إسهال كل شوي الحمام وبعدها جاني الالم الساعه 2 بالليل بصراحه هو يحمي الطلق ويسهل الولاده وتقربيا ولدت الساعه خمس ونص الفجر

انا خذيت الخروع و سبب لي اسهال فضيع و ثقل بالبطن يعني ما تبين تاكلين شي تحسين ان المعدة كلها زيت لمدة ساعات يمكنم 12 ساعة و لا طلق و لا هم يحزنون و الله ان الله يسامح اللي تقول الخروع للولادة ابد يجرح المنطقة اللي يخرج منها البراز و انتو الكرامة من كثر الاسهال و انا شخصيا اكثر وحدة اتمنى اولد اليوم قبل باكر و جربته مع الاسف حركة تافهة مني لانه بالعقل مجرد الام اسهال مو الام ولادة و من كثر ما تترعصين نفسج بالحمام للخروج و انتو الكرامو يمكن تنفتحي سم او 2سم يعني كمان مو ولااااااااااااااادة

مساء الخيرات خواتي انا عن نفسي اكثر وحده جربت زيت هالخروع وع صج يخرع ويلوع بصراحه مثل ماقالت اختي ام صلصا ماله خص في الطلق بس وانتم بكرامه يمشي البطن ويخليج هلكانه من كثر رايحه يايه على الحمام

فوووووووووووووووووووووووووووووووق

زيت الخروع يخلي الرحم ينقبض بسرعه وهذا الشيئ مب زين والسهاله من رب العالمين في الولاده ومب زين تستخدمينه بشكل عشوائي

أني أتوقع أن زيت الخروع يستخدم بس للي عندها طلق بارد بسبب الأوساخ الموجودة بالبطن
ولما تشربيه ينزل هالأوساخ ويسمح للرحم يشتغل
عن نفسي لما جبت بنتي مع بداية الطلق جاني أسهال ومع ذلك شافت الدكتورة أني محتاجة أنزل أكثر وعطتني حقنة شرجية وحبستني في الحمام وبعدها بدأ الشغل الحقيقي
يعني زيت الخروع تستخدميه اذا كانت في بوادر ولادة والطلق موحامي وتبي تنظفي بطنك للتسهيل

اختي الرميثه انا سمعت عنه في قناة بدايه اذا تعرفينها بس ما قد جربته اما انا عن نفسي جربت المراميه تبخرت فيها الله يكرمك في الحمام وانفتح عندي 6سم اتمنى انك تجربينها

انا مو متزوجة بس صديقتي لما طولت ما ولدت و كانت شوي و تدخل الشهر العاشر و البيبي مو راضي يطلع اخذت زيت خروع و من بكرة ولدت <<يمكن مجرد صدفة بس سبحان الله