شامبو منزلي من يدك .. حصريا .. * بالشرح + الصور *

السلام عليكم و رحمة الله و بركاته =)



أول شي نورتوا الموضوع كلكم =)

و اتمنى من كل قلبي ان تكونين بأتم صحه و عافيه =)



طبعا قبل كل شي أهدي هذا الموضوع لجميع عرايس عروس

خصوصا : بحرينيه حلوه و مغروره

لأنها طلبت مني طريقة الشامبو الطبيعي و طلبت شي ثاني سيتم ادراجه قريبا =)



طبعا أحلى شي لما نسوي الشامبو من صنع ايدنا او الكريم او البلسم

و نفتخر و احنا نستخدمه و نتباهى فيه

خصوصا ان كان نتايجه حلوه و مرضيه



لما نسوي شامبو نحتاج الى صابون طبيعي سائل

فأول شي راح نسوي الصابون السائل (( اللي علمتني اياه اختي ))

و بعدين ناخذ منه و نسوي الشامبو



المقاديـــــر للصابون السائل :

- كوب صابون طبيعي مبشور
( يفضل الصابون اللي لونه أبيض عند العطار من غير أي اضافات =) .. و ممكن استخدام صابون الغار )

- كوب ماء مغلي

- ملعقة كبيره جلسرين سائل



الطريقــــــه :

1- نغلي الماء زين ثم نطفئ النار



2- نضيف الصابون المبشور و راح يصير بهذا الشكل





3- نقلب بحركات دائريه خفيفه جدا عشان ما نبي الرغوه


4- راح يصير أخيرا بهذا الشكل



ملاحظه : المفروض أضيف ملعقه جلسرين و لكن أنا الصراحه ماحطيت لأن ماكان عندي جلسرين

أنتهى الصابون




الشامبو

المقادير :

1- ربع كوب ماء

2- ربع كوب صابون سائل

3- نص ملعقة شاي زيت نباتي ( أنا استخدمت زيت الأفوكادو من شركة معاصر الأحلام )





الطريقـــــه :

1- نضيف الماء في وعاء



2- نضيف عليه الصابون السائل مقدار ربع كوب



3- نقلب جيدا لين يتجانس


4- نضيع نص ملعقة شاي زيت



5- نقلب زين


6- نضع الشامبو بعلبه و نحفظه و الكميه تكفي لاستخدامين



و انتهــــــــــــــــى





ملاحظات :

* لا تنسون وضع البلسم بعد الاستحمام لان هذا شامبو طبيعي 100% عكس الشامبوهات الصناعيه اللي فيها نسبة ترطيب

* الرجاء عدم وضع صوابين اخرى ( الكيميكالس ) اللي تحوي مواد كيماويه مثل لوكس

* عدم استبدال الصابون بصابونة طاووس

* عدم استخدام الخلاطه أبدا في الخلط

* استخدام الاكواب و الملاعق العياريه لنتائج أفضل

* قد تحتاجون الى فتح النار قليللا اذا استعسرت عليكم عملية اذابة الصابون بالماء

* عند شطف الشعر بالماء بعد الشامبو ستلاحظون ان الشعر بدا قاسي قليلا و لكن هذا الشعور سيختفي بمجرد تجفيف الشعر =)



الطريقه الللي تم عرضها هي اساس لأي شامبو

و بموضوع أخر منفصل راح أحط تجاربي لأنواع كثيره من الشامبوهات من تجربتي الخاصه و من تجربة امي و خواتي (( الله يخليهم لي ))

و دمتم سالمين

أتمنى ان عجبكم الدرس و حاز على رضاكم =)

موفقين و نورتوني

اتمنى ان ما تحرموني من مروركم العسل =)



و ما أطلب منكم الا دعوه صادقه بظهر الغيب ان تتسهل علي دراستي و اتفوق بنسب عاليه

:1_3: